حرشة معمرة بالشكلاط السوداء بالصور و التفاصيل من كوزينتي دائما

oum hedayah
بتاريخه

السلام عليكم ورحمة الله وبركاته

ان شاء الله تعجبكم هاد الوصفة
انا من محبي الحرشة لانها ساهلة و ناجحة
و الاهم سريعة التحضير و لذيذة
و كل مرة كنحاول ننوع فيها حسب المتوفر عندي

هاد المرة غنقدمها ليكم بنكهة و حشوة الشكلاطة ط§ظ„ط³ظˆط¯ط§ط،

نخليكم مع المقادير و الطريقة

المقادير:

500 g غرام سميدة الحرشة

ملعقة صغيرة ملح،

ملعقة كبيرة سكر

رأس ملعقة خميرة الخبز،

روح الڤانيلا غبرة (او اي منسمات غذائية كتفضلو)
قطرات من روح الكاكاو او سيرو بنكهة الشكلاطة
خميرة حلوى ،
فنجان حليب بودرة
فنجان زيت
1/4 لتر ماء / كاس ديال عنبة
(ممكن إضافة الماء اكثر حسب جودة الدقيق المستعمل)

للحشوه او العمارة

شكلاطة سوداء ( 85 % او اكثر كاكاو ) حسب الذوق

الطريقة :

في إناء نخلطو المقادير الناشفة بالتتابع

كيف مبين فالصور

500 غرام سميدة الحرشة
+ ملعقة صغيرة ملح
+ ملعقة كبيرة سكر
+ رأس ملعقة خميرة الخبز
+خميرة حلوى بودرة
+ روح الڤانيلا غبرة
+فنجان حليب

نخلطو كلشي النواشف مزايان و نضيفو الزيت

و نفتلوها

كيف تانفتلو الكسكس او البات بريزي حتا تشرب الزيت

ثم نضيفو4/1 لتر ماء ونعجنو السميد

و نضيفو ليه ايضا قطرات من روح الكاكاو او سيرو بنكهة الشكلاطة

ونخلطو مزيان حتا نحصلو على خليط رخو

و متماسك فنفس الوقت

(ممكن إضافة الماء اكثر حسب جودة الدقيق المستعمل)

و نخليوها ترتاح شوية

3 او 5 دقائق

و بعد موجدت الشكلاط الاسود و قطعتو لقطع صغيرة قابلة للحشو
قسمت العجين الى كويرات بقياس المشمشة الكبيرة

و بديت كنحشيها بالشلاطة

كنحط قطع الشكلاطة وسط الكرة المبسطة

و كنعاود نسدها و نكورها

كيف مبين فالصور

و بعد منكملو التعمار

نسخنو المقلة (مقلة وجدة الثقيلة افضل)

و كنبداو نمرمدو كويرات الحرشة فالسميدة من كل الجهات

و نڭرصوها كيف مبين فالصورة

و نبداو نطيبو الحريشات ديالنا

على نار مهيلة

حتى يتحمرو و يطيبو على خاطرهم
و يكتاسبو لون ذهبي محمر

التقديم :

نقدموها سخونة اوباردة

بالصحة و الراحة

اتمنى تجربوها و تنال اعجابكم و تكون طريقة جديدة لتقديم الحرشة

ان شاء الله نحط ليكم طرق اخرى لحشو الحرشة و التنويع فيها

اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

---

pvam lulvm fhga;gh’ hgs,]hx fhgw,v , hgjthwdg lk ;,.dkjd ]hzlh

تبارك الله و ماشاء الله عليك حبيبتي amanarre دائما متميزة اختي
ماشاء الله و لا قوة الا بالله
اللهم ادمها نعمة و لا تحرمها من الزوال
فانتظار المزيد من وصفاتك الرائعة اختي
تقبلي مروري

تبارك الله عليك ختي أمنار دائما متألقة
ماشاء الله و لا قوة الا بالله
اللهم ادمها نعمة و لا تحرمها من الزوال
فانتظار المزيد من وصفاتك الرائعة اختي
تقبلي مروري

الله يعطيك الصحة

تبارك الله عليك اختي ام ريان روعة ماشاء الله وكيف عادتك شرح بالتفصيل الله يعطيك العافية ويبارك ليك في اهلك

ما شاء الله عليك اختي الله يجعل ربي يحفظك ويبارك ليك

تبارك الله عليك أختي

الله يعطيك الصحة اختي امنار وصفاتك كلها راءعة

شكرا اختي وصفاتك كلها مميزة تبارك الله عليك الف شكر عالمجهود الكبير لوضع الصور و الكتابة