بغيت نشارككم مخيداتي الصغار مزينين بالوريدات

بواسطة السيدة أم رامي
18 يوليو، 2023

تبت من طرف سمراء النيل بتاريخه صباح الخير انيقاتي الحادكات اللي كنتعلمو منهم كل يوم اليوم جبت ليكم المخيدات ط§ظ„طµط؛ط§ط± دياولي اللي صوبتهم للسيجور ديالي بالنسبة للمخيدات راه باينة الخدمة ديالهم 40/40 سنتم غادي نوريكم طريقة عمل دوك الوريدات اللي هما من نفس ثوب المخيدات كما هو موضح من خلال الصور كناخدو قطعة من الثوب مستطيلة كما في الصورة الاولى على قياس الوردة اللي بغينا نصوبوها نطويو قطعة الثوب على 2 بالطول ثم ناخدو الابرة ونعمل غرزات غير مثبتة حتى نكملو طول القطعة ثم نجرو الخيط اللي خيطنا بيه باش يتكرش لينا الثوب ونحصلو على شكل وردة ثم نغرز الجناب ديالها باش تطرق كلها من بعد في وسط الوردة نعملو شي صدفة مغلفة بالثوب، انا ماكانوش عندي الصدايف مغلفين ديبانيت وعمرت الثوب بشوية اللواط كما في الصور الموالية نتمنى المخيدات ديالي المتواضعين ينالو اعجابكم