اليوم جربت واحد الكيكة ديال ط·ظپط§ظ„ جات روعة ف المداق والشكل ما نعرف كيفاش نوصف ليكم كاتجي ط¨طط§ظ„ ميرندينا كنشكر مولات الوصفة الي دوزاتها ف اللقاء المفتوح الله يفتح عليها نخليكم مع الصور
هد لصقتها بكريمة
وهد بالكونفتير
شتو كيكتجي رطبة عرفتي ملي تصوبوها ماغديش تستغناو عليها جربوها راه ساهلة
j[vffjd hgkh[pm g;d;m ‘thg >>>>>>>>>>fphg lvk]dkh fhgw,v fphg j[vfjfd
جات غزالة تباركلاه عليك
وشكرا.
2بيضات
12 معلقة كبيرةسنيدة
13 معلقة ك طحين ماعامراش بزاف مامسوحة
12معلقة ك عصير البرتقال
10معالق ك زيت
2خمارات
يطرب البيض في الخلاط الكهرباءىثم باقي المقادير والاخير الدقيق والخمارات نضرب الكل في الخلاط ناخد2 مقلاة ديال طيفال ( انا ديالي فيها تقريبا 20 سنتم فالقطرديالها) صغارندهنوهم غييير شوي بالزيت
نصب كاس العنبة من الخليط في المقلة الاولىنغطيوها ولابلاش المهم العافية كتكون مهيلة باش ماتحرقش مني تطيب تقلب في المقلة الثانية ولكن ماتقلبيها حتى تاكدي بلي مالصقاش ف المقلة ولهادا خصك تستعملي شي (سباتول) بالة الي تساعدك باش تحيدي الكيكة غير بشوي
ملي طيب من لتحت غادي تحمر مزيان من الجناب ولكن خليوها تشد راسها عادقلبوها ماتخافوش ماغاديش تحرق تقريبا كاتجيب 10دقائق او 8 المهم ماتقلبيهاش قبل ماتشد راسها باش ماتحرقشي لان كتكون رخوة وهشيشة
ملي تاكدي بلي تحيدات غدي تقلبي عليها شي مقلة اخرى( فنفس الحجم ولا ماكنتش ماعليش وخا كبيرة لان غير غادي تقلبي فيها)وتقلبيها
وتخليها تحمر واحد شوي صافي ترجعي للمقلة الاولى الصغيرة
غادي تمسحيها شوي ب كلينكس لان كيلصق فيها شوي العجين وتدهنيها غير بشوي دالزيت ماشي بزاف غير بالشيتة وتكبي عاود واحد كاس د العنبة د العجين وهكدا الى اخر العجين هاد المقادير غا دير ليكم 4 دكيكات كل 2 تلصقوهم ننصحكم تجربو نصف المقادير لان الطياب ديالها كيبغي تجربة انا فالمرة الاولى فاش جربتها كاع تهرسات ليا حيت قلبتها وهي لاصقة ف المقلة ولكن وخا هاكاك حمرت الطروفا ورقعتهم:):):) ولكن فالمرة التانية جات مزيان
على فكرة فالمرة الاولىدرت 12 م سنيدة جاتني حلوة بزاف وف التانية درت غير 10
نتمنى ان نكون شرحت ليكم مزيان اختي حسناء وجميع الاخوات
سمحوليا كانت الكتبة صغيرة ورديت مرة اخرى ولكن لقيت التعديل
12 معلقة كبيرةسنيدة
13 معلقة ك طحين ماعامراش بزاف مامسوحة
12معلقة ك عصير البرتقال
10معالق ك زيت
2خمارات
يطرب البض في الخلاط الكهرباءىثم باقي المقادير والاخير الدقيق والخمارات نضرب الكل في الخلاط ناخد2 مقلاة ديال طيفال ( انا ديالي فيها تقريبا 20 سنتم) صغارندهنوهم غييير شوي بالزيت
نصب كاس العنبة من الخليط في المقلة الاولىنغطيوها ولابلاش المهم العافية كتكون مهيلة باش ماتحرقش مني تطيب تقلب في المقلة الثانية ولكن ماتقلبيها حتى تاكدي بلي مالسقاش ف المقلة ولهادا خصك تستعملي شي (سباتول) بالة الي تساعدك باش تحيدي الكيكة غير بشوي
ملي طيب من لتحت غادي تحمر مزيان من الجناب ولكن خليوها تشد راسها عادقلبوها ماتخافوش ماغاديش تحرق تقريبا كاتجيب 10دقائق او 8 المهم ماتقلبيهاش قبل ماتشد راسها باش ماتهرش لان كتكون رخوة وهشيشة
ملي تاكدي بلي تحيدات غدي تقلبي عليها شي مقلة اخرى فنفس الحجم ولا ماكنتش ماعليش وخا كبيرة لان غير غادي تقلبي فيها
وتخليها تحمر واحد شوي صافي ترجعي المقلة الاولى الصغيرة
غادي تمسحيها شوي ب كلينكس لان كيلصق فيها شوي العجين وتدهنيها غير بشوي دالزيت ماشي بزاف غير بالشيتة وتكبي عاود واحد كاس د العنبة د العجين وهكدا الى اخر العجين هاد المقادير غا دير ليكم 4 دكيكات كل 2 تلصقوهم ننصحكم تجربو نصف المقادير لان الطياب ديالها كيبغي تجربة انا فالمرة الاولى فاش جربتها كاع تهرسات ليا حيت قلبتها وهي لاصقة ف المقلة ولكن وخا هاكاك همرت الطروفا ورقعتهمولكن فالمرة التانية جات مزيان
على فكرة فالمرة الاولىدرت 12 م سنيدة جاتني حلوة بزاف وف التانية درت غير 10
نتمنى ان نكون شرحت ليكم مزيان
