هذه اول مشاركة لي و اتمنى تنال اعجابكم
بيني و بينكم خاصها تعجبكم حيت اللي كيدوقها كتعجبوا
بالنسبة للصور خرجوا ما واضحينش المرة الجاية ان شاء الله نززل بالصور
الا شجعتوني
بسم الله نبداو:
زلافة الدقيق مغربل + 5 ملاعق كبار زيت الزيتون + معلقة كبيرة زبدة + ملح + شوية سنيدة + ابزار + زعتر محكوك +بيضة + نصف خمارة حمراء.
نجمعوا الخليط مزيان و ندلكو العجين، نديروا العجينة في بلاستيك غدائي و ندخلوها للثلاجة بين 10 و 15 دقيقة. من بعد ما نخرجوها نديروها في الطاوة و ندخلوها للفرن تطيب قبل ما نديروا فيها الحشوة 
في هاد الوقيتة نحضروا الحشوة
3 مطيشات كبار + فلفلة حلوة كبيرة + بصلة صغيورة الكل مقطع مربعات نديرهم يطيبوا مع شوية الزيت + الملح + ابزار + تحميرة + معلقة مطيشة الحك + زيتون مقطع + الزعتر محكوك + ورقة سيدنا موسى. من بعد ما يطيب الكل نضيف 2 علب الطون ديال مطيشة نجركوا مزيان و نخويو الخليط على العجينة و ندخلوها للفرن 10 دقائق لتنضج.
و بالصحة و الراحة
كتجي مقرمشة و لذيذة
متنساوش الردود واخا غي تجاملوني ههههههههههههههه
fdj.h fhg’,k
المرة الجاية نشوفو الصور ان شاء الله
جزاك الله كل خير
أخواتي ممنوع الكتابة بالعرنسية
استعملن لوحة المفاتيح العربية
https://www.anaqamaghribia.com/arabic