طرطة الكونفيتير والكوك من مطبخي بالصور

السلام عليكم درت واحد الطرطة غير على قدي انا وراجلي هههههههه وساهلة مافيهاش كاع المقادير قلت نشارككم بيها نتمنى تعجبكم
مقادير الجنواز
180غ سكر
180غ دقيق
6 بيضات
شوية فاني
قبصة ملح
راس معلقة خميرة حمرة

كانضن كلشي عارف طريقة الجنواز
اولا نطرربو البيض وقبصة ملح والفاني وسنيدة

حتى يرجع لونهم ابيض

نضيفو الدقيق والخميرة شوية بشوية

ومن بعد نديروها في الاطة

ندخلوها لفران شي 12حتى 15 دقيقة

يتبببببببببببببببببببع

---

‘v’m hg;,ktdjdv ,hg;,; lk l’fod fhgw,v

هاهي من بعد ماخرجتها من الفران

قسمتها على تلاتة

وسقيتها بالسيرو انا فتحت علبة ديال الخوخ مصبر وخديتلو السيرو

مقادير الحشو ساهلين درت غير الكوفيتير ديال التوت والكوك وزوقتها بالكريمة

وهنا مشاتلي الصورة ديال هاد المرحلة سامحوني
درت طبقة ديال الكونفيتير ودردرت الكوك وحطيت جنواز ونفس الشي ودرت جنواز وزوقت بلكريمة نتمنى تعجبكم راها ساهلة وعجبت راجلي بزاف

يالله هدا الاول وحدة تدخل

نتمنى تدعيو معايا ربي يعطيني ولادة ساهلة ميسرة

تبارك الله عليك اختي كيك راااااااائع ماشاء الله الله يعطيك الصحة الله يسهل عليك ولادتك يا ربي امين و الله يرزقك الذرية الصالحة يا ربي امين
احسن تقييم من عندي

الله يبارك فيك انت الاروع مشرفتي
اللهم امين ربي يحفضك شكرااااااا على التشجيع

تبارك الله عليك مشهي وشكرا اختي على مرورك ا لكريم وردك الاكرم

اه نسيت مادعيت معاك اللهم يسر ولادتها وارزقها الدرية الصالحة امين امين

رائعة اختي.تبارك الله عليك.والله يسهل ليك ولادتك يارب.

الله يعطيك الصحة حبيبتي فيوزة
الله يعطيك ولادة ساهلة ماهلة ويفرح ربي بشوفة وليدك

ولك مني احلي تقيم

الله يعطيك الصحة هادشي كايشهي