فتات الشطبة بطريقتي

مع هاد البرودات غادي نقدم ليكم هاد الاكلة الشعبية لهي بسيطة و لكن لديييدة

كنتمنى تعجبكم و تجربوها

لتحضير المرق غادي نحتاجو ل

2 بصلات مشلضين. مطيشة محكوكة . م ص مركز الطماطم

شوية العدس و شوية الفول . فص ثوم . ملح . كنور

زيت الزيتون و شوية السمن و القزبر و معدنوس

ابزار و سكنجبير و الخرقوم و التحميرة و المساخن الا متوفرين

و لكيبغي الحلبة يعمل شوية و الا عندكم القديد كيجي غزااال معاه

كنقلي البصل و الطماطم مزيان من بعد نضيف باقي المكونات و نمرق و نخليه يطيب

دابا ندوزو للعجين

250غ دقيق ابيض و ملح نعجنوه مزيان بالماء دافي

و نعمل كويرات

نرش الدقيق و نسرح الكرة ديال العجين مزيان بالمدلك تكون رقيييقة

من بعد نرش كمية مهمة من الدقيق و نلويها على نفسها

نقطع بسكين حاد كيف واضح فالصورة

و نزيد نرش الدقيق باش ميتلصقوش و نحلهم بيدي

ها هما كيف كيجيو بحال الطالياطيل

مني يطيب المرق نبدا نرمي فالعجين و انا كنحرك بالفورشيط

صافي نرمي العجين غير القياس حسب كمية المرق

و نبقى نحرك حتى يطيب مزيان

كياخد شي 20 د

ها هو طاب

نقدموه سخووون ممممم راااائع

و المعكازات لمفيهم ليحضر العجين يستعملو لباط ههههه انا شي مرات كنتشهاه و نعكز نعجن كندير هاد النوع

بالصحة و الراحة
لا تنسوني من دعواتكم الطيبة

tjhj hga’fm f’vdrjd tjhm