سفة ولكن ماشي بالدجاج دخلو تشوفو باش درتها

السلام عليكم ورحمة الله وبركاته
كيفكن انيقاتي
مرحبا بيكم والف مرحبة
غنقدم ليكم سفة للي علمتها ليا الوالدة ديالي الله يطول لينا فعمرها ووصلها لينا بالف سلامة الى الديار المقدسة لاداء العمرة
نحتاج للحمام مغسول ومرقد

العطرية
ملح
بزار
سكينجبير
خرقوم بلدي
قرفة
قليل من السمن الحار
بالنسبة للملون الغدائي الا لاحظو الانيقات للي متبعين الوصفات ديالي انني مكنديروش
وزيت بلدية
توم مدقوقة

نخلط كل هاد المكوات ونرقد فيهم الحمام

من بعد نمرق بحساب للي غيطيب لينا الحميمات

نخلوه تايغلا ونظيف ليه 2بصلات مشلظين مزيان

ونسد عليه ونخليه يطيب على خاطرو

من بعد ناخد برمة ندير فيها الماء الكافي تقريبا لنص ديالها مع الملح ونخليها تغلى

ناخد السفة ندهنها بزيت بلدية مزيان

ونديرها تفور

هاد المرحلة الاولى ضروري نخلوها تفور مزيان تقريبا 20 دقيقة مللي تتطلع فيها الفورة

لما تفور ناخد بانيو
ندير فيه الكسكاس ونكب عليه الماه الماء للي في البرمة

ونرجع الكسكاس للبرمة بلامنفك السفة
ونعاود نكب عليها الماء للي بق لينا في البانيو

ونرجعها تفور

من بعد ناخد الكسكاس ونحطو في البانيو
ونكب عليه الماء للي في البرمة

ونسقطرها مزيآن ونرجع الماء للبرمة
ونفك السفة بزيت بلدية ولا زبدة

ونرجعها تفور للمرة الاخيرة

من بعد ناخدها نديرها في بانيو ونزيد عليها سكر كلاصي حسب الدوق
ونفكها

ناخد شوية منها نديرها في طبسيل ونمرقها شوية نرش لوز مقلي ومهرمش
نخليكم مع الصور

وفكل طبقة نمرقها شوية ونرش اللوز تانسالي الكمية
وهنا ها السفة ديالي واجدة

بصحتكم وراحتكم
نتمنى تعجبكم طريقة السفة ديالي
متنساوش دعواتكم مع الوالدة ديالي
في امان الله

stm ,g;k lhad fhg][h[ ]og, ja,t, fha ]vjih