نفتتح دورتنا ط§ظ„ط«ط§ظ„ط«ط© للعضوات بكلمة شكر في حق كل من شاركتنا التميز للرقي بمنتدانا …..
شكرًا أنيقات منتدانا شكرًا مشرفاتنا الساهرات على نجاح الدورة….
بارك الله في الجميع و الف الف شكر.
اضغط على الصورة لمشاهدة الوصفة
على بركة الله
 |
 |
 |
 |
 |
 |
 |
 |
 |
 |
 |
 |
 |
 |
],vm hguq,hj hgehgem >>>>>>>>>>>>>>>> hgfdj.h ,hg;da
فطيرة بالفرماج
للعجينة : 3 كيسان دقيق مغربل + 1 م ك خميرة د الخبز + ربع كاس زيت + 4 م ك دانون مسوس + نص م خمارة + ملح + ماء دافئ
فرماج د الكاس ديال الذهن لافاش كيري – نسيت مصورتوش- + موتزيريلا محكوك + فرماج احمر محكوك
للتزيين : اصفر البيض مع الحليب + القليل من زنجلان
نخلط مقادير العجينة كاملين ونجمع بالماء حتى نحصلو على عجينة خفيفة وكتلصق شوية * ماشي جارية * ونعجنها مزيااان مزيااان ونخليها حتى تخمر
من بعد ماخمرات نقسمها على 2 كورات بحيث وحدة تكون اكبر شوية على الاخرى
ونطلق الكرة الاكبر ونزلها مباشرة فوق صينية الفرن ندهنها بفرماج الذهن ومن فوقو فرماج محكوك – بلا منوصل للجوانب-
ونزل فوقها الكرة اللي بقات
نجمع ليها الجوانب وندهنها ونرش زنجلان و نثقبها 2 ثقبات بالموس نخليها ترتاح 10 دقائق وتخبز في فرن مسخن من قبل – منين طيب نزلها فوق شبكة حتى تدفا –
بالصحة و الراحة
مسيمنات معمرين على شكل بيتزا
هاد المسيمنات كيجيو لداد نتمنى اعجبوكم
العجين
دانون مسوس
زلافة فورص
زلافة لاروب فينو
معلقة كبيرة خل
2معالق كبار زيت
ماح خيرة 1خمارة
ماء دافئ للعجن
كفتة فلفلة الوان
بصلة مشلضة
شوي زيت العود
العطرية
درت مطيشة محكوكة مشحرة مع مطيشة الحك والفرماج محكوك
كنبداو بالحشوة كنشحرو البصلة والفلفلة مزيان ونضيفو الكفتة والعطرية ممونشحرو كلشي مزيان فزيت العود
العجين كنخاطو النواشف انضيفو باقي العناصر انحركوهم ونعجنو بالماء الدافئ ونخليو العجين يرتاح 10 دفائق
اكنقسموهم كرات صغار انورقو كل كرة بوحدها بالزيت والزبجة
اكنديرو الحشوة انتنيوها على شكل مربع يعني شكل مسمنة
اندهنوهم بصوص ماطيشة والفرماج لحمر ملي اقربو اطيبو درتلهم الزيتون وشي دالفرماج داب من الفوق
اهاهما وجدو بالصحة والراحة
رولي بخبز التوست
وصفة ساهلة كتنفع في لعشاء ولا كمقبلات
خبز التوست +شرائح فرماج +شرائح دجاج مقلية او اي حاجة عندكم ماشي ضروري دجاج +شوية سودانية (اختياري)+كريمة+فرماج محكوك
نقطع جناب ديال التوست ونسرحوه بالدلاك باش يرقاق ونقدرو نلويوه
نديرو فرماج ودجاج ونلويوه
نخلطو كريمة مع فرماج محكوك ونديرو فوق لرولي ديالنا ونرشو شوية سودانية
وندخلوهم فرن واحد شو ية يدوب فرماج سمحولي صورة قبل من دخلهم فرن مشات لي
بيتزا بعجين مورق ومذاق مختلف
عجين مورق+ بصلة+ فلفلة + كورجيت محكوكة+ كروفيت+بيض+موطارد+مخلط مع اعشاب منسمة + زيت +فرماج محكوك +ملح+ابزار+اعشاب+منسمة
نشحرو بصلة مع فلفلة
من بعد كورجيت محكوكة ومعصورة من ماء
مني طيب خضرة نتبلوها بملح ابزار اعشاب منسمة
نخليوها تبرد من بعد نزيدو عليها شوية فرماج محكوك وبيضة ولا جوج مضربين باش نجمعو خضرة
ندهنو عجين مورق بموطارد ونتقبوها بفورشة
نديرو خليط فوق عجين تم فرماج وفي اخير كروفيت وشوية اعشاب ونطيبوها في فران
أسعد الله صباحكم ومسائكم بالخير
والسرور واطيب انسام الزهور
وصفتي بسيطة وساهلة وكيف العادة لذيذة نتمنى تعجبكم أنيقاتي
*مقادير العجين :نصف كيلو فورص ملعقة سكر وملعقة ملح وشوية خميرة دار فقط
لاصوص مطيشة
بطاطة مقلية نصف قلية او مسلوقة
هوت دوك ومتزريلا
وشوية زعتر وبصلة مقطعة
كنخلط الدقيق ولخميرة وملح وسنيدة بماء دافي خصها تكون مرخوفة حتى جارية نخدمها بإدي مزيان نخليها ترتاح واحد ربع ساعة
من بعد ندهن لاطة ونرشها بالدقيق او سميدة ونرقق لعجينة ونخليها ربع ساعة أخرى
نسرح لاصوص
من بعد البصلة لشحرتها مع شوية زيت وشوية ملحة قد ماكانت لبصلة كثيرة قدما كتجي لذيذة
من بعد hot dog وبطاطا ورشيشة الملح وتدخل للفرن حتى تطيب نصف طيبة 
عاد نخرجها ونحك مدزريلا وزعتر وتدخل للفرن تكمل طياب ونخليوهاش تنشف لنا مدزريلا
هاهي طابت نقطعوها على حسب الذوق ونقدموها
وممكن نعملها بهد الشكل من جنا ب تحشى بالهوت دوغ والوسط فحال الآولى
(هنا بالبصلة دوائر خضرة وحتى هكا كتجي فنة )
أو ممكن نعملها بلى متزريلا حتى هى كتجي لذيذة أنت وذوقك أنيقتي والموجود بين إيدك
وبالصحة والعافية على قلبكم يارب
فوكاشيا بالقمح الكامل و مطيشة يابسة من مطبخي.
250غ دقيق القمح الكامل.
ملح. أعشاب حسب الرغبة ( ستعملت زعتر و ريحان.)
مطيشة يابسة ( وصفة متوفرة فالدورة)
زيت زيتون ( ستعملت لي مرقدة فيها مطيشة)
1معلقة خميرة مذوبة فشوية ماء دافئ مع نص طوبة سكر قهوة.
150غ جبن موزريلا.
1 بطاطا مسلوقة ( كانت تتسلق ملي صورت)
ساهلة و موضحة بالصور.
نخلط دقيق مع ملح و أعشاب ونبسس بالزيت زيتون. نزيد بطاطا مسلوقة مهروسة . الخميرة مذوبة و نكمل العجن بالماء دافئ. نخليه يخمر.
نبسط العجينة فآنية الفرن. نذهنها مزيان بزيت الزيتون. و نحط فوقها مطيشة يابسة مقطعة و طريفات موزريلا. عاود نرشش بزيت و الأعشاب وندخلها للفرن. ملي تقرب تطيب نرشش عليها موزريلا مبشورة.
مع البرد من الأحسن نخمرها فالكوكوت سخونة . 20 دقيقة تتوجد.
وهاهي واجدة بالصحة و الراحة.
بيتزا لديييدة من مطبخي
عجنتي للبيتزا
زلافة كبيرة فرص
2 معالق كبار دقيق اصفر**السميد الناعم **
ملعقة كبيرة زبدة
نصف ملعقة ملح
الخميرة
الماء الدافئ
نرملو المقادير مزيان ثم نعجنو بالماء حتى الحصول على عجينة لينة متماسكة و نتركوها 30 دقيقة تخمر.
طماطم – فلفلة – بصل – كاشير او صوصيص – زيتون اسود و زيتون بلا عظم- فرماج – الطون
نصهدو البصلة فزيت و نضيفو الطماطم مع الملح و الابزار دقيقة و نطفيو عليهم
نطلقو العجينة ديالنا و نبداو نزينوها كيما فالصور
بالنسبة للزنجلان ندهنو بالحليب باش يلصق
منين طيب البيتزا نطفي الفران و نضيف الفرماج
كيش بالطون و الخضر
لاباط بريزي
بطاطا دوائر مقلية
1 بلصة شرائح رقاق +1 فلفلة حمرا+1 فلفلة خضرا * مشحرين فالزيت مع التوابل*
2 علب طون
1 م ك موطارد
ملح ابزار زعتر
موتزاريلا
فرماج احمر محكوك
200غ قشدة
2 بيضات
نلبس المول بالعجينة و نثقب بالفورشيط ونثقل الوسط وندخلها طيب نص طيبة
من بعد ندهن الوسط بالموطارد و نستف البطاطا + مح ابزار زعتر
نضيف خليط البصلة و الفلفلة
ثم الطون و شرائح الموتزاريلا + ملح ابزار زعتر
نخلط البيض مع القشدة و الفرماج احمر و نتبل بالملح ابزار زعتر ونخويه من الفوق
ندخلها للفرن حتى طيب وبالهنا و الشفا
بيتزا بالزعتر والجنجلان والفرماج
– عجين بيتزا العادي كنوجدوها ونطيبوها نص طيبة ، أنا هنا استعملت الجاهزة ،
– معلقة كبيرة زعتر
– معلقة صغيرة جنجلان
– 2 معالق زيت زيتون
– ثوم بودر (اختياري)
– فرماج محكوك ، استعملت الموزاريلا والفرماج احمر
– زيتون أسود للتزيين (اختياري)
ٍ
الطريقة جد بسيطة ، كنخلط الزعتر مع الجنجلان وزيت الزيتون ، وكنجيب عجينة البيتزا بعد ما طاب نص طيبة ، وندهنها بالخليط ، ثم كنزيد الفرماج بنوعيه ، وكنزينها بالزيتون ، وندخلها للفران حتى تكمل العجين الطياب ، والفرماج يذوب
ٍ
وهذا شكلها من بعد ما خرجات من الفران وتقطعات
البيتزا الثانية صاوبتها بنفس الطريقة غير ضفت الطون ، حتى هي جات زوينة
وبالصحة والراحة