Oum Hedayah
19-5-2019
كيك ط±ظˆظ„ظٹ ط¨ط§ظ„ط´ظƒظ„ط§ط· والكوك
المقادير :
100 غ فرينة
10 غ عسل
4 بيضات كبار أو 5 صغار
فانيل
140 غ سكر
رشة ملح
شكلاط + كوك للحشو
كاكاو أو سكر كلاسي لتزيين
أول حاجة نفصلو صفار عن البياض
نطلعو مزيان البياض مع رشة ملح و-50 غ سكر ، مخاسش يكون واقف أبيض البيض بزاف و فيكس بش مني نخلطوه مع خليط الصفار ميتكونش لينا حبيبات
ونخلطو صفار البيض مع معلقة عسل و-90 غ سكر شي 10 دقائق
نبداو نزيدو الفرينة المغربلة بشوية بشوية ونخلطو دائماً من الفوق للتحت ونحاولو منهرسوش الخليط ديالنا
نفرشو ورق زبدة ونفرغو الخليط ديال الكيك ط±ظˆظ„ظٹ ديالنا , إلا عندكم لطا ديال الفرن بقياس 45,37 cm مزيان ، إلا لا ديرو بحالي أي لاطا وسلام هههههه
نسخنو الفرن ، خاص يكون 220 درجة ومنفوتوش 6 حتى 7 دقائق ، مدام مدرتهش في ديال ضو ، فديال الغاز عندنا عادي ، خليتو سخن مزيان وعينك ميزانك دقائق معدودة وتيكون الكيك واجد
بعد ما خرجنهة من الفرن مباشرة كنجروهة فوق مكان العمل بالورق ديالها ونحضيو معها كتكون هشيشة بزاف ، كنعملو لها واحد الحيلة بش منين نبغو نحيدوهة من الورق متلسقش لينا فيه ، المهم غي تخرج من فرن نرشوها بمعلقة إلى جوج ديال السكر سنيدة ونغتوهة ببلاستيك غدائي حتى من جناب من التحت ، السنيدة كتنفع بش البلاستيك ميلسقش لينا على بسكوي ديالنا وبلاستيك غدائي كخليهة ترطاب بدك البخار لكرجع لها وكنتحكمو فيها بسهولة
هاهو فش كنحيدو مكلسقش عليها ، وإلا أزعجنا السكر في حال كان كثير نتخلسو منه بإستعمال فرشاة ، منخلوهاش بزاف في بلاستيك الغدائي ، 10 إلى 15 دقيقة
كنعمرهة بش ما بغيت ، مربى أو قشدة طرية مطربة ، أو نوطيلا ، كريم بتيسير ، أي حاجة ، أنا عديت بشكلات مدوب ظˆط§ظ„ظƒظˆظƒ
نجمعوهة في بابي المنيوم ونعملها في ثلاجة تجمع راسها شي نصف ساعة أو أكثر ، إلا كنا باغين نقدموهة داغي تكفي نص ساعة
مني نخرجوهة نزينوهة كذلك كيف حبينا ، نقدرو نكتفيو برشات من الكاكاو أو السكر الصقيل وبصحة وراحة
لكم جزيل الشكر والمحبة ، استغفر الله العظيم وأتوب إليه ، أسأل الله سبحانه وتعالى أن يتقبل منا جميعاً هاد الأعمال ويتقبل دعائنا ويسر أمورنا ويرحم موتانا ويشافي مرضانا يا رب ويحفض لكل وحدة فينا ما عزيز يا رب ، اللهم أدمها نعمة يا رب ، الحمدلله والشكر لله ولا إله إلا الله
;d; v,gd fhga;gh’ ,hg;,;
المشاركة الأصلية كتبت بواسطة صفا 34 
الله يبارك فيك ويجازيك الله بخير على المشاركة مشكورة أختي
المشاركة الأصلية كتبت بواسطة om sohaib2 الله يبارك فيك ويجازيك الله بخير
هههههه الحبيبة خدي كولشي لك بالصحة والراحة مشكورة الغزالة على تشجعك ليا الله يجازيك بالخير وبقاي ديما تبعاني هههه
المشاركة الأصلية كتبت بواسطة ام العربي1 الله يبارك فيك الحبيبة أم العربي إن شاء الله تعجبك ودعي معنا وتبارك الله عليك وعلى وصفاتك وعلى تشجعك ليا الدائم ما شاء الله عليك وعلى qalbk
المشاركة الأصلية كتبت بواسطة racida المشاركة الأصلية كتبت بواسطة أم دودي2 أمين أحبيبة ربي يخليك شكراً بزاف بزاف على المرور
المشاركة الأصلية كتبت بواسطة omranim الله يبارك فيك أختي ويخلي لك رنيم
المشاركة الأصلية كتبت بواسطة بنوتة أنيقة الله يبارك فيك أختي ، إن شاء الله إلا جربتها تعجبك