سلام وعليكم اخواتي أنا بنتي عندها 5 سنين مالي ولادتها دارت اللول
hgplg lk fu] hgg,gf hg[lg
ودبا حيدت نهار 29/08 جتني دورة نهار 14/09 وعود جتني نهار 14/10 ودبا جتني نهار 17/11 تعطلت علي شوية معرفتش وش ندير شي أعشاب ولا نمشي لطبيب حيت راجلي مصدعني بغي لاولاد وحتى أنا مكرهتش نحمل ساعدوني الله يخليكم اشنو ندير
27 مشاهدة ولا رد جاوبني البنات الله يرحم لولدين وش ندير شيحاجة أنا دبا هادا هو نهار لخامس ليا في دورة صافي سلات مني وش نقدر ناخد شي دوا
أختي يمكن غير البرد اللي شادك على الحمل ديري لمساخن وتوضاي بالخزامة ولبسي مزيان من البرد ولمجابش الله سيري شوفي الطبيب يعاونك بالدوا والله يرزقك الذرية الصالحة المعافاة يارب
أختي محبة الأنبياء كنشكرك بزاف على جوابك ليا إنشاء الله ندير لخزامى بغيت نسولك امتى نقدر نديرهم واش كتعرفي شي دوا نشره من فارماسي الله يرحم لولدين
اختي هي مسالة وقت بقاي تاكلي مساخن ونساي انك باغة تحبلي لان الحاجة الى تبعتيها عمرها ماتجي عملي يقينك بالله وبقاي تغطاي عالبرد كولي الحبة السودا مع عسل حر ايام الحيض وراه كاينين وصفات عديدة فالنت الله يرزقك فالقريب العاجل نتي وكل محرومة
اختي تسناي واحد 3 اشهر اخرى وفيها ديري المساخن فالدجاج بلدي بعد ماتغسلي من الدورة والخزامى سخني بيها ديريها فماء سخون وبحال ايلا تتبخري بيها زولي ملابس الداخلية ودوري عليك شي ايزار وخلي السخونية تدخل مزيان معاك ومن بعد شربي كاس ديال الحليب سخون بالزعفران الحر وسيري تدفاي وتغطاي مزيان باش تسخني ديريها 3 ايام بعد الدورة وان شاء الله تحملي وايلا ماحملتيش ديك الساعة يعني راه ماشي برد سيري للطبيبة
أختي ما عندي حتى فكرة ، الله يفرحك بالذرية الصالحة المعافاة يارب العالمين وكل منتظرة