السلام عليكم اخواتي
ندخل في الموضوع مباشرة
اختي خطبها ولد الجيران اختي ملتزمة و هو من 3 سنين التزم و الزم المسجد
المهم خطبها و شفنا اخلاقه طيبة و بدل المستحيل باش يتزوج بيها
اختي مريضة بالربو و الغدد
قلنا له على مرضها قال ما يهمش
مشينا جبنا ليه اوراق المرض ديالها و قلنا له ديهم حتى تقراهم باش تعرف ان حالتها المرضية مزمنة
تقلق و قال حرام عليكم تقولوا هاك شكون ضمن راسه يبقا ديما صحيح انا بغيتها بمرضها بكلشي ليها نهزها في سناني
المهم اختي و لله الحمد حاملة لكتاب الله و اخا صغيرة و كتعطي الدروس و كتحفظ الاطفال و اخلاقها جد طيبة و خطابها كثار الحمد لله
المهم عقدت مع السيد عقد الزواج على اساس انها تبقا عندنا حتى ياجر البيت و يفرش و ما الى ذلك
اليوم و الثاني اختي جاتها ازمة ربو
خديناها للمشتشفى و حتى هو حضر معانا
المهم مللي ولات شوية قال ليها و بلا رحمة انا معرفتكش مريضة هاك
و انا لو عرفتك مريضة كنت اتاخرت عشر خطوات للوراء هاد الشي غير قلنا ليه راها مريضة الف مرة و بقا كيلح في الطلب
قالها ثاني شي انا مريض عندي مشكيل في الكلي و كيخصني مع الوقت نغير كلوة و منقدرش على مرضك و مرضي
و قال ليها انا غير ما قدرتش نوصلك ليك بالطريق الغلط و شحفتيني مشيت التزمت 3 سنين باش نوصل ليك
المهم شلا ما قال
اختي مسكينة غير سمعت الهدرة دياله و اغمى عليها
المهم بعد ما بلغتنا قلنا ليها حمدي الله وراه ليك قبل ما يوقع الفاس في الراس
الحمد لله انه باقي ما دخلش بيك
المهم مشينا باش نتافقه معاه على الطلاق
هو عاطيها 5000 درهم صداق
خويا حالف ما يرد ليه الصداق قالك شوهنا مع الناس و العائلة و الناس كلهم عرفوا بنات الناس ماشي لعبة في ايديه يجي يعقد و يدور بيها حتى يعيا و يجي يقول ليك مبقيتش بغيت نتزوج
و هو حالف ما يطلق حتى ياخد الصداق ديال
بغيت نعرف الله يجازيكم بخير اش هي الاجراءات الي خصنا نديروها باش يتم الطلاق من هاد الشخص
الله يجازيكم بخير.
‘ghr rfg hgfkhx
واخا غير دعيوة الخير
شوفي حبيبتي قولي للاخت ديالك راه ربي لي بغاها مني فكها منه لانه هاد السيد يمكن يدعي بانه ملتزم اما الالتزام الحقيقي وكن كان فيه شي خير كن نيت هزها بسنانه ماشي يرميها من الوعكة الاولى
اختي مايصيبنا الا ماكتب الله لنا والحمد لله انه مازال مادخل بها وماكاينيين وليدات اللهم له الحمد
هدا حبيبتي امتحان وابتلاء ربي انتلاها به قل لها تصبر وربي اكيييد غادي يعوضها خير ان شاء الله
اما من ناحية الصداااق اختي مادام قلتي هو ساكن قرييب منكم ن الافضل ردو له فلوسو وسد باب القيل والقال عليكم وخليو الشايط عنده ماشي عندكم الى كان هو واكيد كدالك ماشي ولد الناس نتوما وريوه كيف كيتعاملو الناس دالصواب ومن الافضل مني تبغيو تردو له فلوسو يكون بحضور شي راجل كبير وعنده تقدير خاص فالحي ديالكم مثلا امام المسجد ديالكم وهكدا تكونو عطيتوه درس
اما اختك الله يعوضها مبمن هو احسن منه والله يشافيها ويعافيها امييييين حبيبتي
ama sadak fahadak hakha ma tradoch lih hakaha amar bih lah sobhanah hiya li tkatab ma3a chi wahda w ma 3ajbatoch narado li floso walat sal3a mata3tih hta franc w khalih ytalak 3la khatro howa li khasar w tzad 3lih masarif nafaka
هدا بزاف عليه الالتزام
الله يعوضها خير و سمحيلي ماعنديشي دراية بالمسائل القانونية حبيت غير ندعي معاها
الطلاق حل ميثاق الزوجية، يمارسه الزوج والزوجة، كل بحسب شروطه تحت مراقبة القضاء وطبقا لأحكام هذه المدونة.
المادة 79
يجب على من يريد الطلاق أن يطلب الإذن من المحكمة بالإشهاد به لدى عدلين منتصبين لذلك، بدائرة نفوذ المحكمة التي يوجد بها بيت الزوجية، أو موطن الزوجة، أو محل إقامتها أو التي أبرم فيها عقد الزواج حسب الترتيب.
المادة 80
يتضمن طلب الإذن بالإشهاد على الطلاق، هوية الزوجين ومهنتهما وعنوانهما، وعدد الأطفال إن وجدوا،
يرفق الطلب بمستند الزوجية والحجج المثبتة لوضعية الزوج المادية والتزاماته المالية
يشترط لقبول طلب أحد الزوجين إنهاء علاقة الزوجية للعيب :
ألا يكون الطالب عالما بالعيب حين العقد ؛
ألا يصدر من الطالب ما يدل على الرضى بالعيب بعد العلم بتعذر الشفاء.
المادة 109
لا صداق في حالة التطليق للعيب عن طريق القضاء قبل البناء ويحق للزوج بعد البناء أن يرجع بقدر الصداق على من غرر به، أو كتم عنه العيب قصدا.
المادة 110
إذا علم الزوج بالعيب قبل العقد، وطلق قبل البناء، لزمه نصف الصداق.
المادة 130
لا تلزم العدة قبل البناء
كلام قانوني وسليم
نصائح جد قيمة جزاكم الله خيرا و رفع قدركم و نفع بكم
شكرا لنصائحكم القيمة
فشيت عليكم قلبي و ارتحيت نسبيا
الله يجازي بخير كا من عطرت صفحتي بمرورها و بنصائحها
جزاكم الله الف خير
اختك انسانة طيبة وربي كيبغيها وكيف يقولو المؤمن مبتلى
الحمد لله انه ماوقعتش الفاس فالراس ومادخلش بيها
بالنسبة للمهر اختي اما ترضوه ليه كامل او تعطيوه النصف احسن ليكم وكيف قالو اللي يبيعني بالرخيص نبيعو بالغالي