معقودة واشمن معقودة مرحبا بالانيقات

اخواتي كنتمنى ليكوم صيام مقبول وعبادات مأجورة في هذا الشهر الفضيل.
المعقودة اللي جبتلكوم هاد النهار كنديرها فالايام العادية مرة مرة،ولكن فرمضان كتعجبني بزاف و نتمنى ان شاء الله حتى نتوما تعجبكوم.
الشرح و المقادير مع الصور يا حبيباتي:

في طنجرة ديري 4 حبات بطاطا مغسولين مزيان طبعا،حبة بصلة مقطعة بحجم كبير،حبة طماطم بقشورها،حبات تومة،قزبر مامقطعش كامل،الماء،سدي الكوكوت شي 20دقيقة.

منين تفتحي على الطنجرة صفي الخضر من الماء

قشري البطاطا و الطماطم ومعسي الكل مع اضافة:الملح،كامون،شوية يبزار،شوية خرقوم او زعفران

في صينية ديري كويرات

فبانيو صغير ديري شي 150 غ فورص،بيضة،نصف الزا،تحميرة بكثرة اي شي 3 معالق كبيرة

زيدي الماء و حركي مزيان تولي بحال عجينة بغرير

تبقاي تاخدي من كويرات البطاطا وديري فالخليط و رمي فالزيت تكون سخونة

بحال هاد الشكل،قلي عادي

هادي هي النتيجة،المنظر زوين و حتى المذاق.
اوا كيجيتكوم ماشي ظ…ط¹ظ‚ظˆط¯ط© المطاعم هادي.
ارجوا منكن الدعاء لي باصلاح كل شأني في هذا الشهر الكريم.

lur,]m ,halk lvpfh fhghkdrhj