كيك الطبقات بالفلون والكريم باتسيير

منين يطيب نديروه فطبق التقديم ونرجعو ليه الكادر

نخويو عليه الطبقة 1 لي متكونة من الكريم ط¨ط§طھط³ظٹظٹط± بالحليب

نخليوها حتى تبرد ونديرو فوقها الطبقة 2

نص لتر عصير لمون مصفي + 2 فلون بالشكلاط+سكر
انا درت tang فبلاصة الليمون ماكانش عندي وحلف هو لاجمد(هدا هو المشكل لي قلت ليكم)وكاع ساح من الجناب د الكادر

هاهو كيف كتشوفو باقي جاري واخا دخلت الكيك لفريكو

الطبقة الاخيرة درت فيها نكتاري عوض tang بعدا هدا دار معايا الصواب وجمد ههه

نكتاري فيه غي 450غ زدت عليه الما باش عطاني نص لتر ودرت معاه فلون فاني وشوي النشا نسيت ما صورتها.حتا عقاد وخويتو

هاهو

درت شي خريبيقات بالشكلاط باش نزوق من الفوق

ملي بان ليا الطبقة دالشكلاط ماجمداتش خديت معلقة وبديت نحرك من الفوق الطبقتين باش يعطيوني شكل رخامي effet marbré وعتقت الموقف

درتو يبرد فالتلاجة مزياااااااان حنت تابعاه الطريق لدار خرى هههه
هاهو

ديتو بالكادر ديالو حتال عند مرات لوسي
وهاهو منين ديموليتو عندهم ويني را غي خطفت التصاور خزنة لا يضحكو عليا شي جارات ديالهم ههه

ما صورتوش مقطع تيجي غزااال وتيبانو ط§ظ„ط·ط¨ظ‚ط§طھ ملونين
بالرغم من انه ما جانيش كيف مالفة فالشكل ويني المداق جا غزااال وهداك الفلون لي بالشكلاط ساح من الجناب وشربو الكيك وجا رطيطب وفازك.هوما عجبهم وحماقو عليها خصوصا شي جارات وبنات العائلة مامشاو حتى قيدو المقادير
وهادي حتى هي صوبتها وديتها ليهم
كيكتي الشهيرة ههه(الكوكوط). وزوقتها غي بالشكلاط ظˆط§ظ„ظƒط±ظٹظ… شونتي

نتمنى يعجبوكم
ولي بغات تجربهم دير الليمون او العصير د البواطة (مراكش ميامي نكتاري….)tang لالالا اوهو non (بجميع اللغات ههه)
راني دخلت للملف الشخصي ديالي باش نوريكم واحد الصورة قديمة ديال هاد الكيك كيف كيجي ساعة مالقيتش المواضيع القديمة !!!!!!!
في امان الله
يا الله صليو على سيد الخلق
اللهم صل على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد
هاد الفيديو ديما تنديرو ليكم حنت كيحمقني وفينما نشوفو نبكي
https://www.youtube.com/watch?v=7KYDLwx6_dQ