السلام عليكم ورحمة الله تعالى وبركاته
حبيباتي اليوم وانا كندور فمنتدى العروس
لقيت بزاف ديال المواضيع والتجمعات اللي اكيييييد فادت بزاف ديال البنات اللي كيوجدو لعرسهم وانا وحدة منهم مكنت عارفا يديا من رجليا فهادشي هههه 
ولكن الحمد لله بفضل الاخوات بديت نديباني راسي
اليوم ڭاليا راسي علاش منفتحش طھط¬ظ…ط¹ خاص بالتوجاد للعرس ولكن ماشي الدهاز والحوايج حيت تبارك الله المنتدى عامر بيهم .. بغيت نديرو يد في يد باش ط§ظ„ط¹ط±ط³ نكونو موجدين لنهارو من كلشي .. دابا نشرح ليكم كيفاش :
كل وحدة بغات تشارك غتجيب اجوندا ولا دفتار صغير خاوي وستيلو وغتخصو لهادشي اللي غنكتبوه في التجمع.. غتڭولولي باقي مفهمنا والو ههه
اوا تسناو عليا غير بلاتي 
كل وحدة غتبدا تكتب هنا في التجمع
* الاسم :
* المدينة (اللي غيدار فيها العرس) :
* تاريخ الخطبة ، ضريب الصداق ، ط§ظ„ط¹ط±ط³ :
ودابا غنبداو كل وحدة وجدت شي حاجة فهادشي تكتبولينا باش كلشي ياخد فكرة ونستافدو :
* القاعة :(كتبي القاعات اللي غتسولي فيهم وديري المعلومات اللي عطاوك عليهم كالثمن مثلا )
* النڭافة : الاسم ديالها والمعلومات والثمن
* الكوافورة : اللي غديرلك شعرك وحتى المختصة في الماكياج والنطواياج ونزع الشعر
* ا لطريطور : الاسم وبشحال حسبليك الطبلة وشنو الاطباق اللي غيديرلك
*مخالف
* الفوتوغراف : الاسم والثمن
* الطيافر : شنو غديري فيهم وبشحال غتكريهم ومنين
* واخيرا ليلة الدخلة : فين غتدوزي ليلة العسل مع حبيب القلب 
هادشي كامل غتكتبيه هنا وغتنقليه في الاجوند ديالك مع اصغر التفاصيل وتبقى عندك باش اي وقت تحتاجيها تلقايها
درت ليكم عقوبة هههههه
ولكن تيقوني الكل غدي يستافد .. والا نسيت شي حاجة ڭولوهالي باش نضيفها ومرحبا بيكم فهاد التجمع
j[lu : "d] td] pjn k,wg, gkihv hguvs fk[hp "
* الاسم : صوفيا
* المدينة : سلا
* تاريخ الخطبة : 07/04/2019
* تاريخ العقد : 07/09/2019
* تاريخ العرس : 00/08/2019 باقي محددنا النهار بالضبط
* القاعة : شفت قاعة هبة اللي فحي شماعو.. بالنسبة للثمن شهر (2) بمليون و 20; شهر (4) بمليون و 60 ;اما شهر (8) بمليون ونصف. ومزال غنشوف قاعات خرين ان شاء الله
* النڭافة : مزال مشفتش وباغا شي وحدة اللي كتصايب الحجاب زوين ماشي داك اللي كيجي مزير على الراس وكيبين الوجه غليض
* الكوافورة/الماكياج : بالنسبة للماكياج انا شفت غزلان مڭوار اللي كدوز فصباحيات 2M هي كتصايب ب 3000 درهم فكازا ولكن مع déplacement غتكون اكتر
* الطريطور : اسامة من قنيطرة هو صاحب الواليد ودار معانا 2500 درهم للطابلةفيها بسطيلة ديال الحوت الكوكلي الديسير طارط ڭلاصي والمملحات والحلاوي والعصير
* الموسيقى : باقا مقلبتش الصراحة
* المصور : حتى هو مزال
* الطيافر : غناخدهم من المنال فيها داكشي زوين وغنزوقهم راسي والثمن لعريس اللي غيخلصهم ولكن يمكن بين 1000 و 1500 درهم
* ليلة الدخلة : حاليا كنڭولو دارنا ان شاء الله والغد غنسافرو
هادا جهدي عليكم واي استفسار انا في الخدمة يالله حيدو لعڭز وبداو تكتبو وبلا مطلو وتهربو رانا عارفاكم ههه
المشاركة الأصلية كتبت بواسطة laaaila 
مرحبا بيك ليلى الله يكمل عليك بالخير وماشي مشكيل هاحنا كنستافدو ونهار تحدي la date غتلقاي معلومات تفيدك ان شاء الله
انت مخطوبة اولا كتبتي العقد ؟
المشاركة الأصلية كتبت بواسطة sofia sweet انت مخطوبة اولا كتبتي العقد ؟
آمين حبيبة,أنا مخطوبة،16/02/2019
المشاركة الأصلية كتبت بواسطة sofia sweet هاد لأنيقاتبانو ليا معكاااااازات مفيهم لي حتى يفكر
كاين شي توجاد ولا كتسناي حتى تعرفي وقت العرس عاد تبداي؟؟
المشاركة الأصلية كتبت بواسطة laaaila ههههه هنتي تشوفي واقيلا خافو من الكتابة وبلا متكتبو غير دخلو نهدرو شوية ههه