لكل محبات الطبخ الإيطالي ريزوتو بنكهة جديدة و مميزة

أنيقاتي العزيزات ليوم حبيت نقدم ليكم هاد الريزوتو لي معتامداه هادي سنين و لي خديتو من عند صديق زوجي لي
هو شاف في مطعم هنا في إيطاليا في الحقيقة كيجي رآآائع و بنيييين .
المقادير :
بصلة مشلضة ،شوية زيت زيتون ،2 كيسان روز عادي ،أوراق سيدنا موسى ،2 فرماجات مثلتين ، شوية فرماج بارميدجانو محكوك ،شوية زبدة ،كأس صغير جلبانة ،شوية كفتة ،ملح ،إبزار ،علبة شمبينيون .

الطريقة :
كنشحرو البصلة في شوية الزيت تم نضيفو الروز و الشمبينيون و الملح والإبزار ويمكن ليكم تضيفو حتى ضامة البنة و نخلوهم يتقلاو شوية ثم نضيفو جلبانة وأوراق سيدنا موسى و 5 كيسان ماء و نقصو العافية مزيان و نخلوه إيطيب ،ملي يقرب إيطيب نرميو كويرات الكفتة لي درنا فيها شوية ملح وإبزار ثم نخلو الروز إيكمل طيابو و ملي نطفيو عليه نرميو طريفات الزبدة و الفرماج و نخلطو مزيآان و هاهو الريزوتو ديالنا واجد .







كنتمنى تعجبكم وصفتي و تجربوها راها سهلة و كتنفع للعشا أو كمرافق للمشاوي.
في أمان الله