جوج سلطات باللوبية من مطبخـ سميرة ـي غيييييييييييييييييير عن كل ماتعودي عليه

السلطـة الأولـى :

زلافة اللوبية بيضـاء مسلوقـة .
بصل متوسطة الحجم .
جـزرة متوسطة الحجم .
فلفلة خضراء .
نصف حامضة .
نصف برتقالة .

للتزيين :
بيض مسلوق
موطارد أو خردل
طن ( تونة معلب )

للتثبيل : ملح
بزار
زيت السمسم

ـ منين كنسلقوا اللوبيا البيضة كنبداووا نقطعوا الخضر اللي عندنا على الشكل اللي غيروق لينا ، كتغيير عن التقطيع العادي وبما أن في الوصفة غندير هاد النوع من السمك ( لا كولا ) وهو كيكون بحال الشرائط صغيرة قلت ندير كولشي مقطع طولي ..
ماشي شرط هاد النوع من السمك خصوصاً أنه غالي وأنه مامتوفرش بزاف .. كاين المجمد ماغالي كنصحكم بيه اللي لقاتوا ..
ولى ديري في بلاصتوا مثلا الطون المعلب أو الكروفيط كيجي غزال مع كروفيط ..
ـ المهم كنقطع البصلة نصفين وكنزول ليها اللب ( حيت هو اللي كيعطيها داك المذاق المجهد بحال في الثومة ) ومن الأحسن نستعمل البصلة الحمرا
أو اللي كتكون هدا وردية اللون كتكون حلوة أو البصلة الخضارة .
كنقطع كل نصف إلى شرائح رقيقة ( شنانف ) طولية .

ـ الجزرة قطعتها بموس اللي كيخرج جوليان . لماكنش عندك حكيها بالجيهة الغليضة في الحكاكة .

ـ وقطعت الفلفلة على جوج على الطول ومن بعد شنانف على العرض .

وهاهي في الصورة الخضر وهي مقطعة كاملة .

ـ كندير الخضر والسمك اللي عندي مع اللوبيا في بول غارق ونزيد عليهم عصير النصف حامضة وعصير النصف ليمونة والملح ولبزار ومعلقة صغيرة ديال زيت الجلجلان ( ماتكثريش منوحيت هو مجهد في المداق ديالو ) ، صافي وحلطي المقادير كاملة عير بشوية باش ماتهرسش لينا اللوبيا ..

ـ من بعد باش غنزوقها : خديت البيض مسلوق وقطعتوا إلى أنصاف ، وحيدت المحاح وخلطهم مع كمية مناسبة من الطون المعلب ولا موطرد
أنا عزيزة علي اللي كيكون فيها حبيبات وممن تديري المايونيز وتستغني عن لا موطارد ..
جمعت مزيان المقادير وعملت منها كويرات على قد البلاصة ديال المح ديال البيض وعمرت بيه البياض . على شكل كيف كنديروا لللبيض ميموزا
وزوقت بيه الطبق النهائي وفوق كل وحيدة ممكن تحطي طرف ديال الزيتون أو وريقة ديال المعدنوس .

السلطة الثـانية :

لوبيا حمرا
بصل
طماطم
خيار ( أو فقوس )
فلفلة خضراء وفلفلة حمرا
عصير الحامض ( نصف حامضة )
قزبور طري

للتزيين : مثلا خيار مخلل ، باربـة مسلوقـة ( بيطراڤ )

كنقطع الخضر اللي عندي كلهـا مكعبات صغيـرة متساوة الحجم ( أنا عندي هاد الضريفة اللي سي الصورة كتقطعهم بلا تقول لا وبسرعة رهيبة ههههه وحتى مطيسة كتقطعها بلا تقضي عليها حيت موسها ماضي بزاف
هادي ديال نايسر دايسر ولكن ماداسراس مسكينـة اللي جبتيها ليها تقطعها هههه )

المهم كنقطع القزبور حتى هو ( أنا هاد المرة مادرتوش كان غدي ياكل معانا شي حد ماكياكلوش )
كنزيد الكل مع اللوبيا الحمرا اللي مسلوقـة من قبل وخليناها حتى تبرد مزيان وتانعودوا نغسلوها بالما عاد كنضيف ليها الخضر ونعصر عليها
الحامض وندير الملح والبزاروالخل وزيت العود ونخليها على جنب .
منين نبغي نقدمها كنحيد الما اللي كيخرج منها ديال داك الزيت والحامض والخل . ونديرها في طبسيل ديال تقديم ونزينها كيفما حبيت .
اليوم زوقتها بباربا قطعتها بقطاعة ديال الحلوى على شكل قليبات .
وفي الوسط درت ماطيشـة مقطعة طولية وعليها وريقات ديال القزبور .
وشدت مخلل الخيـار وكنقطعوا على الطول بلاما كنقطع حتال الآخر باش كيبقى شاد وكنضغط ط¹ظ„ظٹظ‡ وكنحلوا كيجي بحال صبيعات .
وكيبقى هاد الزواق كل واحد واش بغى يدير لكم حرية الإبداع .

وبذكر الإبداع منين بقات لي الباربا قلت حرام دابا وكيف غندير نرمي نعمة الله … لا ماجتش وحرام .. ونا نلقى ليها تخريجا ..

جبدت شوية ديال الجبن ديال الدهن ( فيلاديلفيا ) وزدت ط¹ظ„ظٹظ‡ الخيار مخلل مقطع مكعبات صغيرة جداً وشوية الزعتر وخلطتهم مزيان وعمرت بيهم
الجزء اللي تقطع ديال القلب ( داك الخوا اللي بقى ) وحيدت الحواف مزيان وجا قلب معمر هههههه
وباش ندير قليبات حتى ديال الطماطم داك الشنانف ماكنقدوهمش طوليا كينخليوهم مدوريه كيف هي طبيعتهم ونقاد نصف مع نصف وكيجي بحالا قلب وحتى كنحطوا في الطبق اللي غنزوقا بيه عاد عمرت ط¹ظ„ظٹظ‡ بالجبن المنسم . وممكن تديري نفس الشي مع لافوكا ..

وسمك لا كولا *

* هو نوع من الأسماك اللي كيكون قليل في العالم وهو لا لون له ولكن مني كيطيب كيولي بيض هنا في إسبانيا يتراوح سعره بين ال800 أو حتال الألف للكيلو الواحد .. آآيه ههههه
هنا أنا ستعملت فقط المعلب لأن ثمنه معقول .. وممكن الإستغناء عنه ..