عاجل القمل فشعر بنتي

السلام عليكم غالياتي
الله احفضكم معتقوني لقيت ط¨ظ†طھظٹ عندها 4 سنوات فشعرها القمل
كانت هدي 15 يوم طحت ليا على راسها ونعست معاها فالمستشفىكنت ندير ليها السكانير حتى طمئنو معندها والو ..من خرجنا من المستشفى تتحك راسها بزاف رضيتها كونترول قالو لي عادي غير الجرح كيبرا اوا البارح نعسات حدايا فليل كامل وهيا كتحك قلت جلدة راسها غدي تجرح من فقت صباح تنقولها فين كيضرك كتوريني و الصدمة لقيت قمل معرفتوش حيت عمري شفتو كيف عامل غوت لراجلي جا قالي هدا ط§ظ„ظ‚ظ…ظ„ بدا يعاير ردلي انا لومة بحال انا هاملها مشا اجري الصيدلية عطاوه شامبو و مشطة رقيقة دوشنا لها ولا اخرج ميت قلت صافي مبقاش عود دبا قلبت ليها راسها قيتو والله معرفت اش ندير ولا فين نعطي راس قالك كيعادي و انا حاملة خفت نتعدا من ط¨ظ†طھظٹ منقاش كيف نتداوا
سمحو ليا كثرت عليكم مي ربي لعالم بيا ليل كامل منعست الله اجازيكم كل خير عني مساعدوني وعطيوني شي حل

---

uh[g hgrlg tauv fkjd

شوفي اختي أولا القمل مايجيش من الوسخ بالعكس يبغي الشعر النقي. طحني حبة حلاوة و خلطيها بزيت الزيتون ديريها في شعرها و غطيه حتى ل 2 سوايع و غسليه بشامبوان مافيهش revitalisant و ممبعد ب شامبو خاص بالقمل . عاودي العملية بعد أسبوع و ماتنسيش مشطة سبيسيال رقيقة مشطيلها بيها.و انشاء الله راح تعجبك النتيجة.

عن طريق : samsung – SGH-I337M

من بعد الغسيل ديريلها الديملور فاخر غسلة راه كايزلقو وبقاي دهن لها بزيت الزيتون

اختي ماعندك علاش تخلعي لهاد الدرجة
ياك شفتي النتيجة ديال شمبوان الي غسلتي لها بيه
طاح ميت ادن ماعليك غير تبعي ليها حتى يتنقى راسها
مع المشيط بالمشطة الخاصة باش مايبقاش البيض ديالو
كان في بنتي حتى انا تخلعت وخديت من الفرماسيان سبرايت
بقيت منديرو كيفما وصفو لي والله اسبوع مابق والو
وحتى خل التفاح اتشلل بيه الراس راه كيقتلو

براك الله افيك اختي انا نجربها ليها درت ليها غير الزيت صباح وغسلتو ليها بالشامبو

الله انورك اختي واش باقي عندك اسم سبرايت او الصورة حيت لقينا غير الشامبو
وي دك البيض رقيق هو لمبغاش اتحيد ليها لاسق بزاف دبا حتى انا شعري ولا كياكلني خفت لنكون تنا تعاديت منها

ختي جربي دري ريها زريعة الكتان كبي عليه الماء الطايب وخليه اتلق وديريه ليها فشعرها راه غاولي بحال جيل وخليه حتا اقصاح وشدي مشطة رقيقة ومشطي ليها هاكا قالت لي عجوزتي راه كيزل حتا البيض

حتى اختي هاكا وقعلها لبنتها نعست في كلينيك كانت دارت عملية مني خلاجات لقاتها عامرة بالقمل، دارتلها ديك pommade vermogal واحد ساعتين وغسلتلها بمشطة رقيقة تقول غير كانت كتكدب مبقا فيها والو، قل لراجلك بلا مايخاصم عليك راه ولا كثير القمل راه صاحبتي هاد الايام لقاتو فولادها، مشكلة فين ما جاو ولادنا من المدرسة خاصنا نقلبوهم.

سمحي لي اختي ما قدرت نفيدك والله مابقيت عقلت عليه حيت
هادشي ملي كانت بنتي عندها 8 سنوات دابا راه عندها 16
واصلا حتى الى عقلت انا راه في بلجيكا ماشي في المغرب
ولكن ان شاء الله اكون خير ما تخافي راه دابا يمشي
وشوفي شي حد افلي ليك راسك راه انا ما كتاشفت انو فيها
حتى لقيتو في راسي انا حيت مكانت كتبغي نمشط لها حتى لقيت
وحدة في راسي عاد شديتها بززز وانا لقا راسها راه مطلس
ماشي غير شوية يالطيف ولكن الحمد لله كما قلت ليك اسبوع
ومشا كلشي وانا مشيت عند واحد جارتي فلات لي راسي مزيان
وحيدات لي دوك البيضات الي كانو عندي دغيا مشا حيت انا شعري قليل بزاف
والله اشافي واعافي اختي ملي تغسلي راسك شلليه بالخل الى كانت شي حاجة
غتموت وتهبط مع المشطة

كنت لقيت واحد الموضوع من قبل لولحد الاخت نتمنى لكيعرف الرابط ديال موضوعها قالت باللي ستاعملات فازلين البوماض دهناتها للشعر وخلاتها مدة وكنغسل الشعر جيدا قالت صاحبة الموضوع ان هذه الطريقة كتقضي حتى على البيض انا كنسكع كيديرو رموغال ويتمشط الشعر جيدا بالمشط رقيق وكاين حتى سبراي فالفرماسيان ملاحظة حتى ولادي 2 واحد محمد ريان 5سنين والاء سنتين الله يخليهم لينا ويفكك على خير