طورطة بالاجاص واللوز اللي صايبت فالعيد عاد كتابلي نزلها مرحبا بالجميع

السلام عليكم انيقاتي اش خباركم نتمنى تكونو لاباس وسمحولي على
هاد الغيبة غير الخدمة وصافي ولكن كنت دايما متابعاكم بالردود
اليوم غادي نقدم ليكم هاد لاطارط ط§ظ„ظ„ظٹ اقل مايقال فحقها رائعة
وسهلة فالتحضير غادي نحتاجو:

مقادير العجينة المرملة:250غ دقيق+125غ زبدة لينة+2معالق سكر+قشرة برتقالة
كنخلطو مزيان ونجمعوها ببيضة ونديروها فالثلاجة نص ساعة
منبعد نسرحوها بالدلاك ونديروها فالمول وندخلها للفرن سخون مدة 5 دقايق

هاهي ملي خرجناها كنخليوها تبرد بما وجدنا الحشوة ديالنا
مقادير الحشوة:نص كيلو اجاص يمكن ليكم تستعملوه معلب انا استعملتو طري
سلقتو شي شوية فالماء ومعلقة سكر وخليت يستقطر مزيان
علبة نسلي+2بيضات+100غ لوز مسلوق ومفسخ ومطحون+فاني

كنطربو البيض والفاني مزيان

كنزيدو نسلي ونطرب مزيان ثم كنضيف اللوز ونخلط مزيان
من بعد نصب الخليط فوق لاطارط

ونستف انصاف الاجاص بشكل دائري وندير فوق منهم طريفات دالزبدة باش يجيو محمرين

كندخلوها للفرن على درجة 180 مدة ساعة راها كتاخد الوقت فالطياب
يعني الفران يكون مهيل وايلا شفتوها تحمرات ومازال من الداخل غطيوها بورق الامنيوم كيف ما درت انا
وهاهي ملي طابت زينتها بالسكر الصقيل كتجي بنينة بزاف وكلشي عجباتو

كنتمنى تعجبكم حتى انتما وتجربوها

وهنا حطيناها فالفطور مع شي حليوات بساط والطورطة الباردة

هاد احليوات خديتهم من المندى الله يكتر خير الاخوات

وهادي الطورطة الباردة الكل ول كيعرفها تبارك الله انا من العشاق ديالها
حيت كتجي منعشة وكتحمر الوجه ايلا كانت شي مناسبة زوقتها بالبرقوق والمشماش

نتمن نكون توفقت فالشرح وايلا كان شي ملاحظة او استفسار فانا دائما فالخدمة