نفتتح دورتنا ط§ظ„ط«ط§ظ„ط«ط© للعضوات بكلمة شكر في حق كل من شاركتنا التميز للرقي بمنتدانا …..
شكرًا أنيقات منتدانا شكرًا مشرفاتنا الساهرات على نجاح الدورة….
بارك الله في الجميع و الف الف شكر.
اضغط على الصورة لمشاهدة الوصفة
على بركة الله
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
],vm hguq,hj hgehgem >>>>>>>>>>>>>>> lg,d pvam vyhdt
مخامر بالكفتة بطريقة جديدة
الطبق لي غادي نقدم ليكم طبق بسيط وساهل ومكياخذش وقت بزاف باش يوجد
على بركة الله
– رابعة كفتة لاداند (ممكن تستعملو كفتة اللحم)
– بصلة صغيرة مشلظة رقيقة و 2 فصوص الثوم محكوكين
– ملعقة كبيرة معدنوس مقطع
– توابل (ملح وابزار وسودانية للي كيعجبها الحار)
– فرماج مربع ديال السندويس (أو أي فرماج متوفر عندكم)
– مخامر أو خبز لبناني
أول حاجة كنخلطو الكفتة بالتوابل والمعدنوس والثوم ، ثم كنشعل آلة بانيني باش تسخن
كناخذ المخمارة كنحلها وندهنها كاملة بكمية من الكفتة ، ثم نزيد البصلة وفي الأخير ندير الفرماج ونسدها ونديرها تحمر في آلة بانيني ، وهكذا حتى نكمل كمية المخمار لي عندي .
نفس الطريقة كنستعملو للخبز اللبناني .
رافقتو مع بطاطا مقلية وصوص حار بالكتشاب
نتمنى هذ الوصفة البسيطة تعجبكم وطبقوها
بينيي بلا دليك ولا دلاك
السلام عليكن أنيقاتي
هذا بينيي ساهل و بمقادير بسيطة و دغيا كيوجد و كيجي خفيف و بنين نتمنى يعجبكن
بيضة
بيضة زيت ( يعني نخوي هاديك البيضة و نعمرها بالزيت )
1 فاني
1 خمارة حمراء
خميرة الخبز على حسب الجو
كاس كبير ماء دافئ
500 غ فورص ( ممكن أقل ممكن أكثر على حسب نوعية الدقيق )
قريصة الملح
نخلطو البيضة و الزيت و الفاني و الخميرة و الماء و الملح و من بعد نزيدو الدقيق و الخمارة الحمراء غير يتخلطو صافي بلا ما نبقاو ندلكو و من الاحسن تكون العجينة خفييفة
نشكلوه كويرات صغار و نستفوهم فبلاطو مدهون بالزيت مزيان و نخليوهم يخمرو مزياان و نسخنو الزيت و نبداو نكرصو و لي درناها فالمقلة نبقاو نهزو الزيت بالمعلقة و نخويو فوق منها و راه دغيا كيتحمر و نديروه يستقطر و نفندوه فسنيدة او السكر كلاصي كل وحدة و ذوقها
نخليكم مع الصور
نتمنى تجربوه و يعجبكن
لا تنسوني من صالح دعواتكن
ما هو بطبوط مغربي ما هو عيش مصري
السلام عليكن أنيقاتي ، صباحكن مبروك ، هاد نهار تفكرت هاد الوصفة وبغيت نشاركها معاكن ، حيث ساهلة وماتاتخدش بزاف ديال الوقت ، هاد الوصفة شلحاوية تعلمتها من الميمة العزيزة، لخدمة ديالها بحال تاع البطبوط ،غير هادي لخبزة تتجي رقيقة بزاف بحال العيش المصري هههه،
المقادير والطريقة :
نحتاجو العجينة الخبز عادية، دقيق ، ملح ،معلقة سنيدة ، الخميرة ،والماء دافي للعجن .
نخليوها تخمر غير خمرة وحدة .
من بعد ديري منو كويرات متوسطين لي شاط لك من العجين تقدري تصاوبي منو الخبز عادي ديالك .
كل كويرة ندهنوها بالزيت ونقرصوها رقيقة نحطوها فمقلة مرشوشة بشوية زيت ونطيبوها من الجهتين بجوج
هاهما واجدين ، شوفو كيف تيجيو رقاااق.
بصحتكن وراحتكن
حرشة شعير بالزيتون الأسود بأشكال مختلفة.
هاد لحرشة لذيذة و تقدرو تطيبوها على ذوقكم فالفرن أو المقلة.
المقادير:
1كاس بلبولة رقيقة مرطبة فكاس ماء.
1كاس سميدة القمح.
1كاس دقيق شعير. ( ممكن تعوضوه بالقمح الكامل)
1/2 كاس نخالة القمح ( لي تنكرصو بيها الخبز) لي معندهاش تقدر تستغنى عليها.
1/2 كاس زيت زيتون.
1معلقة كبيرة حليب غبرة.
ملح / زعتر .
1خمارة ( 7غ )
12 حبة زيتون أسود مقطع.
1كاس لبن أو حليب حسب المتوفر ( استعملت لبن ) سامحوني نسيت لبن فالصورة ولكن غيبان فالطريقة ههههه
الطريقة:
نخلط دقيق شعير و سميد و نخالة وملح وزعتر مع زيت زيتون و نبسس مزيان.
نزيد حليب غبرة وخمارة . نخلط ثم نزيد البلبولة مرطبة ( تتكون شربت كاس ماء و متنحتاجوش نصفيها).
نزيد لبن شوية بشوية ( حسب الخليط ) نقدرو منحتاجوش لكاس كامل.
فالأخير زيتون مقطع.
نصاوب من الخليط كويرات صغار. ندوزوهم فالبلبولة أو نخالة ( حسب الرغبة) و مباشرة إلى الفرن.
و هاهي ملي طابت:
هادي طيبتها فوق البوطة فالمقلة:
حرشة لا تقاوم فهاد البرد.
فطيرة مورقة بالزبدة و مزينة بالزنجلان و اللوز
هادي فطيرة مورقة بالزبدة كتجي هشييشة بزااف
المقادير :
نصف كيلو فورص
قريصة ملح
كاس صغير زيت
خمارة حمراء
خميرة العجين
4 ملاعق سنيدة
الزبدة للتوريق
بيضة للدهن
الزنجلان و اللوز و السكر كلاصي للتزيين
الطريقة :
نعجنو الدقيق و الملح و سنيدة و الزيت و الخمارة دالحلوى و الخميرة دالعجين و ندلكوها مزياان و نخليوها تخمر و من بعد نقسمو العجينة ل 6 دالكرات قياس واحد و وحدة نديروها اكبر منهم و نطلقو كل كرة و نورقوها بالزبدة مزياان و نحطوها فمول مدهون و نعاودو نفس الطريقة فكل كرة حتى نكملو الست كرات و نطلق الكرة الكبيرة و نغلف بها الكرات حتى تولي عندنا بحال شكل خبزة و نكرصوها و نتقبوها بالفرشيطة و ندهنوها بالبيض و نزينو على حسب الرغبة انا هنا زينتها باللوز و الزنجلان و دخلتها للفرن على نار مهيلة و من بعد الطياب زينتها بالسكر كلاصي
الصور توضح
ممكن نديرو شكلاط او لوز مهرمش ما بين كل كرة و كرة
في امان الله
ما تنساونيش من دعواتكم
* مسمن مورق بطريقة ساهلة
المقادير :
كيلو دقيق مغربل نص فورص ونص زرع
1 بيضة
1 خمارة
ملح
ماء
للتوريق :
زبدة مدوبة مع الزيت + سميدة رقيقة
الحشوة :
حسب الرغبة – درت البصلة مع الفلفلة حمرا مشحرين زدت الربيع و التوابل والزيتون مقطع و الفرماج احمر محكوك
الطريقة
نخلط جميع المكونات
ونزيد الماء حتى نحصلو على عجينة خفيفة و تعجن مزياااااااااان ونخليها ترتاح
نقطعها كويرات ونغطيهم
ناخد الكرة الاولى و نطلقها مزيان بمساعدة القليل من خليط الزيت و الزبدة حتى تولي رقيقة
ندير القليل من الحشو على الدائرة كاملة نرش شوية السميدة ونقطع ليها الجوانب كما فالصورة
تبعو فالصور كيفاش نجمعوها – وبين كل طوية نرش خليط الزبدة و الزيت و حتى السميدة *ضرووري* –
ونجمع عاوتاني جوانب ب 2 بلا ما ننسى خليط الزبدة + السميدة فكل مرحلة
ونخليها ترتاح على مانكمل البقية و نطيبها عادي فالطاجين
وبالصحة والراحة
المسمن بنكهة الليمون أوالحامض لكل عاشقات البساطة والتميز فألف مرحبا أنيقاتي
بما أنني مدمنة على الطبخ فدائما كنقلب على تمييز وصفاتي بأفكار ولمسات بسيطة ومكنبخلش بهم عليكم أنيقاتي
واليوم هذه وصفة بسيطة لكنها متميزة وكلو حصري لآناقة وعيون بنات أناقة وكيف العادة ألف مرحبا أنيقاتي
نصف كيلو قمح لفينو
نصف كيلو فورص
شوية الملح وملعقة صغيرة سنيدة
فاني وقشرة ليمونة محكوكة أو حامضة لعشاق الحامض
والزيت والسميدة للتوراق انا درت غير القمح
ماء دافي للعجن
كنعجنو عجينة عادية وغادة نفسر لكم واحد لفكرة ساهلة وعملية
باش تكملو طياب دغيا وتبعو معيا ومتزبطيوش
ونخليوها ترتاح شوية
من بعد نقطعها كريصات
ونسمن عادي وهده صورالمراحل
*الفكرة
من هنا كتبدى كنكرص لمسمنة
غير تشد في راسها ونقلبها
ونكرص وحدة اخرى ونرميها فوق منها
ونقلب وبلى مانفرقهم اناهزيت من جنب غير باش نوضح لكم
نعاود نقلب للتحت لفوق والجهة للفوق تولي هي لدخلاني
وهكا حتى نكملو انا كندير حتي 4 مسمنات بنفس الطريقة
*والإستفادة
هي ربح الوقت لآن بلي كديري وحدة فوق الآخرى كتضغط عليها وكتتحمر لنا بسرعة
وهكا في عوض ساعة الوقوف كديري نصف ساعة اييييه هههههه
نتمنى الفكرة تعجبكم وتجربوها أنيقاتي
وهاهما مسيمناتنا وجدو قدميهم كيف حبيتي أنيقتي
و تاكلوهم بالصحة وراحة البال يارب
وأي سؤال الف مرحبا أنيقتي
حريشات على شكل بان كيك بالكوك
مقادير الوصفة :
كاس سميدة رقيقة + كاس دقيق فينو ( يمكن ندرو فقط السميد)+ 2 ملاعق كوك+ 2 ملاعق سنيدة + ربع كاس مخلط زيت وزبدة + خمارة من فئة 7 غ + قبصة ملح + قشرة ليمونة + 2 كيسان حليب + بيضة .
طريقة التحضير :
نخلطو جميع العناص إما بالطراب أو الخلاط الكهربائي ( الخليط يكون ثقيل على عجينة البغرير ) ونبداو نهزو قدر مغرفة صغيرة ونطيبوها في مقلاة ماكتلصقش
مني نبغيو نقدموها نسقيوها إما بالسيرو البرتقال أو فقط بالعسل والزبدة حسب الإختيار.
حريشات بالفورص حلوين وخفاف للفطور
هاد الخبيزات معتامداهم سنيين هادي كيجيو فنيين و خفااف و مداق الصراحة و لا اروع و الاهم انهم سااهلين ضغيا كيوجدو
المقادير:
كاس عنبة حليب
كاس عنبة زيت
كاس عنبة سنيدة
1 فاني
2 خمارات
تقريبا 400 غ فورص او اقل
قريصة الملح
الفينو للتفنيد
الطريقة :
نخلطو الحليب و سنيدة و الزيت و الفاني فدقة وحدة و نزيدو عليهم الفورص و الخمارات و يكونو جاارييين كيلصقو فاليد و نكوروهم و نفندو الوجه في الفينو او السميدة الغليظة و ندخلوهم للفرن يطيبو عادي على نار متوسطة راه ضغيا كيطيبو
الصور توضح
نتمنى تجربوهم و يعجبوكم كيفما كيعجبوني
في امان الله
لا تنسوني من صالح الدعاء