حلوة الهلال بكاوكاو

حلوة الهلال بكاوكاو
هدي من الحلويات المفضلة عندي ساهلة و غير مكلفة و كتجي رطبة بزاف كتدوب فالفم
المقادير
رابعة ماركرين لذة (او أي نوع مزيان)
رابعة سنيدة
كاس عنبة عامر زيت
نصف كيلو كاوكاو محمر و مطحون مزيان بالقشور ديالو
دقيق حسب الخليط
سكر كلاصي للتفنيد
(الحلوة مافيهاش الخميرة)
الطريقة
نخلطو الزبدة مع سنيدة مزيان حتى تولي كريما ثم نضيف الزيت و نخلطو ثم كاوكاو مطحون و نخلطو مزيان ثم نبداو نزيدو الفورص شوية بشوية و احنا كنخلطو حتى نحصلو على عجينة رطبة و خفيفة شوية الجهد اللي يمكن نشكلوها بسهولة كنديروها على شكل اصابع نحطوهم فوق اللاطة و نشكلوهم هلال ما نكبروهمش حيت كيكبرو و يتنفخو فالفران و منين تطيب و يتدهب لونها نخرجوها و نخليوها تبرد شوية و تشد فراسها حيت كتكون هشيشة بزاف ثم نفندوها مزيان في السكر كلاصي

---

pg,m hgighg f;h,;h, hgYlhl

merci bcp

شكرا أختي
جزاك الله خيرا

باينة حلوة لديدة الله إعطيك الصحة

غزالة عندي كاوكاو غنجربها إن شاء الله

جربتها جات غزالة ولديدة بزاف غير هو مفندتهاش فسكر كلاصي جاتني حلاوتها هي هاديك الله يعطيك الصحة وؤيسهل أمورك

تبارك الله عليك

تبارك الله عليك