طلب خياطة للباس التقليدي في الدار البيضاء

السلام عليكم أحلى إنيقات
قصدتكم اليوم والمقصود الله ونتمنى ما تبخلوش علي ههههه
المهم بغيت عنوان شي ط®ظٹط§ط·ط© دايزها الكلام في اسباتة أو النواحي وتكون كاتعرف تفصل
راه ما خليت فين خيطت وديما تانخسر لفلوس على والو تايتكرفسو لي على الثوب وتانصدق ضايعة فيه، وقوة سير واجي والبعد
ولاو دايرين لي عقدة نفسية ههههههه
يلاه بانو وعتقو ختكم وليكم دعوة في ظهر الغيب
لهلا يخطيكم عليا

---

‘gf odh’m ggfhs hgjrgd]d td hg]hv hgfdqhx

يمكن كلشي ولا تايلبس الرومي ههههههه
شكرا على كل حال

السلام عليكم اختي كاينة واحد الخياطة فحي مولاي عبد الله قريب لسباتة
البارح شفت السؤال ديالك ومابغيتش نزرب ونجاوبك حتى سولت اختي اليوم وقالت ليا راها مزيانة الى بغيتي نعتها لك

حتى انا عندي نفس الطلب ديال الاخت وتسمحلي ايلا كتبت الطلب ديالي فموضوعها
انا ساكنة فالمحمدية ومشههههية شي جليليبة نلبسها وتجي معايا كيما العيالات ولكن للاسف الخياط لي مشيت لعندو كيخصر لي التوب ويصيفطني بدموعي عقدوني والله
كنت تاوية نخيط جلابة لهاد العيد ولكن مزعمتش وراجلي خلعني قالي هادي اااخر جلابة نخسرو عليها الفلوس صدقات تبارك الله مصدقاتش نساي الجلالب وانا نتكمش وقلت مع راسي تنسول على شي خياط مزيان ونتوكل على الله وبيني وبينكم مكرهتهاش تكون خياطة مراة باش تفهمني ونفهمها.ولي جاوباتني الله يسهل عليها ماصعاب ويرحم ليها الوالدين

الي في كازا وبغات تلبس الاناقة وما يلبس حد بحالك كاين جوج
خياط في السباتة سي محمد الوزاني قريب لشارع ادريس الحارثي
الزنقة الاولى الي على مكتبة الخليل كاينين جوج سولي على سي محمد
حانوتو ما معلق فيه والو معلم وفنان صراحة

وكاينة اخت خياطة حتى هي فنانة وانيقة معروفة فاطمة السكري في جميلة الاولى

أية اختي نعتي لي وجزاك الله خيرا

ههههههههههههههه في الهوى سوا أنا وياك
ماكاين أختي حتى مشكيل مادام نلقاو الحل لينا بزوج

جزاك الله خيرا أختي
بالنسبة للخياط اللي حدا الخليل، واش ملي نوصل ليها ندور على اليمين ولا كيفاش؟؟؟؟ نعتي لي أختي مزيان الله يجازيك بيخير
وبالنسبة للخياطة اللي قلتي فاطمة واش اللي كاينة حدا جامع الرحمة، اللي مصبغة باب المحل بالوردي
إيلا كانت هي أختي الله ياخد فيها الحق هي سبابي حتى تعقدت على البلدي

شوفي اختي الزنقة ديال سباتة اللي فيها النخل غتمشي معاها كاملة وتقطعي شارع محمد السادس ومقابل معاه تماك واحد الجردة غتلقاي واحد الزنقة القنت ديالها كاينة لاباراي ديال تلفون دخلي معاها غتلقاي فيها واحد كيصارب الزاج ووحدة كتبيع الخبز كارم راه مقابلة معاهم كاينة الخياطة اللي دويت لك عليها وقولي لها راه صيفطاتني عندك اسية مامات دعاء
على الله تعجبك خدمتها ومانتحشمش معاك

جامع الرحمة ما عرفتوش اختي فاطمة السكري خيطت عندها جلابة صراحة برعتني انا واختي
الي شافنا لابسينهم تيسولنا فين خيطانهم هي قريبة لابن زيدون جات في زنقة ومحلها جا
شوكة والصباغة ما عرفتش اختي انا حيث ملي تنهبط المغرب تنسول مع الصيف
الخياط ديالنا تيكون عامر بزاف مع العرايسات فتنبغيوا باش نقضيوا بسرعة ،واحد لوستي الي
داتني عندها شفتها لابسة فصالة زوينة وعصرية هي فاش داتني عندها وكانت في المستوى

والخياط الي قلت لك راه معروف في السباتة هو الي خيطت عندو حوايج عرسي وعراس اخواتي
كلهم صراحة ما عندي ما نقول فصالتو بوحدها غير جربي وتشوفي ما غاديش تندمي توصلي
لمكتبة الخليل كاينة الزنقة الاولى على اليمن في الهبطة ديال مكتبة الخليل فوتي الخياط الاول
حتى هو الاسم ديالو امحمد الى مشيتي عندو غادي يقلو لك انا هو زيدي شوية غادي تلقايه
مقابل مع جردة ديال ورا الديور فيها الشبيك غير دخلي مع الزنقة فوتي الخياط الاول الي
قلت لك والي سولتيه على سي محمد الوزاني يوريه لك قريب لمسجد تما ما عرفتش اشنو الاسم ديالو
صراحة معلم انا غير مع كانت عندو الخدمة بزاف في الصيف هي فاش داتني لوستي
عند فاطمة السكري ، والله اعلم ثاني اختي راه كاين الي ما عندو زهر في الخياطة الله يسر
لك ان شاء الله ويفتح لك ابواب الخير