المفروق الوجدي

اخواتي الانيقات الغاليات كيف ما ولفتكم كل مرة نحط ليكم وصفة قديمة من منطقتي الشرقية واليوم بغيت نوريكم ط§ظ„ظ…ظپط±ظˆظ‚ او لمسمن كيف تعلمتو ..اوا وجدو يدياتكم وكتيفاتكم …مشي لعلاوي ههه باش تدلكو لعجينة حتى تبقى تتطرطق وتغني وهدا هو سر من اسرار نجاح هاد النوع ديال لمسمن والاسرار كثيرة طبغا
المقادير
500 طحين القمح
500 فرينة من النوع الجيد حتى هي
ملح
ماء دافء باش نجمعو لعجينة
ممكن ديرو حبيبات رفيعة على حساب راس معلقة ..انا مرات نديرها مرات ننساها
للتوراق

زيت طبعا الكافية
زلافة سميدة
ملعقة كبيرة زبدة
2 خمارات حمراء
شويت زيت
نخلطو سميدة مع المكونات ونبسوها بالزت ط¨ط­ط§ظ„ الا غدي نديرو الحرشة ونخليها جانبا
بعد ما نعجنو العجينة ديال ط§ظ„ظ…ظپط±ظˆظ‚ نخليوها ترتاح 10 دقائق في القصعة ومن بعد نكوروها ونحطو في الزيت ونخليها ترتاح ايضا 10 دقائق لا اكثر ويمن اقل شوية الا كنا مزروبين …غير هي الا ارتاحت مزيان ومتتقطعش ليكم الورقة في الخدمة لان هاد ط§ظ„ظ…ظپط±ظˆظ‚ كبير ويحتاج الانتباه والخفة
انشاء ط§ظ„ظ„ظ‡ الصور غدي تكون تشرح نفسها

بالنسبة للعجينة متكونش مرخوفة انا ندلكها قاسحة ونزيد الماء مرة واحدة فقط

هنا بسبست سميدة

فاش نسرحها اول مرة نرشها بخليط سميدة وكل ما نطوي شي طية نعاود نرش

نرد الاطراف للوسط
انا طويتها على 2 ثم على 4 ثم رديت الاطراف بجوج للوسط عا جمعتها …وبهاد الطريقة غدي يكونو عندنا طبقات بزاف غير خاصهم يكونو رقاق بزاف وندهنوهم مزيان بالزيت ونعاود نرشوهم بخلط سميدة …..

هدا الشكل النهائي نخليها تاخد راحتها

هنا بديت نسرح واحدة تانية وثالثة عاد نطيب باش ياخدو وقتهم ويرتاحو ونقرصهم شوية قبل ما نرميهم في الطاجين او المقلة الوجدية

فاش نسرحوها باش نحطوها في المقلة نرشوها بخليط سميدة راه يساعدنا بزاف ودغيا تتمشى في يدينا ويخليها تجي محمرة
نرش الطاجين وهو سخون بشوية زيت مشي بزاف ..ونبدا نطيب

غدي تلاحظو بلي الوريقات يبانو ويطلعو ويجي مفشفش من الداخل وخفيف

وها النتيجة الا جات على خاطركم

انيقاتي تقبلن مروري وارجو منكم الدعاء من اجل وليداتي وعائلتي

تحياتي

hgltv,r hg,[]d -lslk ;fdv- ghkd gfkjd lslk hggi hgp]h;m hlv hg,pd] hsj,rtkd hkj fphg j,rdu; o,hjhjd v,,,,,,,um ugddddddd; ydv uk]i i]h ,g;k ,vfd ;lh ;hjfyd ;edv