صابلي ساهل واقتصادي بالنسبة للمبتدئات /من مطبخي /

*المقادير *

-140 غ زبدة -1 بيضة -100غ سكر كلاصي -150 غ نشا – فاني -راس معلقة صغيرة خميرة الحلوى –

معلقة كبيرة ما زهر – نص ساشي سي بون c bon ديال الرمان -200 غ دقيق.

* الطريقة *

كنخلطو الدقيق مع النشا و الخميرة والسكر و سي بون والفاني ونديو حفرة الوسط كنفرغو فيها البيضة

و الزبدة طريفات و الما زهر ونجمعو العجينة بسرعة بلا ماندلكوها ونديروها فالثلاجة لمدة نص ساعة

من بعد نص الساعة كنخرجوها من الثلاجة ونطلقوها بالمدلك ونقطعوها دوائر

كندخلوها للفران على عافية مهيلة ومللي تبرد كنكنديروها فالشكلاط دايب فحمام مريم

وهذا شكلها مللي خرجناها من الفران

/ الشكل الثاني / طµط§ط¨ظ„ظٹ بالكراميل

* المقادير*

– رابعة زبدة – 200 غ سكر كلاصي – 50 غ لوز محمر ومطحون بقشوره – 2 بيضات

قبصة ملح – فلان كراميل – الدقيق حسب الخليط .

كنخلطو جميع العناصر حتى تجمع العجينة ونديروها فالثلاجة مدة نصف ساعة .

منبعد نص ساعة كنخرجوها من الثلاجة ونطلقوها بالدلاك و نقطعوها على شكل قلب

كندخلوها للفران ومللي تطيب نزينوها بالشكلاط

/الشكل الثالث /غريبة بالكوك و كاوكاو كتجي بحال البهلة

* المقادير *

– 250 غ زبدة -2 كيسان سنيدة / كاس العنبة / – 2 كيسان زيت – 2 كيسان كوك –

2 كيسان كاوكاو محمر ومنقي ومطحون -2 خمارات – 1 فاني -الدقيق حسب الخليط

خاصها تكون شادة فراسها اي تكون لعجينة قاصحة شوية.

كنديروها فلاطة على شكل غريبة وندخلوها للفران شاعل من الفوق حتى تشقق عاد نشعلو

عليها من تحت بحال طياب البهلة.

وهذا الشكل النهائي