اللي عنها توام تدخل .تجمع امهات التوائم

اخواتي ط§ظ„ظ„ظٹ عندها طھظˆط§ظ… طھط¯ط®ظ„ باش نستافدو من تجارب بعضياتنا كيف ما تتعرفو تربية التوأم تتطلب جهد خاص الله يقدرنا و صافي :)المهم ط§ظ„ظ„ظٹ دخلات تقول لينا السن ديال توامها و المشاكل ط§ظ„ظ„ظٹ تتلاقيها في تربيتهم خصوصا ادا كانت موظفة

---

hggd ukih j,hl j]og >j[lu hlihj hgj,hzl j[lu jkhg

ختي انا متطفلة معنديش توام و لكن دعيو معاي اوليو عندي عزازين عليا بزاف سمحي لي يا اختي على التطفل

انا حلمي يكونو عندي توام بنات و توام اولاد

وخا كانقولو الوقت تطورات و لكن حلمي يكونو عندي 4 اطفال و يكونو توائم هههههههه

سمحيليا صدعتك باحلامي

أنا أم لتوأم عندهم 6 اشهر دابا صراحة تربية ديالهم صعيبة وبزاف خاصة أني موظفة يعني كنخدم من 8و30 حتى 4و30 يعني مكنكون في دار حتى 5 مساءا وعاد خاصني نقضي شغال الدار ونقابلهم خاصة أنهم في هذه السن كيبغيو ساعة ساعة نخدهم في الحضن ديالي كنخليهم في الصباح مع حماتي بعد مكنوجد ليها كلشي لخاصهم تم كنمشي للخدمة ومنين كنجي في العشية كنهبطهم لدار عندي وفي بعض الأحيان كتجي ماما وتديهم عندها شي أيام باش كتعاوني صراحة منتوحشهم منين كيكونوا عندها لكن كنكون مطمئنة عليهم أكثر وكنتطع نخمل الدار كاملة مزيان.

اختي انا عندي توام بنت وولد عندهم ازيد من 5 سنوات ونصف .اش غنقول ليك تربية ديالهم صعيبة بزاف خاصة اني موظفة في التعليم .مساكن تعدبوا معيا بنتي ربتها ليا ماما مند ولادتها الى ان بلغت 1 سنة ونصف. وولد ادخلته الحضانة مند شهره الرابع هما مصابين بالحساسية ويمرضون باستمرار ودائما السهر معهما وانا لا يساعدني احد لانني اسكن في مدينة بعيدة عن الاهل والاحباب اضعهم في الروض في وقت عملي وعند انتهائي اعود بهم والله اختي تربيتهم فيها اجر الاانها صعيبة كيبغيوا تاكلوا مرة واحدة ويشربوا مرة وحدة تكلمي معهم في نفس الوقت تيتعاندوا كيتضاربوا بزاف ديما ماما ما يخليوك تاكلي على خاطرك .ما تنعسي في القيلولة. اوا الصبر خسك تكوني على بال ما ديريش الفرق بينهما في القبل. في الحنان في الاستماع وزيد وزيد…. راهما دبا كيلعبوا في الماء رونوا ليا الدوش نخليكم لي عودة للموضوع

الله يخليهم ليك صراحة تربيتهم واعرة أنا غير دابا يا الله 6 اشهر وصراحة مع الخدمة بديت كنعيا عاد زيد منين يكبروا إيوا الله يعاونا وصافي ويخلي لكل واحدة وليداتها ويفرحها بهم

أخواتي ااااش غاديا نقول ليكم الله يعاونا و صافي انا كدلك تمحنت بزاااااااااااااااااف ف التربية ديالهم دارنا بعاد عليا و الحمد لله اننب خدامة في التعليم و الخدمة ديالي قريبة للدار .انا طذلك دخلتهم للروض منين كانت عندهم 9 اشهر بعدما عييت من الخدامات و تحراميات ديالهم .المهم انا مقدرتش نفرقهم او نعطيهم لماما .:(.المهم تمحنت مزياااااان و دابا الحمد لله عندهم 6 سنوات بدات مرحلة اخرىىىىىىىى المدابزة و الضد هادسك بستيها و انا لا و زيد وزيد وزيد هههه .
زعما الله يعاونا و صافي

السلام عليكم
الحمد لله اني لقيت هدا التجمع وشكرا اختي sara 5 على فتحه
انا عندي توام عندهم 8 اشهر واسبوع هههههههه حتى الايام مهمة في الحساب ياك في الحقيقة تربيتهم صعيبة بزاف انا وخا مخداماش ولكن كنعاني معاهم خضوضا ملي كنبغي نخرج وخصني نوجد راسي قبل بنهار هههههههههه خلوني نخوي قلبي عليكم كرهت لماكسي كوزي فاش كنخرجهم كنتمنى غير يتمشاو على رجليهم نرتاح من هزان لكراسى
وكيف قلتي كرهت الخادمات ولات عندي عقدة منهم وخا تمارة علي مفكرتش ندخل حتى واحدة من غير مراة كتجي مرة في الاسبوع وماكين عي الله ماما بعيدة علي عندي ولد ماشاء الله عليه عاوني فيهم فحاجو واحدة ملي كنت كنبعي نخرج كنخليه في الدار والتلفون بينتنا الاتصالات خدمت معنا داك الشهور هههههههههه اوا من كترش عليكم وكنتمنى كل واحدة تحكي لينا باش حملت التوام واش بالدوا ولا الابر ولا وراتة

الى الاخت ام اولادي الله يعاونك باقي مدوزتي والوا فاش غ يتماشاوا وليداتك عاد غ تزيد المشاكل غ يوليوا يحلوا بلاكرات وينزلوا ليك الماعن ويخملوا معاك ويهبطوا من دروج وحظي من الشراجم و بريزات ديال الكهرباء و….زيد وزيد وشوية خصك تعلميهم الجلوس في المرحاض … اش غ نقول ليك تمارة غير الله يعاونا انا مكاينش لي كيعدبني قد الخروج معاهم للتسوق كيرونوني وايضا عند اكل الوجبات كنبقى نوكلهم حتى كنسى راسي وكتسد لي الشهية دبا شوية الحمد لله ولاوا كيكلو راسهم ولكن خصني نحضيهم ماكيبغيوش ياكلوا كيلعبوا . اما سؤالك عن سبب ولادة التوام انا اختي عندنا وراثة ابي وعمتي توام وايضا عماتي ولدن توام ولكن ماتوا لهم وزوجي له خال وخالة توام وسبحان الله عندنا توام ديما بنت وولد واظن حتي احدى اخواتي ستلد ان شاء الله توام والله المعين

الهه يخليلكم وليداتكم كتخلعوني منين كتقلولو مزالة تمارة أنا دابا وعيت شنو غذي نقولكم مع تمارة ديال الدار والخدمة وهما والله بعد المرة منين كنكون مشغولة وهما كيبكيو خصهم نجلس معهم ونهزهم و أنا مرونة خصني نكمل شغالي منكدبش عليكم إلى كنبقى حتى أنا نبكي معاهم