اخواتي غضحكو علي اذا عرفتو مشكلتي.مشكلتي الخبز مكنعرفش نطيبو فالفران ديال الدار ومحداناش فران د الحومة.عطيوني شي طريقة عفاكم كنعيا نعجن ونقاد الخبز وملي كنطيبو مكيزدقليش.
hgkwdpm lk tqg;k> tqg;k
الا احبيبة اعلاش غنضحكو اعليك . منين تعجني الخبز خليه يخمر او من بعد غدهني صينية دالفران بالزبدة حكيها مزيان فالصينية او رشيها بالطحين او كرصي فيها الخبز ديالك مل يخمر دخلي الصينية فالفران …. او ان شاء الله غدي ايجيك الخبز غزال …. ممكن الا عندك الورق الخاص بالفرن فرشيه غير هو فالصينية او بلا ما دهني او ديري فوقه العجين ….. نتمنى حبيبتي انكون افدتك
الا مصدقش ليك خبز الفران خبزي بطبوطات على المقلة احسن من خبز الزنقة
شكرا اختي انا مشي عنديالمشكل فالعجينة مشكلتي فالطياب مكنعرفش ملي ندخل الخبز واش نشعل الفران لفوق و لتحت ولا غير لتحت فقط.فيدوني عفاكم
ينقل لقسمه
أختي الفران أول حاجة شعليه يسخن مزيان بقد ماسخن أفضل ومنين تبغي ترمي الخبز تكوني مشعلة فقط لتحت وتقبي الخبز منين ترميه وتكون نار مهيلة ومنين يبان ليك طلع الخبز و جمع راسو مزيان شعلي عليه من الفوق وبقاي مرة مرة تدوريه باش يجي اللون ديالو مقاد منين تشعلي عليه من الفوق شوفيه من لتحت إذا بان ليك تحمر طفي عليه من لتحت
شكرا اختي ام سندس ساجرب طريقتك و يا رب تكون النتيجة مزيانة.شكررررررررررررررررررررا اختي .انا تجربتي قليلة ف العجين.ودابا ملي تزوجت لقيت مشكل.
هي اول حاجة سخني الفرن 10 دقائق تم وضعي الخبز في لاطة ودخليه الى الفرن
انا عندي فران كهربائي كنسخن 10 دقائق كنشعل فوق وتحت ونوضع الخبز فيه بعد نصف ساعة كنوجد الخبز طاب من الفوق وتحت