كيف تعتني النفساء بنفسها

من ط±ظٹط§ط¶ط©

أكل

تجميل

لبس

الإعتناء بالبطن

وكل ما يخص ط§ظ„ظ†ظپط³ط§ط،

وأيضا إلي ط¹ظ†ط¯ظ‡ط§ ط®ط¨ط±ط© حتى لو مكنتش نفساء طھظپظٹط¯ظ†ط§ وليها ط§ظ„ط£ط¬ط±

ياللا بينو حنة إيديكم ط§ظ„ط¨ظ†ط§طھ

---

;dt jujkd hgktshx fktsih>>>>>> lk;l g;d hgH[v hggi hgfuq hgfkhj hgsghl hgsghl ugd;l center fuqkh jtd]kh fktsih pjn ofvm dow vdhqm ugd;l uk]ih ihji ,fv;hji ,vplm ksjtd] ,rj ,;g ;dtha

mawdo3 raya fi lahamia okhti
li3awda daba 3ndi mouchkil f clavier
ma3ndich arabe
ntma men lakhawat ytjawbo m3a lmawdo3

اشنو نقول لك بالنسبة لي فالنفاس ديالي كنحاول نعطيها للراحة واخا ماكاينة راحة والسهير فاليل ههههههه اهم حاجة هي الاعتناء بالغرز جيدا بالدوا مزيان وحاجة اخرى الاكل الصحي والنظافة الشخصية مهمة بزاف ففترة النفاس وكيف كتعرفي احنا المغربيات معروفات باكل الحاجات لمفيدة واللي تدر الحليب للطفل اما الرياضة مانكدبش عليك انا اصلا ماتنغلاظ فحملي والحمد لله حتى البطن ماتيبقاش لي ربما حيت تنحاول نحزم فالايام الاولى وحاجة اخرى ايلا كانت الولادة وقت البرد تنحاول ندفي راسي مزيان ونلبس علي مزيان لان فهاد الفترة تيمكن البرد يدخل للدات بكل سهولة , وايلا تذكرت شي حاجة اخرى نزيدها .
شكرا موضوع جميل وقيم .

شكرا لك أختي أم رزان على فكرة الموضوع الرائعة
بالنسبة لي أنا ماعارفة إلا القليل لأني لما ولدت مالقيت حد حدايا يوريني مانعمل أمي الغالية بعيدة عليا
وماعنديش فكرة من قبل غير أني نحضي على البرد
ولكن قبل الولادة كنت موصية من والدتي نشرب القرفة مع الحليب لأنها كتسخن وفعلا والله ماحسيت بوجع البطن بعد الولادة لأني سمعت كاين نساء كيعانيو من الوجع
وبالنسبة للغرز هنا فين مقيمة ماكيعطيوش الدوا أبدا للنفساء كيقولو فقط النظافة بالماء الدافئ والله غالب داك الشي فقط لكنت نعمل كننظف كل مرة بالماء فقط لين التأم الجرح
وبالنسبة للرياضة كيحذرو منها كيقولوا حتى لبعد شهرين عاد ممكن تعملي رياضة لين ترجع عضلات البطن وترتاح جيدا
وبالنسبة للأكل ماكاين جديد غير أني كنت كنفضل الحريرة لأنها صحية وخفيفة
والشرب بكثرة سواء عصاير ولا الحساء
وكذالك بالنسبة لزيادة الحليب كنت ناخذ مربعات سكر فيهم النافع anais كنخلطهم مع الحليب سخون وفعلا الanais مدر للحليب
(اسمحولي راه مانفرقش بين النافع وحبات الحلاوة ههههه )المهم anais
ولكن التحزيم ممكن بحيث كاين واحد الربطة خاصة للبطن بعد الولادة وإذا ماتوفراتش ممكن تقضي بأي شيء
أنا صراحة ماحزمت ولكن مابقاتش الكرش وهاد المرة ألله أعلم
والمداومة على دهن البطن والصدر بالكريم الخاص بهما وإذا ماتوفرش زيت الزيتون حتى هو جيد في فترة الحمل وحتى بعد الولادة

إيــه الإعتناء بنظافة الصدر شيء مهم جدا أنا كنت نغسل صدري كل مرة بغيت نرضع ولدي
وشيء آخر كانت طلبات الممرضة الي كانت تجي لعندي أنني حين نكون فالفراش نحاول نبقى بدون ..الملابس الداخلية .. ونتغطى بصبانة باش ينشف الجرح ولو غير نصف ساعة فاليوم وارتداء فقط الملابس الداخلية الي ديال القطن والإبتعاد تماما على النايلون أو أي قماش آخر
لأن الغالبية دالنساء كيفضلوه فداك الفترة لأنه سهل التنظيف ولكن كيسبب مشاكل

طولت عليكم ياك
غير اسمحوا لي ويارب حتى انتم تحطوا كل ماعندكم باش نستفادوا من بعض

اختي يارا الله يفكك على خير ويعطك وقفة ساهلة يارب
فالحقيقة ماكاين ما احسن من وجود الام والاهل حدا النافسة على الاقل يطيبو ليها ويهتمو بيها شوية الله يكون فعونك الحبيبة نوصيك هاد المرة حاولي تجيبي الوالدة حداك وخا غير 10 ايام الاولى من الولادة .
بغيت نضيف لكم البنات بالنسبة للتشققات اللي كتبقى فالبطن احسن زيت يقضي عليها هو زيت اركان دهني بيه فالاشهر الاخير كل يومين واكيد بتجربة ما غيبقاو دوك التشققات بعد الولادة .

أختي محبة رسول الله
غير خليها على الله وخلاص
الله يرزق الصحة
أما بالنسبة لزيت أركان نجربها إذا اتوفرات لأنها فعلا مفيدة
أنا كنستعمل كريم خاص بالبطن وآخر خاص بالصدر خاص يتدهن يوميا
ولكن في حملي الأول الحمد لله مابقات كرش ولا تشققات وهاد المرة الله يستر اسمعت بأنه المرة الثانية كتبقى أثار الحمل ماشي بحال الأول وماعرفت واش بصاح ولا غير شي حالات

[align=center]
جزاكما الله خيرا و يا ريت الأخوات يدخلو و يفيدونا بتجاربهم

أختي yara من ناحية التشققات انا بقات فيا من اول ولادة

حيت ماكنتش متبعة الكريم ديال الكرش…تهلاي فراسك و ما غادي تبقى فيك حتى تشققات
[/align]