تبث في 23/08/2019 bent bladi السلام عليكم ورمضان مبارك سعيد يارب يتقبل منا في هده الايام المباركة ويبلغنا ليلة القدر امين يارب 
اليوم كنت تنعمل البغرير وماكايناش عندي السميد وانا نعملوا بدقيق الفينو وطلع بحال ديال السميد وخفيف عليه على فكرة مرة مرة تنديروا ط¨ط§ظ„ظپظٹظ†ظˆ عوض السميد دغيا تيطحن وتينسجم قل من السميد المقادير رابعة دقيق قمح فينو الى تيشبه لسميد 2 م ك دقيق فورص م ص سكر ما عمراش ملح شوية زعفران الى تيبغى لون اصفر انا لم استعمله نصف لتر ماء دافئ مص خميرة حبوب 2خمارات حمرين الطريقة تنخلط جميع العناصر في اناء ماعادا الخمارات تم تنسكبهم في مولينكس وتنطحنوا مزيان شى 5د اواكتر في الحقيقة انا ماتنحسبش الوقت تنهز شوية الخليط بملعقة وتنمسوا بيدى اللالقيتوا محبب حبيبات ديال الدقيق اوديال السميدالى عملتوا بها تنعرف خصني نزيد نطحنوا حتى يولي كلوابحال الى خلطي الفورص معا الماء يعني ما يبقاش فيه دوك الحبيبات صغورين عاد ديك الساعة ضيفي الخمارات يتخلطوا شوية فقط وتنخويه في بانيو ونخليه يخمر غير شى ربع اوتلت ساعة واحيانا تنطيبوا ديك الساعة ولكن النتيجة تتكون احسن الى خليتيه شوية يخمر ماشى بزاف تنسخن المقلاة وتنهزها عندي وتنكب فيها مغرفة ديال الخليط وتنطيبها على عافية تقريبا قوية شوية هد المرحلة ديال الخلط ماصورتها لان ماكنت غنحط الموضوع ومنين بديت تنطيب تفكرت واحد الاخت حطت الطلب في قسم الطلبات وقلت علاش ما نحط الموضوع 
[IMG] 
[/IMG] منين تنسالي من المقلاة تنمسحها بمنديل ماتنغسلهاش وتنقلبها ونخليهاحتى تبرد ونردها بلاصتها 
ملاحضات مهمة هد المقادير تنعملهم بدقيق فينو اوعوض الفينو السميد رقيق غير هو ديال السميد تيخد وقت كبير في الطحين لكي ينسحم وهدا ديال الفينوتيكون ط®ظپظٹظپ عليه الى بغيتي البغرير يطلع ليك ضروري طحنيه مزيان ومدة طويلة حتى يولي بحال الى خلطي الفورص مع الماء يعني مايبقاوش دوك الحبيبات ديال السميد ااضافة الى الطحن الجيد لابد من المقلاة تكون زوينة تنصحكم ب لاماكاو ما غلياش بحال طيفال هدك اناشريته ب 30درهم والمتوسطة ديالها 70 درهم لان نفس العبار تنديرو في مقلاة عندي قديمة وماتيطلعش المقلاة ما تبقايش تغسليها كل ساعة يكفي انك منين تبغي تكبي ترفعيها عندك وتكبي مغرفة ودوري المقلاة بشكل دائري باش الخليط يسرح فيها العافية ماخصهاش تكون ناقصة انا كنطيب على عافية قوية المقلاة منين تسالي منها قلبيها بلا ماتغسليها لانها تدير ديك البواقة في الوسط الى تغسلات وهي سخونة تنتمنى نفيدكم ولو بالقليل هد النصائح ناتجة عن عدة محاولات قمت بها يعني هدو هما الاخطاء الى استفدت منهم اسمحوا لي الى طولت عليكم ولكن اي حاجة عرفتها تنقولهالكم عزيزاتي لاننى استفدت الكتير ولا زلت اتعلم منكن فجزاكن الله خير الجزاء
fyvdv otdt fhgtdk,
تبارك الله عليك اختي
تبارك الله جاوك غزالين تبارك الله عليك
الله يرزقك الفردوس الاعلى شكرا على النصائح
تبارك الله عليك اختي و شكرا على النصائح
اؤكد مكونات هذه الوصفة و النصائح كتعطي بغرير رائع. انا عندي نفس المقادير لكن بدون زعفران. بالنسبة لخميرة الحلوى, ما عندناش هنا, انا كندير 1 مع ص Baking powder طبعا بالاضافة الخميرة الخبز حبوب1 مع ص كما جاء في الوصفة. سر نجاح هدا البغرير: 1 الخلط الجيد بالمولينكس-بالنسبة الي 5-8 دقائق كنحسبها. 2 ملعقتين كبار دقيق فورص-لان كنت كنستعمل نفس الوصفة بدون فرص كان البغرير كاي جي مزيان ولكن من بعد رجعت نضيف 2 م ك دقيق فورص, البغريراصبح اروع 3- المقلاة.
تبارك الله عليك اختي الله يعطيك الصحة
شكرا الله يحفظك
تبارك الله عليك فعلا تيجي غزال حتى اناعملتو مكانتش عندي السميدة عطتني الوصفة واحد الأخت الله يكتر خيرها من تم مكنعمل غير هو كتيرشي إلا دهنتيه بالزبدة و العسل تيجي يا سلام