11/12/2019
السلام عليكن ورحمة الله تعالى وبركاته
اليوم جبت لكم الطريقة دالسيڭار ط¨ط§ظ„ط´ظپظ„ظˆط± والفرماج، هاد الوصفة سمعتها فالراديو وجاتني فشكل! ولكن ملي جربتها فعلا لذآآآذ. و الله يجازي مولاتها بالخير.
بالنسبة للمقادير والطريقة سهلة:
الورقة دالبسطيلة (انا صيبتها غير فالدار)،شفلورة صغيرة مسلوقة فماء مملح+ ثوم، ملي تسلق نسقطروها مزيان (انا درتها فثوب دحياتي خرج منها ماء بزاف من الصفاية) نمعكوها بفورشيتة + (شوية بودرة ثوم مع انا مادرتش ثوم فماء السلق) + باكية دفرماج مثلث (انا درت غير 4 فرماجات مثلثات) وزدت شوية إبزار. ملي معكت كلشي نصف خليتو هاكاك والنصف الآخر زدت ليه شوية دطون. وصيبت منها 10 دسيڭارات (5 بطون و 5 بلا طون) والباقي من الورقة عمرتو بحشوة د (روز مسلوق+طون+معدنوس+شوية زيت الطون+إبزار) غلفتهم بالپلاستيك الغذائي ودرتهم فالفريڭو حتال نهار لي حتاجيتهم.
مذاقهم بنيين وليمكانتش عارفة الوصفة تزعم وتجربها وماغاتخيبهاش ان شاء الله.
لكن مني احلى تحية
ودمتن في رعاية الله.
( سورة الأحزاب )
sdڭhv fhgatg,v ,hgtvlh[ lll aaa sdڭhv
المشاركة الأصلية كتبت بواسطة omo hamodi 
آه كايجي غزال، شكرا احبيبة على المرور ديالك
المشاركة الأصلية كتبت بواسطة ikram hayati الله يبارك فيك اختي، شكرا على متابعتك للموضوع
المشاركة الأصلية كتبت بواسطة marjana1980 بارك الله فيك احبيبة، شكرا على التقييم
بالنسبة للورقة، كاندير زلافة فورص، قبصة دالملح، والماء بارد، ونخلط مزيان(يكون خفيف من الخليط تاع البغرير)، بعض المرات كانخلطها بالطراب الكهربائي باش مايكونوش فيها حبيبات. كاندير كاسرول فيه الماء حتى يغلي وندير عليه مقلة ماكاتلصقش وكانحط شيتا فالخليط وندوزها دغية فالكاسرولة ونعاود فالاماكن ليكايبانو خاويين، وكاتقابليها ملي تبان نشفات ومابقاتش خضرة كاتحيديها(كاتحيد دغية، وطيب غير من جيها هي ماكاطيبش من 2 جوايه) كل وحدة طيبتيها كادهنيها بالزيت
وراني قلبت ليك فالمنتدى ولقيت واحد الرابط نتمنى ينفعك: https://www.anaqamaghribia.com/vb/sho…D3%D8%ED%E1%C9
ولاي تساؤل انا رهن الإشارة
تم تثبيث والتقييم