السلام عليكم
لقيت هاد الفكرة في منتدى اخر وعجباتني
وقلت علاش لا حتى اخنا نعملوهم والكل يستفيد
والرجوع الى الاصل اصل
ليعندها شي وصفة ديال الجدات تتعتزبيها تنزلها ليستفاد منها
وبنية انها تكون ليها صدقة ط¬ط§ط±ظٹط©
اتمنى من الاخوات التفاعل مع الموضوع وينال استحسانكم وشكرا
وانا غادي نبدا الاول
على بركة ط§ظ„ظ„ظ‡
المودزريلا كما يحلو لنا ان نسميها في البيت على طريقة جدتي ط§ظ„ظ„ظ‡ يرحمها وجميع موتى المسلمين
المقادير
لبن جديد + شوية ملح +حليب . الكميات بلا عبار
الطريقة
تتغلي اللبن مع الملح حتى يرجع كليلة وتعمليه في ثوب وتشديه وتعلقيه حتى يتسقطر جيدا من الماء
ومن بعدتتاخدي الحليب تعمليه يسخن غير شوية وتوضعي فيه الكليلة لنشفات من الماء وتبداي تدلكي فيها على نار هادئة بملعقة خشب وتبقاي تخدمي حتى تترجع كتلة وحدة من جديد و تتجبد بحال المودزريلا وتقدميها بالصحة والراحة
‘fr hg[]m>>>w]rm [hvdm gih fY`k hggi hg[]mw]rm dhvdj
بارك الله فيك على هذا الموضوع فعند رجوعنا الى اطباق الجدات نكون قد استفدنا واحيينا كيفيات كانت ستزول
جميل ان نرجع الى اطباق الجدات فكانت اطباقهن معظمها صحية ومفيدة
ياريث ياأختي نتعلم للموزاريلا ديال جداتك الله يرحمها ونبقى ديما ندعي معك ومعها
عاودي أكدي لينا علي كمية الحليب ممكن أنا نغلي كمية لترين من اللبن الجديد مع الملح ولكن ماهي كمية الحليب حتى يتكثل من جديد مع الكليلة؟
جزاك الله خيرا
ثانيا تنشكركم اخواتي جزيل الشكر على تفاعلكم مع الموضوع والله يرزقكم من حيث لاتحتسبن ويرزقكن الفردوس الاعلى
الجواب على سوالك الاخت somyama
اختي تتعرفي جداتنا مكانشي عندهم الطبخ بالعبار كانت عينهم ميزانهم
ولكن عملي مقدار 1/4لتر حليب لان لتر لبن تيعطي كمية قليلة ديال الكليلة وتتخديميه مزيان راه تيرجع ابيض ناصع وتيتجبد فعلا بحال الموزاريلا
على فكرة اللبن ديال البقر ماشي المبستر
وانا رهن الاشارة
انا عارفة بلي جداكم احسن طباخات وتينزلو من يديداتهن غير الشهد
غير مبغيتوشي تعطيونا السر ديالهم
ها انا غادي نعطيكم وصفة اخرى ونتمنى حتى انتما تفيدونا
بركوكش بطريقة جدتي
السميدة غليظة مفتولة وتكون الحبة غليظة وتفور تفويرة وحدة صافي
وتحل مزيان حتى ميبقاش التكوار بلا ماء بلا والو
وتغلي كمية لاباس بها ديال الحليب وتزيد فيه الملحة ثم الكسكس
وتبقى تحرك وهو تيغلي على نار هادئة حتى يطيب
وتنزلو في طبق التقديم مع الزبدة بلدية منثورة عليه
وبالصحة
والمرة الاخرى نعطيكم طريقة السمن
شكرا أختي الكريمة ريم على هاد الموضوع الجميل و تنتمنى من كافة العضوات التفاعل
بالنسبة لجدتي من والدتي كانت تتميز بعدة أطباق الله يجدد عليها الرحمات اخترت منهم وصفة مميزة الزميتة سبق و نزلتها ولكن ما فيها باس نعاود نكتبها زادت عليها الوالدة ديالي بعض الإضافات ولكن المذاق و الفائدة تيبقاو تقريبا نفسهم الزميتة تيوجدوها الناس بمناسبة رمضان ولكن بصراحة أنا شخصيا تتعجبني فوقت البرد القارس مع واحد الكويس سخون ديال آتاي مشحر.في الواقع هي شوية صعيبة في التوجاد و ما تاتقدر عليها غير للا و مولاتي و لكن بصراحة تتستاهل و أنا تنصح الأخوات الحادكات اللي بغاو يجربوها يبداو غير بواحد الكمية بسيطة حتى يشوفو المهم ما نزيدش نطول عليكم أكثر نشمرو و نبداو على بركة الله.
هاد العناصر كلها نجمعوها في خنشة كبيرة و نديوها للطاحونة و مني تجي ندوزوها في الغربال الرقيق ونقسموها على كميات نحطوها فأكياس بلاستيكية نقفلوها جيدا و نحتفضو بها فشي سطل ديال الحلوة مثلا تيتسد نحطوه فمكان دافيء بعيد عن الرطوبة.
أما بالنسبة لجدتي من الوالد الله يجدد عليها الرحمات فكانت متميزة بواحد الطبق خاص بعيد الأضحى سميتو المقيلة لأنه تيطيب فوق المقلة كانت تدير قطع الكبدة مشوية و قطع القلب مشوي و المصارن ديال الشحمة و الملح و تتحمرهم مزيان و تضيف عليهم فالأخير الكمون و تتقدمو مع آتاي بالطبع بالصحة و الراحة
لا تنسوهما أخواتي بدعواتكن بالرحمة و المغفرة
الاخت ريم راه منستكش شكرا على الموضوع المميز …راه مكرهناش نسترجعو ونتدكرو شهيوات الجدات عموما باش نحافظو على اصالة الطبخ المغربي …للاسف معقلتش على جدتاي ماتو قبلمن خلق انا …بصح غدي نحاول نسال الوالدة..على الطبخات لقديمة …بالنسبة لوصفة السمن راه حتى انا نصاوبها على طريقة الوالدة ….يمكن تكون نفس الطريقة لي عندك ….نحن في انتظار المقادير والف شكر