oum hedayah 9-13-2019 
أهلا أخواتي و عيد مبارك سعيد،ينعاد عليكم وعلى الامه الاسلاميه بالخير و البركه و السلام . هدا طبسيل حليواتي ظ„ط¹ظٹط¯ ط§ظ„ظپط·ط± نتمنى يعجبكوم. 
نبداو على بركة الله مع المقادير والطريقة نتاع كل حلوة 1-صابلي باللوز: خرجت منها 2 نتاع الشكيلات 250g زبدة 250g سكر 4 صفار بيض 1/2 كاس زيت 1 سكر لفاني قبصة ملح 1/2 م ص خمارة الحلوى دقيق حسب الخليط للتزيين: بياض بيض رقائق اللوز كورن فليكس مهرمش شكلاط ابيض واسود كنخدمو الزبدة مع السكر ولفاني مزيان كنزيدو صفار البيض والزيت وفي الاخير خمارة الحلوى،قبصة ملح والدقيق لييكفينا وخاص تكون العجينة لينة كنرشو الطاولة بالدقيق ونبداو نرشمو بالمرشم ونسدفوهم في لاطة الفرن والدوائر المثقوبة كندهنوها ببياض البيض ونرشوهم برقائق اللوز وندخلوهم الفرن منين يطيبو نخليو الحلوى تبرد وناخدو دائما الدوائر المثقوبة ونزينوهم بالشكلاط الابيض دائب ونخليوهم ينشفو من بعد نلصقوهم بالكونفتير اما الشكل الثاني قطعتو على شكل مربع ومنين طاب لصقتو بالكونفتير وغمست الجناب في الشكلاط اسود دائب وكورن فليكس وزينت وجهه بخطوط من الشكلاط 
2 حلوىبالتمر(لرشيدة أمهاوش): انا درت نصف المقادير 500 كاوكاو محمر ومطحون 500 من التمر 310 دقيق 200 gسنيدة 4 خمارات حمرين 250 زيدة دائبة للتزيين: شكلاط دائب كاوكاو محمر ومهرمش كنخلطو الكاوكاو مع الدقيق ،السكر،الخمارة والتمر(استعملت نتاع العلبة)مزيان ونضيفولهم الزبدة دايبة ونخلطو الكل مزيان كنفرغو الخليط في مول ملبس بورق الطبخ ونبسطوح مزيان بيدينا وندخلوه الفرن 180د حتى يتنفخ شوي ونخرجو المول من الفرن ونعاودو نضغطو عليه بالملعقة وندخلوه مرة ثانية مدة 15د نخليوه يبرد ونخويو عليه الشكلاط دايب ونرشو عليه الكاوكاو ونخليوه يبرد ونقطعوه كيجي رائع في المداق مكانش لي مخداش من عندي المقادير 
pg,dhjd gud] hgt’v hgsud]
الله بعطيك الصحة 
3- صابلي باللوز وبتي فور: 500غ لوز مفسخ 250غ سنيدة شوي مسكة حرة 1 م ك زبدة 2 م ك ماء الزهر 3 بيض قشور حامض محكوك بالنسبة للباط كنحتاجولها؛ 250غ دقيق 125غ زبدة 100غ سكر 1/2 م ص خمارة حمراء 1 بيضة للتزيين: شكلاط دائب ناباج كنطحنو اللوز مع السكر مزيان 2 مرات حتى كيولي رطب كنضيفولو الزبدة والمسكة الحرة والبيض وقشور الحامش ونخلطو مزيان ونوضعوه في جيب الحلواني ونوضعوه جانبا كنخلطو مقادير لباط مزيان كنورقوها ونقطعوها بمرشم ونوضعوها في لاطة الفرن ونزينو الوجه ديالها بوريدات من عقدة اللوز وندخلوهم الفرن واللوز ليشاط لينا كنديروه على شكر وريدات دائما بواسطة الجيب الحلواني ونزينوهم بالفواكه المعسلة او على شكل طولي ونزينوهم بحبات من اللوز وندخلوهم الفرن منين يطيبولنا الحلوات بزوج ندهنوهم مباشرة بالناباج ونزينو حلوة الصابلي واللوز بالشكلاط دائب على شكل خطوط 
4- حلوى بالكاوكاو: العجين؛ 500غ دقيق 1 م ك كونفتير قبصة ملح 1 م ك سكر كلاصي 1 بيضة 125غ زبدة 1 كاس ماء الزهر ماء حسب الخليط الحشو: عقدة نتاع الكاوكاو للتزيين: عسل سكر كلاصي كنخلطو مقادير العجين مزيان حتى كنحصلو على عجينة متماسكة ورطبة،نخليوها ترتاح مدة 20د كنورقوها وكنوضعو قضيب من عقدة الكاوكاو يكون شوي غليض ونلويو عليه العجين.نبسطوه شوي ونقطعوه على شكل مائل 
والشكل الثاني كنورقو العجينة ونوضعو وسطها قضيب رقيق من عقدة الكاوكاو ونلويو عليه العجين ونبسطوه مزيان(الطول ديالو يكون فيه 13cm والعرض تقريبا 2cm)ونقطعوه من الفوق بالسكين قطع بلا منوصلو للاخر ونبداو نلويوه على نفسو وغادى يعطينا شكل وردة 
كندخلوهم الفرن حتى يطيبو منين طيب الحلوى كنسقيو الوردات بالعسل والمعينات كنفندوهم في السكر الكلاصي واي استفسار انا موجودة.في امان الله
المشاركة الأصلية كتبت بواسطة الخالة نجاة 
الله بعطيك الصحة العفو مشرفتي الله يسلمك ويحفضك وشكرا لمرورك الطيب
الله يعطيك الصحة مزيدا من التالق
تبارك الله عليك الله يعطيك الصحة
تبارك الله عليك اختي
تبارك الله عليك عجبنى شكل الوردة مبتكر
تبارك الله عليك