السلام عليكم ورحمة الله وبركاته .
اخواتي عندي في البيت خناشي ديال ط¨ظ‚ط§ظٹط§ ط§ظ„ط«ظˆط¨ كثيرة بزاف وفكرت نعمل فيهم ط²ط±ط¨ظٹط© من ط¨ظ‚ط§ظٹط§ ط§ظ„ط«ظˆط¨ بحال الي في هذا الرابط الي في اليوتوب ولكن ما عرفت التقنية وكيف نبدا راني ما عندي ظپظƒط±ط© على الحرف اليدوية .
نتمنى نلقى مساعدة من الاخوات .
هذا هو رابط اليوتيوب وسمحولي على الموسيقى الي خارجة عن ارادتي في التعديل ):
a;,k ll;k jshu]kd h, uk]ih t;vm ugn .vfdm frhdh hge,f> hge,f
ماما وجدة كانت صايبت وحدة زوينة ، ولكن غير على الأرض
ماشي معلقة بحال في الفيديو
المهم الطريقة على حسب ما عقلت
كتشدي 2 خشبات بالعرض لي بغيتي تكون عليه الزربية ديالك
و كتباعدي بيناتهم على حسب الطول لي بغيتي
بحال هكدا
و كتدقي فيهم مسامير و تشدي خيط متين ، حنا درنا القاعدة ديالها بالصوف ديال تركوات قديمين
بعد ما سليناهم و كببناهم وبخرناهم باش يتطلق الخيط ديالهم
المهم كتشدي أول الخيط وتعقديه ف أول مسمار فطرف الخشبة وتنزليه للمسمار لي قبالتو في الخشبة لخرى
وتدوريه عليه وتمشي عاوتاني للمسمار الثاني في الخشبة المقابلة و تلوي عليه الخيط وهكذا حتى كتسالي ،وهذا هو لي سميتو السدى،
و يلا كمل ليك الخيط فنص المسافة ماشي مشكل ، كتعقدي فيه خيط جديد وتكملي
خص تكون الخيوط مشدودة ماشي مرخية ، وضروري شي حد يساعدك ،
من بعد ما تسالي ،كتاخدي شي خشبة عريضة و تدوزيها من تحت السدى
باش يتهز شوية وتقدري تخدمي بكل سهولة
كتاخذي الطروفة ديال الثوب لي عندك ، كتكوني قطعتيهم مستطيلت رقيقة وصغيرة ، يعني تقريبا شي 4سنتيم عرض على 16 طول ، و كتشدي كل 2 خيوط ديال الصوف مع بعض وتدوري عليهم مستطيل التوب وتخرجيه من بيناتهم وتزيري ، شوفي هي العقدة التركية لي في الصورة، و كتمشي هكدا حتى تسالي السطر ، السطر الثاني كتخالفي الخيوط ، و تمشي هكدا حتى تكملي
و ضروري تكون عندك شي مشطة سنانها واسعين باش مرة مرة تقادي بيها باش يجيو الخيوط ملاصقين ومتكونش الزربية مرخية و بينها فراغات ، وملي تسالي فكيها من المسامير وها هي عندك زربية من صنع يديك
فكرة المشطة لي قلت لك كتحتاجيها بحال هكذا
كنتمنى نكون قدرت نوصل ليك الطريقة
أختي كنعرف للعقدة ولكن نوقف المنجج منعرف ههههههه ممكن إلى كان عندي الوقت ملي نمشي للمغرب إن شاء الله نقول لجداتي توريني كيفاش ,ونصورها ليكم ونوريكم الطريقة إن شاء الله لأنه الطريقة بالكلام ميمكنش تساعدك أو توصل ليك الفكرة
الله يعطينا البركة في الصحة والعمر والوقت يارب
هاد الصور لقيتهم فالنت, نتمنى هاد الفكرة تعجبك
الزربية بالطريقة التقليدية ماشي ساهل ديريها إلى ماكانش عندك لي يعاونك ومازال ماتعلمتي, حنا ف البلاد كنا نخدموهوم زمان لكن لا بد ماتكون ماما معانا. وزايدون خاصو الوسائل والأدوات الخاصة ديالو,
أنا تانقتارح كيما كالت الأخت نريمان 234, تصايبيها بالكانفا قطعي على حساب المقاييس لي بغيتي و تخدمي كيما وراتك الأخت بالصور الله يجازيها بخير تقسي الثوب قطع متقايسة وتشتغلي بالعقد. الله يوفقك
اختي Nariman234 شنو سميت هديك الشيكة و عند من نلقاها باش نشريها ويا ليت تعطيني فكرة على ثمنها بالميترو.؟
اختي براءة الله يسترها عليك دنيا واخرة الى نزلتي للمغرب حاولي تصوري الطلايقة بالتفصيل والله يحفظ ليك عائلتك. وانا متشوقة نشوف الطريقة خاصة الي معمولة بالكادر .
اختي لازورد تبارك الله عليك.