لخوتات كل وحدة غدي تولد اول مرة تقول لينا باش كاتحس انا رني خايفة من داك النهار حيت كل وحدة من صحباتي كتقولي حاجة على الوجع و نهار لولادة غير الله يسهل على الجميع يا رب امين ويدير ليفيها الخير يا رب يا رب يا رب
hgn hglrfghj ugn hg,g]m gh,gn lvm hld hg,g[m
راه الوجع بحال الوجع ديال الدورة مضروب10 في يمكن ميجيكش و لكن غادي بروفيكيوه باش تولدي
صراحة تتخلط الاحاسيس الوجع الخوف كترة التفكير في المجهول سبحان الله غير تتفك المرة و تتولد على خير تتنزل عليها السكينة كن تصيب غير تنعس ترتاح ولكن شكون خلاك تنعسي لغوات ديال العيالات اللي مساكن مازال تيتوجعوا كل وحدة وطريقتها فالغوات الله يلطف بيكم و يفككم على خير ما بغيتش نخلعكم ولكن بغيت نعطيكم نضرة بسيطة على يوم الولادة الله يفككم على خير ربي كبير ما تخافوش كتروا من الاستغفار و الادكار و لا تنسوا دكر الله و ادعيوا مع الناس و العزبات يسهل عليهم ربي ويلقاو شي ولد الناس دعيوات الخير راه تيقولو دعوة الموجعة مستجابة سبحان الله
يخفف من الالم
انا بقيت تنغني ==نسييم هبت علبها=كانت بنة خالتي دايرها في بورطابل
خلي والدة او شي واحد تونسي بيه في غرفة الولادةنسسيييت طبيبة ديالي قالتلي منغوتش حيت طاقة غادي تمشي في غوات عوض الدفع
المشاركة الأصلية كتبت بواسطة ملكة الشوق 
حتى أنا كنت خايفة ملي مشيت ندوز قالت ليا الطبيبة انت غدي تولدي دابا ميمكنش ليك تخرجي و بديت نبكي قلت ليها لا أنا غدي نخرج نمشي نجيب حوايجي بزز باش خلاتني وقالت لراجلي إلا وقعات ليها شي حاجة في طريق المسؤولية عليك أنت المهم جيت للدار و كنترعد سبحان الله واحد الخلعة مشيت هزيت القرأن و بديت نقرا في سورة مريم و زوجي كيقول ليا يالله نمشيو هو خايف هو لي جمع ليا حوايجي أنا مقدرتش تصوري راه متغديت ومتعشيت و دخلت للصبيطار مع 10 دليل حتى 3 د صباح عاد ولدت الحمد لله كلشي داز بخير كانو تماك شي عيالات كنهضر معاهم باش ينسيوني في الوجع شوية و الحمد لله واحد القابلة تماك الله يعمرها دار هيا لي ولداتني بوحدها مسكينة هير في ضية الغراز جاوني صعاب ملي كتخيط فيهم لأني مشدش فيا الينج بزاف
أما بالنسبة للنعاس 3 ايام و أنا في صبطار عمر عيني تغمض ماشي بسبب غوات العيالات بالعكس لي جات كتولد دغيا بلا غوات بلا صداع هير صبيطار متقدريش تنعسي فيه واخا بغيتي
هير نصح متغوتيش ملي يجيك الوجع لنه غدي يمشي ليك الجهد كل بسبب الغوات و متقدريش تزحمي ودكري الله بزاف
و الله يفكني على خير و يفكك حتى انت
أنا وياك مفاوتين ب شهر