السيدات ليفهوم هوس النظافة

السلام عليكم الانيقات كنلاحظ انا بعض ط§ظ„ط³ظٹط¯ط§طھ فهد الفترة ديال البرد والكز مغرومين بتصبين الكبير وتنظيف العميق وتمرا مالكوم تسطتو الله اخليكوم لعندها شي صحة تكايس عليها راه ولينا على سبة الواحد فهد الفترة من السنة احطي راسو من البرد والامراض ديال الروماتيزم باركة علينا غير المواعن وداكشي لضروري وتقادي ماكلتك الله اج عل البركة حبيت نشاركم هد الفكرة لشخصيا كنعتمدها فهد الفترة ياك ماكلت شي حاجة ماشي هي هاديك

---

hgsd]hj gdti,l i,s hgk/htm

اختي كلامك صحيح النظافة لكبيرة ديال الدار وتصبين الفراش حتى يسخن الحال في شهر ابريل فما فوق دابا غير تدويزة خفيفة وتمييكة على الفراش خاصة اللي ساكنين في مدن بها البرد القارس مثل الثلوج اللي كتساقط في الجبال المحيطة بمدينتي مصاب نقدرو نغسلو غير الماعن انا والله العظيم الى كنغسلهوم بالماء الساخن راه اليدين يطيرو بالماء البارد عندنا الماء بارد بزاف انا كنزيد فيه شوي الماء الساخن عاد كنشربو مثلج

عند الحق اختي بزاف ديال نساء ماكايرردوش البال لصحتهم خصوصا مع هاذ البرد ولكن بعد الخطرات كاتجي واح الحالة ديال الحماس على الشقا ما كايبقى يهم لا برد و لا شتا المهيم نشوف كلشي نقي

يقول المثل ـ ـ سال مجرب ولاتسال طبيب ـ ـ إييييه راه العيالات للي فناو صحتهم في الشقا وتمارة أغلبيتهم مرضو وعواج ليهم الظهر .كل حاجة نعملوها في وقتها و بالعقل

المشكلة حنى مكنديرو والو وعواج لينا الظهر و ديما مراض كاينين الناس ي كيصبنو بيديهم و يخملو و يحطبو ويسرحو و يسكيو ….. تبارك الله مبيهم والو لحد الأ كيشقاو فالبرد و الضهد حنى الحمدلله كولشي متوفر ها ماكينة الصابون ها ماكينة الماعن ها ماكينة لي كطحن ها لي تغربل ها ….. را العكز لي داز لعظامنا ههههه أما الواحد ملي كيلقا دارو نقيا كينسا الهم

زيدوني عليكم انا كنموت على حاجة سميتها النضاااااااااافة دابة راني حيدت الغشيان ديال اللحيف وغشيان الوسايد وسيرة كنسوس كل مرة تندير حاجة ولكن كيف قلتو الجو سخون افضل الواحد دابة غير يسيق ويجمع عادي انا طريقتي كل مرة تنقي حاجة باش تتجيني الدار ديما نقية ومنحتاجش نسوسها بمرة يعني كنسوس كل مرة بيت

عندك أختي الحق كلشي بالتاويل والعقل

حتى انا زيدوني عليكم ولكن هاد البرد ميكت تنتسنى الجو يسخن
ولكن خاطري ما مهنيانيش امعصبة اما عاجبني حال حيث ما تنحملش الروينة وخا دار تتبان مجموعة ولكن انا لي عارفة اش مخبي هههههه
الله يعاونا عليها

تانا تنبغي نميك فهاد البرد ولايني تيبقا طالعلي دم ومحامله حتا حاجه فدار تناضت كولشي صابنتو عسيت على شمشي بانت واحد سيمانه وانا نطلع زرابي كاملين وطلامطصبنتهوم ولغدلين حكيت دار ومسحت لحيوط وضربتها بتسيقه لدار ودازت يوماين عاود جففت وهبطت هداكشي من سطح وفرشت عاد اتحيت واخا مكاينه راحه ايدوز غير شهر ارجع نعاود هادشي راجلي قالي قنطتيني بهاد تماره ولا جبت مراه بصراحه متتقنعنيش وتنولي نعاود كلشي مورها ياريت تعاونوني حيت بالفعل عييت ومعا دالك متنقدرش نخلي هادكشي ونميك عاودتليكوم قصه حياتي سمحولي على الاطاله