طارط بالليمون الحامض من مطبخي وتتصدق ممممممممممممم

دقيق ابيض
125g زبدة انا تندير لابريري
60g سنيدة
بيضة
قشور حامضة (اختياري انا تنديرو باش تنحيد زفورة البيض)

ثانيا مقادير كريمة الليمون ط§ظ„ط­ط§ظ…ط¶

6 بيضات
6 ليمون حامض (العصير)
3 قشور ليمون حامض محكوكين
150 غرام سكر سنيدة
50 غرام زبدة

ثالثا التزيين

ابيض بيضتان مخفوق ثلج او شكولاطة ذائبة او دوائر ليمون حامض

الان نشوفو الطريقة
تحضير العجين
تنرملو زبدة مع الطحين مزيان ونحاولو نستعملو كف يدينا بشكل دائري ومانعجنوش لان لعجين ماتيعطيش نفس النتيجة للعجين المكسر والصور توضح مراحل التحضير
من بعد ماتنرملو الزبدة والطحين تنضيفو قبيصة ملحة وناخدو السكر ونطربوه مع البيضة وقشور الحامضة ونضيفوه للخليط المرمل لي عندنا ونبداو نجمعو باطراف الاصابع ونحاولو نتفاداو الدليك والعجين حتى نحصلو على عجين متماسك ولي خافت ديك البيضة تجيها بزاف تبقى تكب بشوية وتجمع ونلويوها فميكة ونديروها فثلاجة لمدة ساعة ترتاح
انا قسمتها على جوج حيت هاد المقادير تتكفى لقالب دائري قطره 24سم وانا مابغيتها كبيرة وباقي لعجين غنحتفظ بيه فالمجمد
الصور تكمل الشرح

ملي تنخرجها من الثلاجة تنطلقها بلمدلك من بعد مانرش بالدقيق وملي نطلقها على علو 3مم نلويها على المدلك ونحطها فلمول باش ماتعدبنيش ونشكها بلفورشيط باش ماتنفخليش وندخلها للفرن جهد ماطيب وتحمر ونخليكم مع الصور



ملي خرجات من الفرن تيكون لونها ذهبي تاناخدو شوية الشكولا نذوبوها وندهنوها بيها كيما درت وحتى اذا ماكان شكلاط ماشي ضروري غير اختياري

الان نحضرو لكريما

تناخدو البيض ونطربوه مع السكر في كاسرونة غير بالطراب اليدوي ونضيفو بالتدريج قشور ط§ظ„ط­ط§ظ…ط¶ وعصير الحامضات ونستمر فتحراك حتى يتجانس الخليط ونوضعوه فوق نار متوسطة ونستمرو في التحراك حتى يسخن ونزيد الزبدة ونستمر فالتحراك حتى تعقاد الكريما ونصبها مباشرة فوق الطرطة ونخليها تبرد وعاد نزينها

هادي هي الطرطة وبالصحة والراحة
نتمنى تحضروها وتدعيو لامي بالرحمة والمغفرة