مساعدة من فضلكم أرجوكم

السلام عليكم
أنا عافاكم باغياكم تساعدوني
أنا متزوجة هادي عامين ودابا بديت كنفكر باش نحمل ولكن عندي بزاف اديال الأسئلة الا بغيتو تساعدوني
أنا ساكنة فالرباط بغيت طبيبة لي مزيانة باش نتبع عندها
شحال التمن اديال الولادة ف la clinique بغيت نعرف التفاصيل
اشنو نبدا ناكل باش نقوي صحتي ويدوز لي كولشي بخير وعلى خير ….
عافاكم ساعدوني ولي فايتليها مجربة تعاوني
وشكرا وعاشورة مباركة مسعودة

---

lshu]m lk tqg;l Hv[,;l

ختي نصيحة متفكريش بزاف خليها على مولانا كل حاجة فوقتها حملي بعدا عاد شوفي فين اتولدي و شحال, انا يالاه بديت عند وحد الطبيبة فالرباط النهار الاول دارت ليا ليكو و عطاتني التحاليل الى بغيتي نعطيك العنوان

شكرا ليك بزاف على النصيحة راني خايفة ريحتيلي قلبي
عفاك اعطيني العنوان
وشكرا لأنك الوحيدة لي جاوبتيني

Hada wajib akhti rah kola haja b iradat moulaba o kola haja katji b rza9 dialha ama ila b9ina kanfakro wiliiii ila wladna lawlad bach ankabrohom o bach an3aychohome o fin an9ariwhom o zid o zid mansaliwch twakli 3la lah o lah ijib tissir wifarhak a khti
ha num dial tbiba li mtab3a m3aha
docteur sonia benameur
037260356

السلام عليكم ورحمة الله وبركاته

ربي افرحك احبيبة وافرح كل محرومة

بالنسبة للاكل اثناء الحمل باش اخفاف عليك القيئ وووو

قسمي وجباتك على 6 وجبات يعني حاولي تخلي وجباتك خفيفة وعوض 3 خليهم 6 يعني وقتاش ما حسيتي بالجوع كلي ولكن خفيف

بعدي من المقليات والمرقة والكثرة التوابل

ونقصي من الملح والحلاوة ضرووووووووووووووووري

حاولي ما تفيقيش بكري الا ماتتخدميش طبعا يعني حتى ل 10 الصباح ولا 10.30 لان الفياق بكري سبحان الله تيخلي عند الرغبة في القيئ اعزك الله قوية

حاولي ما تعمليش مجهود كبير في الشهور الاولى يعني الشقا بزاف لالالالا لازمك ترتاحي وماتهزيش الثقل ولا تكثري من الحركة والدروج والسفر

واهم شئ ملي تحملي باذن الله طلبي من الطبيبة ديالك تعطيك مثبت للحمل مع حامض الفوليك باش اساعدك على ثبات الحمل ويكون بصحة وسلامة جيدة باذن الله ومشيئته

طبعا هدشي كله مجرد اسباب والكمال على ربي لكن خير الانام عليه الصلاة والسلام قال اعقلها وتوكل دائما خلي يقينك بالله كبير وتاكدي ان كل شئ بيده واحنا علينا غير نعملو السبب والتيسير من عند العزيز الحكيم

ماتنسايش صلواتك والدعااااااااااااااااااااء والاكثار من الذكر والاستغفار والصلاة على خير الانام وقراءة القران باش ربي يرزقك ذرية صاااااالحة قلبها معلق بذكر الله

هدشي لي تنعرف احبيبة وياااااااااااارب افرحك وافرح كل محرومة واكمل حمل كل حامل بااااالف خير ويرزقهم ذرية صالحة وصورة حسنة اللهم امييييييييييييييييييييييين

شكرا ليك بزاف بزاف تيرتاح بالي منين تنسمعكوم تتطلعلولي الموغال لهلا اخطيكوم

السلام عليكم اختي
الله يسهل امورك و يفرحك بشي بنيتة ولا وليد
الحبيبة علاش تفكري و تخممي و مولانا كيقدر كل شيء
متديريش الغلطة ديالي
بقيت نحسب و نقلب في الانتنت و نسول الناس و نهار حملت مخليت لمن قلتها، و نسول على الكلينيكات و السبوع و….و….
و الجنين طاح لي على شهرين ، الحمد لله على قدر الله ، اللهم لا اعتراض،
لكن الافضل خلي كلشي بيد الله، و تبعي مع طبيبة مزيانة و كولي مزيان و خلي حتى ان شاء الله يتبت حملك عاد قوليها للناس و يا ربي يسهل عليك و تجي تفرحينا

شكرا ليك بزاف بزاف بزاف
بقا في الحال عليك الله اعوظك خير انشاء الله
أنا اختي مأمنا بلي كلشي بيد الله ولكن غير في شوية اديال الخوف قلت اخواتي فالمنتدى الي غاديين اعاونوني ويفيدوني
الله اسهلك واعاونك واحفظك
وشكرا مرة اخرى