طلب الى اختي عاشقة الخياطة

اختي الله اخلي ليك وليداتك بغيت نخيط كسوة كلوش ومعرفتش كيفاش تجيني طويلة والثوب فيه غير 3متر وانا عرفت القاعدة ديال صاية كلوش كيف ندير نفصلها بصح الكسوة غاتجيني قصيرة .عافاك الى ما شرحي ليا كيفاش نفصلها الله اجازيك بخير

---

‘gf hgn hojd uharm hgodh’m

اهلا غاليتي ام هداية
كسوة كلوش هابطة مايمكنش تتفصل ب 3 متر توب راه غار الصاية تتهز تلاتة متر
ممكن ديريها كسوة وفيها قطعة في الحزام ولكن فعوض الصاية الكلوش ديريها ايفازي كبيرة فهاد الحالة راه تجيك كسوة طويلة بالحق ماشي الكلوش لانه لا يمكن تفصلي كسوة كلوش ب 3 متر

شكرا حبيبتي على الرد والى ممكن تقولي شحال من متر نشري باش تجيني كسوة طويلة كلوش الله ارزقك الجنة ونعايمها والى ممكن نزيد نبسل عليك شي موديل اللي نفهمو ونقدر نخيطو

عادة الكسوة الكلوش تتهز بين 4 و4 ونصف على حساب طولك وعرضك الى كان جسمك عادي 4 متر تكفيك اما ادا كنتي طويلة وعامرة فخودي 4.5

الله اجازيك بخير اختي عاشقة الله اصلح ليك وليداتك وامتعك بصحيحتك

واياك غاليتي
امييييييييييين ووليدات المسلمين اجمعين شوفي الموديبلات لي حطيت ليك راه ساهلين في التطبيق
راه تيتبلوكا ليا البيسي تيفقصني عليها تعطلت باش حطيتهوم ليك

شششششكرا بزاف وسمحيلي تعبك معايا

ام هداية 04
يمكن لك دري بثلاثة تحت الكسوة وتحتاري ما يلاءمها من ثوب آخر للفوق الكسوى ،وراه عاشقة حطات موديل من هذا الشكل