عفاكم بخصوص الختانة

السلام عليكم ورحمة الله بغيت نسولكم الاخوات ولدي عندو خمس شهور وبغيت نختنو وسمعت بختانة الليزر واش مزيانة ياكما عندها شي اضرار؟
باش كتنصحوني ا الليفايت دارتها لولدها تنصحني الله اجزيكم بخير جاوبوني

---

uth;l fow,w hgojhkm

اختي انا دخلت غير باش نقول ليك ياربي يفيدو الاخوات انا الصراحة ولدي خوناتو ليا ماما وخالتي وختنوه وانا ما جايبة للدنيا خبار هههههههههههه حضي حتا انتي لا يديروها بيك

هههههههههههههههه والله الى ضحكتني احبيبة حتى انا متخوفة بزززززاف ربي لي عالم بي كنتفكر هدالشي كتشدني البكيا وماعرفت واش نخليه حتى ادوز هد البرد
وملي سمعت بلي كاينة الختانة ديال الليزر قلت حسن باش مايكن الالم غير بغيت نعرف ياكما عندها اضرار الله احفظ وصافي من هد الموضوع بغيت غير ادوز بخير وعلى خير
عفاكم جاوبوني وعلى الاقل دعوة الخير من قلبكم الانيقات الله اخلي ليكم وليداتكم

اختي ماتخافي ما والو انا ختنت لولدي ختانة عادية مشيت طبيب جراح دالاطفال اوقاللي جيبيه من غدا وديته وختنله دارله الابرة دالبنج اوراه ما كايحسوش بالالم غير التكة دالابرة اللي كاتبكييهم وانا مانكولكش كيف كنت جاتني لادياري والسخانة بالخلعة حيتاش ملي كايغوت انا كايصحابلي مالو
ولكن كلشي كايفوت ماكاين لا الم لا والو ونصيحة من الاحسن خليه حتى يسخن الحال حيت ديك البلاصة مرا مرا خاصها تهوا
انا ولدي ختنتو فشهر 9 وكان فعمرو 10 شهور
وقضية اخرى غير ختنيه ماحدو صغير حيت ملي ايوصلو عام كايبقاو يختشو تما فمن الاحسن قبل عام ماكايعرفو والو

كانتمنى نكون فدتك وان شاء الله كلشي يدوز بخير

اميييييييييين احبيبة داكشي ليقلت حتى اسخن لحال شوية والله الى هد الكبدة عندنا ماعرفت كدايرة غير الله افكها على خير
انا كنت كنفضل كن كانت بالليزر حسن مغديش اكون النزيف حيت كنلاحظ بلي ولدي عندو داك المشكل ملي كيتجرح دم مكيبغيش اتحبس لاحظت هدالشي غير من الجلبة و 2 مرات تقاس ملي كنحيدو ليه الظفار والدم مكيتحبس ليه دغيا الله يسر الامور وصافي عفاكم الاخوات الى شي وحدة جربات الختانة ديال الليزر تقل لي عليها الله ارحم والديكم وسمحولي على كثرة الهضرة هههه

ختي من الأحسن الختانة العادية أصلاً كيديرو لهم البنج الكامل مايحسو ميشوفو رحمة من عند الله هكا درت لولدتي والحمد لله غير بغيت نقلوك دبى البرد من الأحسن الجو يكون مشي بارد ومشي سخون بين وبين بحال شهر 4 5 6 بش دغية يبرى

شكرااااا بزززاف اختي داكشي لي غندير ان شاء الله حتى اقرب الربيع ونتوكل على الله الله يسر الامور وصافي

انا ولدي ختناه عادي ابلا بنج كان عندو شهر ونصف ملي داه زوجي قالو الطبيب علاش خليتو حتى كبر حيت هنا نهار السبوع كيختنوهم

تبارك الله الله احفظو ليك عندك الصح اختي من الاحسن اكن صغير واحد صاحبتي ختنات ولادها كاملين فربعين يوم
وكاين تاني لي كيخليهم حتل 3 و4سنوات كلا واحد وهو ولكن كلما كان صغير تايكن افضل
الصراحة حنا الامهات لي كنهزو الهم لهد الموضوع بزززاف الله اكن معانا ويسر

حتاانا كنت بحالك مخلوعة بزاف.. الختانة بحال العادية بحال الايزر كيكون لحريق ولفرق لي فلايزر مكيكونش دم انا خنتت ولدي بلايزر بنجوه بنج موضعي وعاد دخلوه لبلاصة لكيختنو فيها بصح مخلوناش ندخلو معاه لداخل حيت ولدي كان عندو عام ونص كان كيعرف وخافوه يبكي علينا وميبغيش يسكت حيت البنج كان موضعي بقاو معاه حتا نساوه وختنوه مسكين درلو دوا ولاكوش وكان الحمد لله مزيان فسرولي طريقة كيف نديرو دوا ولاكوش.. ومبكاش داك ساع ملي مشينا لدار بدا كيتحيد منو لبنج مسكين مسكتش من لحريق فلول ولاكين من بعد بدا كيرتاح شوية بشوية والحمدلله فليل نعس مزيا وفالغد صبح كيمشي علي رجليه غير مخاصوش يتعقر انا ولدي كان كيتعقر بزاف حيت كان كيتمشا ونتي ولدك مزال صغير مغديش تلقاي صعوبة توكلي علي الله والله يسرلك الامور