السلام عليكم اخواتي عندي مشكل في الصالون ليهو في الحقيقة غي بيت عندي صغير ودرت فيه طوابل ديال سبعين سنتيم وجاوني اربع طوابل المشكل وسط مبقالي ليسباس يعني الطبلة غتجي نيشااان معندك فين تحركي شنو ندير دابا غي نفرشو حيت معنديش بديل وخفت الى جاو عندي يضحكو علي عاونوني با حادة الله يجازيكم بالخير .
uhth;l uh,kkd vhkd lpjh[m hglshu]m tags
حتى انا كان عندي هاد المشكل فشقتي الاولى كانت صغيرة وبالتالي الصالون صغير هز لي غير 4 سدادر والحل لي درت هو اني خليتو بدون طبلة حتى كنبغي نسربي الماكلة عاد كنجيبها وغير نساليو نحيدها تاني ونكمل الجماعة مع الضياف ههه عادي اختي دابا راني تحولت لدار كبيرة الله يرزقك من واسع فضلو غير رخفي على راسك
امين احبيبة ربي خليك هادشي ليغندير
هو اختي اما تاخدي بنصيحة الهادئة لانه حل عملي او تعملي مائدة مستطيلة فيها تقريبا 65 ستم في العرض الى كانت تجيك او هناك حل اخر الي هو تستغناي على احد السدادر وتخلي الصالون عبارة على حرف l وهنا غيتوفر ليك المكان.
الحل هوتنقصي سداري وتخلي مساحة فين تحطي الطابلة والله يوفقك
أما تنقصي السدادر عند النجار وديريهم 60 أما تخلي 70 ديري طبلة طويلة مستطيلة تخلي ليك العبار منين الدوزي والله يرزقك من حيت لا تحتسبين
الله يجازيكم خير الجزاء
اختي الحل اللي بغيت نقترح عليك ديري طابلة اللي كتجمع قولي لنجار طابلة المقص راه كانو معروفين ووقت ماجاو ضياف حطيها غير وقت الاكل وماغداش تبرزطك بلاصتها ديريها غير ورا الباب
المشاركة الأصلية كتبت بواسطة نور الغد 
اختي الحل اللي بغيت نقترح عليك ديري طابلة اللي كتجمع قولي لنجار طابلة المقص راه كانو معروفين ووقت ماجاو ضياف حطيها غير وقت الاكل وماغداش تبرزطك بلاصتها ديريها غير ورا الباب تنايدك في الفكرة اختي نور الغد
الحل هو ديري طبلة طويلة او بيضاوية الشكل ماشي ضروري تكون دايرة