انا خايفة من الولدة الطبيعية

انا دخلت شهري الدكتور قالي ان اشاء الله غتولدي طبيعي .ولكن ط®ط§ظٹظپط© منها واش ط§ظ„ظˆظ„ط¯ط© بالغراز صعيبة و الوجع واش صعيب راني خايفة.كنت كنفضل قيصرية.ساعدني لفات ولدوا.وباش نعرف المخاض.عافكم فسرو لي كلشي لحظة الولادة راني خايفة.

---

hkh ohdtm lk hg,g]m hg’fdudm hg,g[m

أختي الله يفكك على خير.حتى أنا فحالك حامل لأول مرة.معنديش فكرة لكن نتمنالك ولادة يسيرة إن شاء الله.و بشرينا عما قريب

أختي الله يفكك على خير.حتى أنا فحالك حامل لأول مرة.معنديش فكرة

السلام عليكم البنات
متخافو من والو ان شاء الرحمن ادوز كلشي بيخير لبدى من شوية دلوجع ولكن غير تشوفي البيبي تنساي لوجع وكلشي انا ولت بلغراز كيضرو شوية ولكن بنادم ادير دوا فوقت ونقي راسو مزيان ابرا ان شاء الله دغية
ياربي اسهل عليكم الولادة وتفرحو بوليداتكم امين يا ربي
nadasous واش نتي اختي من اكادير

السلام عليكم
انعاود ليك اختي على ولادتي الطبيعية
كنت ناعسا فالليل و درباتني الفيقة لقيت السقية تطرطقات و الماء نازل بزاف تقريبا شي 3 كيسان كبار ديال الماء. مشيت سبيطار ( ملاحظة انا ولدة في فرانسا) الوجع بدا كيتزاد شوية بشوية تقريبا من بعد 2 ساعات تجهد الوجع دارو ليا تحاليل و المونيتور و دخلوني قاعة الولادة بعد تقريبا 3 ساعات
انا فالاول ما كنتش باغا ندير البنج peridurale ولاكين كنت عيانة بزاف ( كنت نهار قبل لولادة شادة الطريق ههه دوزت 3 سوايع و انا سايقة عييت بزاف و ديك السيمانة كنت كنتحرك بزاف فوليت منهكة) فدرت البنج و الحمد لله خفف الالام بزاف و دارو ليا الغراز ما حسيتش بيهم نهائيا
بالنسبة للمدة فانا طرطقات ليا السقية ف 3 دصباح و ولدت مع 11H30
نتمنى نكون فدتك ولو شوية و انشاء الله ماتخافي والو الولادة الطبيعية حسن بزافمن القيصرية اقلها تقدري تمشاي و تحركي مباشرة بعد الولادة ( ههه ما كنتش كانحشم يلاه ساعة باش ولدت و كتلقايني نتسارى فكولوارات سبيطار)

انا اختي من تزنيت ساكنة في الرباط

ام اسامة شكرا على الشرح ديالك الله احفظك وليداتك

اختي ماتخافي والو ديري املك فالله ودعيه وان شاء الله ربي يعاونك كل شي واعر الغراز والقيصرية اصعب منين تتفوتك وقت الولادة راه تتولي تعدبي من بعد بزاف عكس الولادة طبيعية غي تتولدي تتهناي
والغراز ماعلك غير تصبري وكل شي غيفوت

لا شكر على واجب حبيبة
انشاء الله يدوز كلشي بخير باذن الله و يرزقك الله بشي وليد ولا بنيتة غزلان و فكامل الصحة انشاء الله

alhbiba matkhafi walo ohmdi lah anaki ghatwaldi tabi3i
ana ra kant 3ndi 19ans omazala mafahma walo o lkhof o ma3a dalik tmanit nwlad tabi3i chwiya dlwja3 olomour kathoun fach kathazi bebe bin ydik 3ndman mtab3a hta ana kont mtab3a f rabat 3nd ch7tan tmnini 3lik alhbiba o ay soal ana mojoda