طرطة الكراميل والفواكة الجافة

السلام عليكم ورحمة الله وبركاته
اليوم حبيت نتشاركم معاكم هدالطرطة hribia.com/pic/][/URL] جربتها اكتر من مرة وكانت النتيجة جد مرضية غادي نعطيكم المقادير اللي على 3 مراحل
العجين 200غ طحين فرص 125غ زبدة 50غ بودرة اللوز 1ملعقة صغيرة قرفة قبصة ملح 2معالق كبار سكر 1بيضة

كنخلطو الكل مزيان حتى كيولي بحال هكا

كنضيفو البيضة وكنجمعو العجينةكنطلقوها بالمدلك نلبسوها لمول ديال الطرطة وندخلوها للفرن جتى كطيب
ندوزو لمقادير لاكناش 100غ كريم فريش 200 غ شكلاط اسود من الاحسن اكون هداك المر انا ماكانش متوفر عندي درت العادي كنديرو الكريم اغلى وكنزيدو عليه الشكلاط كنخلطوه مزيان من بعدكنصبوه على الطرطة اللي كتكون طابت

كنخليوها على جنب وندوزو لكراميل 250غ سكر 150غ زبدة 70غ كريم فريش ملح لوز محمر او كركاع او كاوكاو والا بغيتو تخلطوهم ممكن
كنديو سنيدة فوق نار مهيلة حنى كدوب وبطبيعة الحال بلا مانحركوه حتى كتولي بحال هكا

كنزيدو الكريم والزبدة ونبداو نحركوحتى كيندامجوعاد كنضيفو الفواكه الجافة انا درت غي اللوز

كنصبوه على الطرطة والكناش الي بردات
وها النتيجة الاخيرة
hribia.com/pic/][/URL]
هاهي كيفاش كتجي مللي تقطع وبطبيعة الحال حتى تبرد مزيان انا خليتها حتى الغد عاد قطعتها
ghribia.com/pic/][/URL]
ها حقي هزيتو الباقي قصموه بيناتكم
وبصحتكم