للشعر الجاف والمتقصف دقة بطلة

البنات هدي طريقة انا مجرباها لان شعري شاف شوية ويحتاج دائما للدهون
شوفي الى لقيتي جوز الهند الطري او ما نسميه الكوكو لان اللدي يباع في السوق المغربي ونصنع منه حلويات مجفف ولكن في بعض المواسم نجد الطري عند مول الفاكهة المهم قشريه بازالة القشرة البنية ولما تحصلي على اللب البيض اجرشيه فديال خيزو ثم ضعيه في الخلاط مع شوية ماء وطحنيه الى ان يصبح مثل الحليب وديريه فعلبة ديال لبلاستيك واحتفظي بيه في الثلاجة بعد مرور بضعة ايام ستلاحظي انه مثل الكريم خدي منو شوية ودهني بيه شعرك قبل الحمام بساعتين وشوفي النتيجة والى كان شعرك جاف بزاف استعمليه كحمام زيتي وغطي راسك ببلاستيك وحطي عليه فوطة مغطوسة فالماء سخون بزاف ومنين تبرد عاودي سخنيها وحطيها فوق راسك وغسليه وتفكريني

---

ggauv hg[ht ,hgljrwt ]rm f’gm hggi hgh,g f’gf ]rj sfphk sfphk hggi a;vh

بارك الله فيك على هذه الوصفة

شكرا وبارك الله فيك اختي على الوصفة الرائعة

جزاك الله خيرا على الوصفة.

الله يجازيك بخير اختي ان شاء الله نجربها شعري راه حالته

شكرا اختي على الوصفة ولكن الصراحة راني قريتها فواحد المنتدى وجربتها وعاد زاذ نشفو ليا كتر وكتر سامحلي على التدخل ديالي

انتي ديما غزالة حتى بشعرك ناشف وماتقوليش سمحي ليا الاحبيبة بالعكس احنا نبغيو نعرفو كل التجارب لان ماشي كلهم الشعور بحال بحال.
قولي ليا الطريقة اللي استعملتي وانا غادي نصحك لانني "خبيرة في الشعر الجاف" هاهاها وماغادي نخليك الا حتى يولي شعرك كيف ما حبيتي.

merci 3ala had wsfa

حتا انا اختي استعملت حليب الكوكو االمعلب اللي كيتباع فمرجان وزاد كاع حراش قريت عليه فعدة مدونة وكيشكروه بزاف لكن انا موافقنيش