السلام عليكم البنات الحاملات كيف دايرين
اوا الموضوع باين من العنوان ديالو كيفاش كيتعاملو الرجال مع المراة في فترة الوحام
خصوصا الرجال لي هدا الحمل الاول لزوجاتهم
كيفاش كيتقبلو اهمال المنزل او المرض المستمر او تقلب المزاج
واش كيطيبو ليكم ماتاكلو ولا والو
كيعاونوكم في الشقا ولا زايدين عليكم بالنكير هههههههه
و شكون لي شكات ان راجلها هو لي كيتوحم بلاصتها هههههههههههههههه
و شكون لي قاليها ان الام ديالو توحمات و ماكانتش هاكا ههههههههههههههه
المهم راه كين رجال كيقابلو عيالاتهم و كين لي كيزيدو عليهم
بالنسبة ليا انا راه ماكيعاونيش في الشقا ولكن ماكيقول والو واخا تقلب دار كاملة
ولكن باقي كيتسناني نطيب ليه ههههههه و هو معمرو طيب لييا و انا كنتوحم على كوزينتي مندخلش نطيب فيها
الحمد لله ساكنة حدا دارنا كاناكل غير عندهم ولكن بقا فييا لحال حينت كنت غادي نفرح كن هو لي تهلا فييا حينت الوحم و الولادة و الطفل ديالنا بجووج خاصنا نتعاونو و نفرحو ليه بجووج ماشي تامارة لدارنا و الفرحة ليه هو
كل وحدة تقولينا المشكل لي لقات مع الزوج ديالها و شنو جاه صعيب في وحامها باش يلا كانت شي وحدة وقعت ف نفس المشكل تفيدها بالطريقة لي تبدلو بيها و تقنعو بالوحم ديالها
.,[; , hg,phl!!!!!!!!! hgk]hx
والله يفكك على خير اختي وغير صبري كلشي غيفوت وكيبقا تعاويد ههههه
حاول تعوضيه على هادشي منين تولد ان شاء الله