السلام عليكم نتمنى تكون كل الانيقات ب خير
عافاكوم عاونوني ،انا كنت كانطرز "" شحال هادي ولكن داكشي غي بسيط
داب بغيت نتعلم ندير لوحات كبيرة،قلبت على بزاف ديال رشمات و باترونات ،المشكيل هو اني مكنعرفش كيفاش نقل داكش f تووب ،ولا كيفاش تايديرو لتدرج الالوان ف لوحة….
عافاكم ساعدوني راني بغيت نبدا باش نعمر وقتي و ماعرفتش كيفاش
جزاكم الله كل خير
‘gf gluglhj ‘v. hghdjhldk " point de croix point de croix
ممكن تقولو لي إسم التوب لي كانخدمو فيه هاد طرز؟ انا كنت تانخدم ف تووب عادي و تايعدبني حيت تقيبات فيه صغار بزاف
كاين ثوب آخر اسميتو الناطي راه كا يكون في جميع الألوان هذا الثوب كيعطي المربع مزيان
وإلى كان شي مول الثوب معلم غير قو لي ليه الثوب ديال الطابلويات وهو يعرف آش يعطيك ذدا الثوب راه غالي شوية أنا مرة شريتو ب 120 درهم للمتر ولكن مزيان وما كيحببش حيث الطابلو كان ندوزو فيه مدة طويلة
بالنسبة للألوان راهم كا يكونو مع الرشمة إلى كانو DMC ماكاين موشكيل الأرقام تاخديهم وتشريهم دابا راه الفتلة ولات 6 دراهم
إلى كان نوع آخر كتكلب في google على convertisseur وتقلبي الرقام ل DMC
بالنسبة للخدمة كاتخدي كل مربع من 10 غرزات ونتي غادية حتى تكملي باش ما تلفيش