محتاجة طريقة تحضير كويرات السردين بحال ديال الزنقة

السلام عليكم
رجاءا شكون كتحضر ظƒظˆظٹط±ط§طھ ط§ظ„ط³ط±ط¯ظٹظ† ط¨ط­ط§ظ„ ط¯ظٹط§ظ„ ط§ظ„ط²ظ†ظ‚ط© /اش ناهما الاسرار ديالها /وجزيل الشكر للجميع

---

lpjh[m ‘vdrm jpqdv ;,dvhj hgsv]dk fphg ]dhg hg.krm

أختي كنحيد الجلدة ونطحنها ونعمل معها قزبر يابس ملح فلفل حمر حلو كمون خرقوم بلدي قزبر معدنوس والسر هههههه شوية الشحمة دالغنمي كنحكها فالجهة الرقيقة وشوية الحاررررر
كنعملها طجين
كنحك مطيشة ونفس قوام السردين زيت الزيتون الثوم شوية مركز الطماطم الفلفل ألوان بطاطس دوائر
حامض دوائر كويرات السردين نغطي تغلى نطل إلى السمك والطماطم طلق السائل اللي يمكن يطيب كلشي بها ونعمت هههههأو أضيف شوية دالماء بارد ننقص ونسد الكوكوط ونعمل الصفارة تقريبا ربع ساعة هاهو واجد
لذة ولاأروع اللي عندها ولاد كيكرهوا السمك ياكلوه لأنه كتختفي رائحة السردين
إلى بغيتي كفتة مشوية فالفرن أو فالمقلاة نفس القوام وتشلضي بصلة تحمريها شوية فالزيت بلدية تبرد مزيان تزيديها على الكفتة وتعملي طريقتك كريصات أو صبيعات فالفرن أو الشواية وبصحتك أختي

شكرا اختي على اهتمامك وجهدك/ولكن قصدي السردين لي كايتباع فالزنقة مقلي هما على شكل خبيزات صغار ولكن حنا كنسميوهوم كويرات

حطيتي ايديك على الجرح ههههه كانحمااااااق عليهم
واقيلا كايخلطو السردين و الميرنة وتخلط مع العطرية و دار فالدقيق الحرش و تقلا

ههههه /حتى انا كيعجبوني /وملي كنتشهاهوم كنسى بلي ديال الزنقة وعلم الله كيف تحضرو/او الله يجيب لي يفيدنا وتقدرو نحضروهوم فديورنا

السلام عليكم
ههههههه عاد فهمت ههههه
عرفتي واحد السيدة اتصلت بشاف فأحد برامج الطبخ قالت بغيت طريقة فريت المطاعم هههههه تكلمت برقي هههههه قال لها الطريقة قالت جربتها ومجاش نفس الطعم فأجاب برقي طبعا ههههه حيث الزيت بايت ههههه وخرج راسو ههههه
المسألة مفهومة تكمن فالزيت الزيت قديمة شحال من قلية فيها عامرة نكهات وألوان وكيعذبوش راسهم يغسلوا السمك بزاف اقتصادا للمال والجهد والوقت حيث تابعاهم شحال من مهمة ورب العمل بالمرصاد ههههه
السردين مكيبغيش يبقى فالبلاستيك غير تجيبيه للشبكة غسليها وهو مسدود زولي الراس القشور والأحشاء مخصوش الغسيل بزاف من الداخل كيهرى ويفقد الطعم عملي نفس القوام وضروري من الشحمة دالغنمي مرمديه فدقيق سبسيال وقليه فزيت قديمة ههههه ولاأنصحك بهذه الطريقة حيث غير صحية
القلي فزيت جديدة مضر عاد هذه الطريقة
رضي الله عن عمر وصحابة رسول الله صلى الله عليه وسلم
حيث قال معاتبا نفسه
يانفس أكلما اشتهيتي اشتريتي

شكرا اختي قوتي في صمتي/اكيد عندهوم شي سر كيستعملوه/اما الشحمة والقلي انا مستحيل نستعملهوم /باركا علينا الدهون لي كنضطرو نكلوهوم /انا الحمد لله ماعنديش مع ماكلة الزنقة الا هاد الكواي ههههههه/احيانا ماكنقاومهومش /داكشي علاش بغيت نحضرهوم فالدار وفالفران ماشي القلي وحتى راجلي كيعجبوه /لي لاحظتو فيهوم هو كمون صحيح او طماطم على ما اعتقد /نجرب او نشوف

السلام عليكم
هادي طريقة طاجين ديال السدرين كويرات,ربما إعجبك

مقادير كفتة السردين
كيلو ديال السردين منفي و مغسول و مطحون ستة ديال الثومات محكوكين قبطة ديال القزبور و المعدنوس مقطعين حفنة ديال لكرافس مقطع الملح و لبزار,الكمون.التحميرة كاس ديال لاشابلور أي الخبز محمر و مطحون معلقة كبيرة ديال زيت الزيتون قلب ديال حامضة مرقدة — مشلظ —
مقادير المرق
بصلة كبيرة مقطعة دواور زوج مطيشات كبار مقطعين دواور فلفلة خضرا ثلاثة ديال لبطاطات مقطعين دواور نص حامضة معصرة ورقة سيدنا موسى معلقة كبيرة ديال المعدنوس فلفلة وحدة حارة الملح,لبزار,الكمون,اسكنجبير و الخرقوم أو الملون معلقة كبيرة ديال زيت الزيتون
الطريـــــــــــقة
ناخد السردين منقي و مغسول و نطحنو فطحانة أو خلاط كهرباءي,منين يتطحن نديرو فإناء كبير و نضيف عليه الملح و لبزار و الكمون و التحميرة و القزبور و المعدنوس و القلب مشلظ ديال حامصة مرقدة و معلقة ديال زيت الزيتون و نخلط كل شي مزيان + لاشابلور أي الخبز محمر و قاصح محكوك باش يجمع لنا الكفتة ديال السردين نخلي الخليط مدة نص ساعة باش تدخل فيه العناصر مزيان من مبعد ندير كواري و نخليهم فطبسيل فطاجين ديال الطين ندير البصلة دواور و لبطاطا و الفلفلة خضرا و المطيشة دواور و ندير عليهم الملح و لبزار و الخرقوم و الكمون و اسكينجبير و زيت الزيتون و ورقة سيدنا موسى و نضيف عليهم كاس ديال الما و ندير الطاجين يطيب فوق البوطا أو المجمر على نار مهيلة منين تدوز ربع ساعة نضيف لكواري ديال السردين و فلفلة حارة من الفوق ونغطي الطاجين و نخليه يطيب و مرة مرة نسقي لكفتة بالمرق ديال الطاجين منين يطيب كل شي نعري على الطاجين و نخليه يتقلا إلى كان المرق ديالو كثير, نخوي عليه نص حامضة معصرة .

السلام عليكم ورحمة الله وبركاته, أختي لي كانعرف كاين لي تايدير الملح مع الدقيق,و للقرمشة تايزيدو ليهم السميدة. و لكن ديال الدار كايجي أحسن بقوامو خصوصا إيلا حكيتي بطاطا صغيرة في الموس الصغير و زدتيها على شرمولة, أما ديال الزنقة شرمولتو قليلة بزاف و تايبقا شوك في الجوانب . و دابا شنو بغيتو فينا شهيتونا على الصباح.

قوليلي واش ما تايجيكش المرق حامض و مر معا كاديري الحامض دوائر بقشورو.