حلوة الكوك و المربى

المقادير

زلافة الزيت
زلافة سنيدة
6 بيضات
3 خميرة الحلوى
1 كيس الفاني
قبصة ملح
الدقيق حسب الطلب

للتزيين
الكوك + مربى الحلوى ديليسيا فالمغرب ديال المشماش
و هنا مكاينش الجاري كالمغرب لقيت هاد النوع ja مداقو فحال ديليسيا و كنزيد فيه الماء و معلقة سنيدة و نخليه فوق النار هير يغلي نحيدو يبرد

الطريقة
نطرب مزياان البيض و سنيدة و الزيت حتى يندمجو مزييان
و نضيف الخميرة و الفاني و الملح و الدقيق تدريجيا حتى نحصل على حجينة رخوة مقصحاش

في اللاطة الاولى
ندهن يدي بالزيت و نهز بصبعي قليل من العجين و نكون كرة و نضغط عليها هيير شوي و نحكها فالاطة حتى نسالي

في اللاطة الثانية كنجيبها صغيرة شوي و ندير فيها ورق الزبدة او ندهنها بالزيت و نكرص فيها كرة كبيرة من العجين بسمك 1 سنتيم.

ندخلهم للفرن الساخن مسبقا حتى يتضجو

منين نخرجهم الكرات نديرهم فصحن هير يوليو دافيين شوي نخوي عليهم ط§ظ„ظ…ط±ط¨ظ‰ و ندهنهم مزياان بيدي و ندوزهم فالكوك

بالنسبة لللاطة الثانية هير نخرجها سخونة نخوي عليها ط§ظ„ظ…ط±ط¨ظ‰ باش كتمصو مزياان و كتجي طبقة مخلطة بالمربى و رطبة
منين تبرد نقطعها بموس ماضي نهبط هبطة وحدة بالموس

و بالصحة و الراحة

pg,m hg;,; , hglvfn