السلام عليكم ورحمة الله وبركاتة عواشركم مباركة حبوباتي ان شاء الله كلكم بخير و الله يكتب لينا فهاد الايام المباركة نيل رحمته و غفرانه و العتق من النار كفانا الله و اياكم حرها ان شاء الله اشاركم ببعض ظ…ظˆط§ط¦ط¯ظٹ للافطار في هذا ط§ظ„ط´ظ‡ط± الكريم للعلم فقط اغلب الاكل كنكون مجهزاه مسبقا قبل دخول رمضان المعظم (بريوات، بسيطلات، نيم، محينشات، شوصون، طرطات، بطبوط,تورتيلا , ڭلاص ، فلان ، ديسير …) و كيكون الفطور مكون من حاجات خفيفة (ديسير ، سلطة ، شربة…) باش كيدوز رمضان على احسن وجه صحيا و دينيا بإذنه تعالى و رمضان من احب الشهور على قلبي الانه كله نظام و ترتيب و بركة فالوقت و المجهود ، شقاه قليل ، و اكلو فالوقت بالقياس بلا تغلاق و وجباتنا الاساسية في رمضان هي 2 و جبات فقط لا غير فطور و سحور لا زيادة و لانقصان السحور قبل اذان الفجر طبعا ماشي السحور ديال 12 او 2 ديال اليل (يعني الاكل كيكون خفيف ظريف و الاهم عندي هو التنويع و اكل الخضر والفاكهة لتعويض يوم الصيام) لان فشهرالصيام الهدف اختبار احساس المحروم من نعم الله (اللهم لك الحمد و الشكر على نعمك الكثيرة اللتي لا تحصى و لا تعاد) ان كان نعم خيرات الارض من اكل و شرب او من نعمة الصحة ( الناس للي عندهم امراض مزمنة تمنعم من اكل كل ما اشتهت انفسهم ) هاذوك الناس كنحسو بيهم و كنختابرو حرمانهم و هذا الاهدف الانبل تقريب قلوب المسلمين و ادراك نعم الله علينا اضافة الى اننا فالايام العادية كنتعشاو بعد اذان المغرب و قبل اذان العشاء يعني بين الساعة 7 مساءا و الساعة 8 مساءا فولفنا طول السنة ناكلو بكري و نعسو بمعدة خفيفة لتفادي المشاكل الصحية للي كتنتج مع الوقت عن الاكل فأوقات متاخرة و رمضان مكيتبدل علينا والو لله الحمد المهم كيف العادة طوت عليكم فالكلام (الطبع يغلب التطبع : ) ) ايامي ط§ظ„ط±ظ…ط¶ط§ظ†ظٹط© تختلف من يوم اليوم كل يوم و رزقو و هاذي صور لبعض ظ…ظˆط§ط¦ط¯ظٹ لهذا ط§ظ„ط´ظ‡ط± الفضيل مائدة الفطور 
هنا كان رزق اليوم تمر ماء حليب حسوة الشعير بالحليب و ارڭان طرطة البطاطة بالكفتة و الدنجال و المطيشة و كريمة الفطر سلطة باربا و بطاطة عصير الليمون الخوخ فلان الحامض طبق فواكه مشكل 
هنا كان رزق اليوم تمر ماء حسوة السميدة بالحليب و ارڭان پيتزا بفواكه البحر و الفلفلة و مطيشة و الزيتون و 4 فرماج و الزعتر سلطة البطاطة بالفلفلة مشوية و البصلة و ارڭان فلان 4 نكهات و طبقات بالبنان و الخوخ و العنب و كراميل و الڭوفريت طبق فواكه مشكل 
هنا كان رزق اليوم تمر ماء شربة كريمة الحمص بالكريم فريش و المعدنوس و الحامض خضر(بطاطة ، خيزو، حمص، فلفلة) مشرملة مرفقة بالسيمپيا مشرملة فصلصة المطيشة بارڭان عصير البنان بالعنب الابيض و الكوك طبق فواكه مشكل 
هنا كان رزق اليوم تمر ماء شربة خيزو بالحمص و الكرافص بريوات بالكفتة و المخللات و الجبن مرفقة بخيزو مشرمل و الخص سلطة طبقات الطبقة الاولى مطيشةو البصلة و الخيار و فوقها شرائح الباربة طبق فواكه مشكل 
هنا كان رزق اليوم تمر حليب بارد ماء حسوة شربناها قبل منصور ههههه خبز عربي محشي بشاورما … سلطة باربا و خيزو و مطيشة عصير التفاح باللوز و التمر و الليمون بغرير بالعسل و الزبدة كاس كابوتشينو طبق فواكه مشكل 
هنا كان رزق اليوم تمر ماء شربة كفتة و شومبينيون اسود و كرافص و كريمة الفطر بالشعرية الصينية لازانيا كفتة و 4 فرماج سلطة باربا و خيزو عصير حامض مرغوي طبق فواكه مشكل اما مائدة السحور 
فالاساسي فيها هو خبز البطبوط بالشعير مسقي بزيت الزيتون و العسل الحر و بريريد مشحر و منعنع لتقليل العطش بيض مسلوق (نصف سلقة اش ميكونش ثقيل) مع الملح و الكامون فلان و ديسير فواكه حسب المتوفر عصير و ماء جبن و فرماج او مرتديلا للي بغا يدهن بيه البطبوط بدل الزيت حليب بارد و تمر لاتمام السحور و هنا صور لبعض ما حظرته قبل دخول رمضان لربح الوقت و المجهود و التركيز على اهم شيء في رمضان بدل مندوز نهاري فالكوزينة و تفوتني فرصة التقرب الى الله و الطمع في عفوه فشهر القران و الغفران و العتق من النيران كنحضر الخضر المسلوقة تكفيني ليومين او 3 للسلطات لربح الوقت 
و كذلك الفلان بعدة نكهات 
و كذلك الڭلاص و بالنسبة للمورقات و المحاشي حظرت الكمية للي تكفيني رمضان كلو ان شاء الله 
بريوات بسيطلات نيم و سيڭار محينشات … منوعة الحشوات بطبوط و تورتيلا من كل الاحجام 
و كنوجد عجينة الطرطات المالحة و الحلوة 
و عجينة المعجنات و نجمدها و كل حجة كنستفها فالفريڭو 
بعد منكون كتبت عليها اشنو هيا لتفادي الخلط 
و الخضر المسلوقة و الديسير و الفلان المجهز كنحفظها فالثلاجة لحين التقديم كيف قلت ان شاء الله نحط الوصفات بشكل مفصل كيف العادة بعد رمضان المبارك لمما تتاح لي الفرصة غير دعيو معي ربي يبارك لي فوقتي و يقدرني نحط ليكم كل جديد و مفيد بإذنه تعالى و متحرمونيش من دعواتكم الطيبة يا طيبات اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد اللهم ادمها نعمة و بارك لنا فيها و اكتب لي بها حسنة طيبة و احفظها من الزوال اللهم اجعلنا ممن وفق في رمضــان لصيامه وقيامه و نيل عفوك و رضاك برحمتك يا ارحم الرحمين الله يرزقنا و إياكم خيرات الدارين و لا يحرمنا من طيبات الجنة و نعيمها دمتن في رعاية الكريم اختكن أمنــار أم ريـَّــان وعليكم السلام ورحمة الله وبركاته
fuq l,hz]d hgvlqhkdm td i`h hgaiv hg;vdl fhgw,v Y`h
تبارك الله على الحادكة. موائد رائعة كتجمع بين البساطة اللدة و الصحة. ماعندي ما نقول الله يحفظك راكي متولة و منظمة شغلك. و عندك الحق فكلامك كلو كنتمنى الكل يستافد منك. الله يسر امورك و يجعلك من اهل الجنة يارب. ملاحظة . راه شي حوايج فموضوعك معاودين خاص يتمسحو اعانك الله اختي
تبارك الله عليك الله إعطيك الصحة
ما شاء الله بارك الله الله يعطيك الصحة عطيني غي شوية من ديك الحداكة
تبارك الله على الحادكة, الله يحفظك ,والله يسر امورك و يجعلك من اهل الجنة يارب
الله يحفطك وينجيكم ويديمها نعمة ويحفظها من الزوال اااااااااااااااااااااااااااااامين
تبارك الله عليك يا اختي الله يديمها نعمة و يحفظها من الزوال بنادم فاش يكون قليل في الدار ممكن يعمل بزاف الحوايج بالخصوص الا كانت يده بوحده غادي ينوض و يزعم ايوه الله يعطيك الصحة كلشي متول و غزال
الله يعطيك الصحة فكرة الفلان جديدة بالنسبة لي اما المملحات تنخاف يتخلط لي الذوق ما تنزعم نوجدهم قبل الاوجدت تنوجد كرواصة حلوة المسمن البطبوط صغير الحرشة جربتها صدفة ………لكن شكرا لك على الافادة
مممممممممم افولكي الخيراد ادم ايفك ربي الصاحت تبارك الله عليك الزين الغالي الله يرزقك العتق من النار فهاد العشر الاواخر وجميع اللي معنا فهاد المنتدى الطيب
الله يعطيك الصحة وتبارك الله عليك اختيamanarre دائما مميزة