السلام عليكم ورحمة الله وبركاته
جربت الشوارما او نجحة لي التجربة
او قلت ندرجه ليكم لتعم الفائدة
لكن اخواتي تودرلي الرابط
نوعدكم انني نوجدو او ندرجو لانيقاتي
j[vfjd hgkh[pm ga,hvlh
[b]المقادير:
صدر ديال الدجاج حسب عدد الاشخاص
يغورت طبيعي
شوية قعقلة منزوعة القشرة او مدقوقة
شوية الكوزة محكوكة
ملح ابزار
القزبور اليابس
معلقة كبير مركز الطماطم
او خلط الكل او خليتو اترقد
قد ماترقد وقت طويل كان احسن
قبل مايطيب ظفت طرفات ديال الشحمة ديال الكلوي خلتها طراف كبار باش نحيدها ملي تطيب
او طيبت الكل في مقلاة او خليتو حتى نشف مزيان
نجو الى الخبز
3 كاس الفرص
1 كاس الفينو
ملح او خميرة + 2 معالق ديال الزيت الرومية
الماء دافئ
خلطي الكل
او خليه اخمر مزيان
العجينة تكون مطلوقة او كتجبد بحال لاستيك
او عنلها قرصات صغار
او طلقها بالمدك
او خليه يخمر مزيان على الاقل ساعة
او طيبيه تكوني حداه حيث دغيا كيطيب
التقديم
الخص مفرش
الخيار قطع
البصلة رقيقة
الخيار الصغير
الزيتون اسود
البطاطيس مقلية
الا كان شي استفسار انا في الخدمة
تم التقييم
صلصة نسيت محطيت المقادير ديالها
ياغورت طبيعي+معلقة صغيرة الموطارد+شوية عصير الحامض+ملح وابزار+المعدنوس مفروم
هاهو الرابط وبصحتك اختي ماللي عجباتك
احسن تقييم و5 نجمات