اليوم باذن الله نحكي ليكم كيف داز ط§ظ„ط¹ظٹط¯ عندي واللي هو اول عيد ندوزو فداري في صباح ط§ظ„ط¹ظٹط¯ قمت من النوم بكري كنت في عذر شرعي ماصليتش للاسف واكتفيت بالتهليل والتكبير والتسبيح عجنت البطبوط ووجدت الميعنات اللي نحتاج والفوطات والزيوف وعمرت الماء بزايد لانه كيتقطع ظ†ظ‡ط§ط± ط§ظ„ط¹ظٹط¯ وشطبت السطح ثم فيقت الزوج ديالي فطر ولبس الجلباب ثم توجه الى المصلى فهاد الاثناء غسلت الاواني من بعد مافطرت وليداتي ولبستهم ملابس ط§ظ„ط¹ظٹط¯ ومشيت عجنت الخبز وطيبتو وجدت الصينية لاتاي والفاخر في المجمر ثم جا الزوج ديالي صحبة الجزار لان زوجي مايقدرش يذبح بوحدو حوالي الساعة 11 بقيت انا في المطبخ حتى خرج الجزار ومشيت حطيت كل حاجة بوحدها في بانيو وبديت بالكبدة هي الاولى شويتها ودرت بولفاف وعمرت اتاي وعطيت لزوجي ووليداتي ياكلو ولانهم فاقو بكري مشاو يرتاحو شوية وخرجت انا للسطح بديت بالقلب والرية غسلتهم مزيان ودرتهم فالشباكي ثم المصيرنات غسلتهم وقلبتهم وملحتهم ثم الكرشة وماجاورها ههههه غسلتها وقطعتها وملحتها وعزلت ديال التقلية بوحدها وبديت كنشوط فالراس فهاد الوقت فاق الزوج ديالي وطلع حيد الكرون ديال الراس ومن بعد ما غسلتو مزيان قطعو واستخرجنا منو المخ 
وفي الاخير بديت نسيق ونغسل كل الاواني المستعملة ثم غيرت الملابس ديالي وتوجهنا لبيت عدوزتي سلمنا عليهم وباركنا ليهم ط§ظ„ط¹ظٹط¯ وما الى ذلك ثم رجعنا لبيتنا درت الكتف يتبخر وجلست مع وليداتي وزوجي مستانسين مع بعضنا بالاحاديت والطرائف تعيشنا ثم توجهنا للنوم 
يوم ثاني ط§ظ„ط¹ظٹط¯ جهزت الافطار وفيقت الزوج والابناء فطرو وبدينا عملية التقطيع 
بدبت كنعزل كل حاجة بوحدها فالبلاستيكات ونكتب التيكيتات ثم الى المجمد طبعا من بعد ما حيدنا النصف للصدقة في سبيل الله اللهم تقبل ثم قطعت القديد ولقمتو وخليتو يترقد ودرت لحيمات مع القلب والرية لقمتهوم مع البصلة والربيع وخليتهم باش نديروهم للغدا 
قطعت الشحمة ولقمتها ودرتها تذوب ومن بعد نديرها فالسطل تبقى لي العام كامب للمسمن والبطبوط 
طيبت القطيبات ديالي وجمعت الكوزينة ولبست وليداتي وشدينا الطريق عند ماما بعيدة شوية وصلنا فالليل تعيشنا وسهرت مع ماما وخواتاتي والاخ ديالي اللي جا من الغربة كنا موحشينو بزااااف
في الصباح غير فطرنا ورجعنا لدارنا درت الراس يتبخر ونشرت القديد وعمرت الكرداس بطريقة ماما الله يخليها لي ونشرتو ثم غسلت الاواني اللي خدمت فيهم وتغدينا ونعسنا كاملييين لاننا كنا عيانين من الخدمة وراجعين في الغد للعمل بغينا نرتاحو مزيان اوا هكدا دوزت ط§ظ„ط¹ظٹط¯ والحمد لله فرحنا فيه وضحكنا الله يدوم علينا وعليكم المسرات والافراح نخليكم مع بعض الصور اللي خطفت لاني مكنتش عارفة بالمسابقة حتال من بعد ط§ظ„ط¹ظٹط¯ حذفت صور الأضحية وهي على قيد الحياة لمحاذير شرعية 
lahv;jd td lshfrm hgph];m kihv hgud]
تبارك الله عليك
ماشاءالله تبارك الرحمن الله يعطيك الصحة كلشي رائع ومتول وزوين
ماشااااااء الله عليك احلىىى تقيييييم
ماشاءالله كلشي رائع
المشاركة الأصلية كتبت بواسطة وهج الايمان 
تبارك الله عليك الله يبارك فيك حبيبتي المشاركة الأصلية كتبت بواسطة ilham34 ماشاءالله تبارك الرحمن الله يعطيك الصحة كلشي رائع ومتول وزوين الله يبارك فصحيحتك اختي لهلا يخطيك المشاركة الأصلية كتبت بواسطة عاشقة الخياطة ماشااااااء الله عليك احلىىى تقيييييم مشكووووورة خيتو الله يطول عمرك المشاركة الأصلية كتبت بواسطة majda2 ماشاءالله كلشي رائع ربي يخليك الزين شكرا لمرورك الجميل
تبارك الله عليك
تبارك الله عليك الحادقة والله يعطيك الصحة
TBARKLLAH 3LIKI OKHTI
الله يعطيك صحيحتك كلشي زوين