لي ما رضعاتش بنتها ولدها تدخل

اخواتي لي مارضعاتش ظˆظ„ط¯ظ‡ط§ تعاودلي قصتها شنو وقعلها علاش ما ط±ط¶ط¹ط§طھط´ اواش حاولات واشمن حليب صناعي استعملات وكيفاش كانت مناعة الرضيع ديالها واش بصاح كيمرضو دغيا
ولدي قرب يكمل شهرين ما بغاش يشدلي البزولة عييت ما نحاول اوالو عييت واستسلمت واخاكنتقطع فالداخل ديالي قاسني اكتئاب كنقول دابا يقيسنى شي مرض الله يستر حيت كنضل نخمم حتى النعاس ما كننعسش مزيان
استعملت الشفاط وعييت و جمعتو
بغيت لي ما ط±ط¶ط¹ط§طھط´ تطمني وترفعلي معنوياتي

---

gd lh vquhja fkjih ,g]ih j]og

ختي حتى أنا والدي مشدلش بزولة مخلة مدرة تفقست بكيت مبدلت والو إو حاولت نتعايش كنت كندير ليه نرسي من كمال 4 أشهر بديت كندخل ليه ما ديال لخضرة المهم هو وخى إضرب لبرد حولي متعتهش لمضادات لحيوية أنا والدي كان صغير كنده لطبيب مكخرجش ليه دوا كيعتني لم ديال لبحر بش نسرح ليه نيفو أكيجل لي خليه ادير منعتو الحمد لله دبى عندو عامين عادي غي أنا مكنعتهش بيمو الفند شكلت داك شي بمرة مكعارفش

انا ولدت قيصري و كان صعيب عليا نرضع خصوصا مع انعدام التجربة اضافة انه كان فيا الحليب قليل بزاف و طفلي كان كيبغي ما شاء الله يشرب حليب بزاف و انا مافياش و بقيت كنخلط ليه في الاول و في الاخير شي اسبوع صافي سمحت و وليت كنعطيه غير ديال الفارمسي واخا هو كيهلك في الميزانية بمعدل 2 علب في الاسبوع و العلبة كدير 70 درهم تقريبا ولكن ضروري
بالنسبة للمناعة الله اعلم لا علاقة حيت ولدي ما شاء الله قليل المرض جدا ولكن كيقولو ان حليب الام طبعا مهم و كيقوي المناعة
و عندنا في العائلة مرا رضعت ولدها عامين و رغم ذلك كل شهر مريض مسكين ها البرد ها الحساسية ها الروينة ها السخانة ..لذلك انا استنتجت انه المناعة ربما كتكون منين كيكون اجنة في البطن والله اعلم

اختي انا ولدي الاول رضعتو شهراينن فقط ودخلتلو الحليب الاصطناعي من الشهر الاول لان الحليب كان فيا قليل. وبقا فيا الحال بزاف وعاد كنت بوحدي ومكنعرف والو على الرضاعة الطبيعية ولا شنواللي كيكثر الحليب وفبنتي الثانية دابا 10 شهور وتبارك الله باقا كنرضعا،، المهم عمل جهدك وحاول دشوف كيفاش دكثر الحليب وادا مكتابشي درضعا ميبقاشي فيك الحال ،، بالنسبة للمناعة ولدي الاول مكيمرضشي بزاف الحمدد لله وكيف مقالت لك الاخت ماشي غير يسعل عطيه الدوا خلي المناعة الطبيعية ديالو دعمل الخدمة ديالا ، وربي يعاونك على وليداتك

انا عدي توام بنت وولد كنت كنرضعهم بزوج بيهم ولكن كتعاون بالحليب الاصطناعي
ولكن ابني معرفتشي شني وقعله كره البزولة كنعملالو ف فمه كيبقى يشد فمه وإذا بززت عليه كيبدا يبكي
ودبا هادي شهر تقريبا ما عطيتهاله باقي كنرضع غير اخته وخا الحليب قلال كنقول الي جبدت منه مزيان راح ما كينشي بحال الحليب ديالنا ولكن ما عندنا مانديروا
والحمد لله ماشين مزيان وما تخافشي اختي راه حتى الحليب الاصطناعي مزيان وفيه عناصر غذائية مهمة ومكملة

وكيف قالت الأخت nadaya من الأحسن ما تعطيوش المضادات الحيوية راه الله يستر كتدمر المناعة
وحتى اذا ما كنشي الماء دالبحر خلطو شوية الملح مع الما مجرباها المرة دخاي

انا اختي بنتي ملي تزادت لقاو عندها مشكلة كانت محتاجة عملية مكانتش تقدر تشد بزولت لان كانو كيعطوها 10ml في تلاتا ساعات مكيبوش يجهدوها مسكينة كتبقى تبكي كتبغي حليب زايد ولكن ممنوع كيعطوها بسيروم مدخل تيو في انفها اوى بقات على ديك الحالة 15 يوم حتى من ورى العملية ولكن ولات كسولة حاولو معاها أطباء متخصصين في رضاعة ولكن بدون جدوى بغات المعدة تكون عامرة وولباس اوى بقاين كنحاولو لمدة شهر ونصف بنتي حلفات لشدات بزولة بقينا في مستشفى ومشكلة تانية حليبي سبحان الله عندها حساسية منو كتشربو وتردو وحليب موفقها ومزادهاش في الوزن طبيب هنا في حالتها خاصها تنمو حولنا ولكن مجابش الله تعطلات اوى حليبها اختي غالي كنت كل سيمانة نخسر عليها 3000درهم يعني ستين ألف حليب كيجيني خاص وغالي بزاف كيدي سيمانة خاصني نكومند من شريكة لانو مكيشروهش ناس الى في حلات خاصة تعالي تشوفي تهلكنا في مصروف الحمدلله راجلي صبر قدر الله وبقينا معها مدة بزز باش شدات رضاعة الحمدلله انا تمنيت رضاعها ولكن مكتابش حكمة الله فوق كل شيء

شكرا أختي على الجواب ريحتيني وهادشي لي بغيت بغيت غي نطمأن ونرترح
حتى أنا كنستعملو نورسي
الله يخليلنا وليداتنا ويسهل علينا تربيتهم

شكرا اختي على الجواب الله يخليلك ولدك وتشوفيه كيما بغيتي
التجربة هي لي ماعندناش والله يعوض المرة الجاية ان شاء الله
اه اختي الحليب ميزانية وماحدهم كيكبرو والحليب كيتزاد الاستهلاك ديالو الحمد لله ماعندنا مانديرو

حاولت اختي وعييت ماكنقدرش نشوفو كيبكي كنمووووووووت كيبقى فيا …انا رضعتو شي ايامات اختي راه الضروف هي لي خلاتني مانرضعوش راني دخلت بيه المستشفى 15 يوم وكانو الناس داخلين خارجين ماكنقدرش بعض المرات نجبد البزولة وزيدي عليها النفسية ديالي كنت عيانة كنمشي كنطير نعمر البيبرون ونحطو على جنبو ونديرهالو ففمو ونرجع ننعس
صافي فاش رجعت للدار درتلو البزولة شدها عاودتلو مرة اخرى وهو يبدى يغوت صافي بقيت كنشفطلو وكنعطيه 40 يوم واكتر شوية صافي عييت الله يعوض المرة الجاية ما نفلتش داك الاحساس الزوين
راني جربتو واخا غي شوية

الله يحفضك وشكرا على الجواب ابنت الريف ديالي
النصيحة ديالك غادي ندير بيها ان شاء الله والمرة الجاية ان شاء الله فاش نولد غادي نرضع ولدي ولا بنتي البيبرون ممنوووووووع