كنت خديت زربية لبيت نعاسي و دابا تواسخات و بغيت شي طريقة باش نغسلها و متبهاتش ليا و تبقى زوينة منساش نقول ليكم ان لونها حمر و فيها زواقات بيضين و بدا هداك لبيض يموت فيه الوسخ لهدا انا بغيت شي طريقة باش ترجع كيف كانت
والله يجازيكم بخير ازوينات
hgph];hj du,k,kd td >>>> hgph];hm
السلام. سمعت ان الى رشيتي فيها الملحة الحية و خليتيها تبات و في الصباح تشطبيها كاتوللي لامعة, انا شخصيا اللي جربت حيت ساكنة فشقة و ما كاين كي نصبنها, كاندير فبانيو الما مخلط مع الامونياك و بشيتة كانهز مننو و كتنحك بطريقة دائرية باش حتى الخملة تجمع وكانشرها تنشف , والنتيجة بحال الى صبنتيها
حتى وحدة معندها شي فكرة
-اي نحن هنا هههه
اختي خليها بايتة فالصابون البلدي طبعا مخلط و دايب فالماء.و في الصباح غسليها بشمبوان ديال الزرابي او اي شامبوان عادي الل كانستعملوه للشعر و لكن اياك تستعملي الشيتة,خودي شي زلافة و قلبيها و حكي بها الزربية بحركة دائرية غير باش يتحيد الاوساخ العالقة, و شليها بالماء.النتيجة الطبايع كايتحيدو و الشعيرات ديال الزربية رطيطبين و الرائحة غزالة.
اختي انا كنت قريت فالمنتدى واحد الاخت الله يجازيها بخير قالت كنطلقو الصابون البلدي فالماء وكديريه على الزربية وكتحكيها بالعصارة ديال الليمون مقلوبة وكتحكيها صح مايتمكن وكتكرطيها بالكراطة ثم كدري شوية ديال ساني كروة فالماء وكطلقيه على الزربية وكتجبي الشيتة وكتحكيها باش تزول منها الخملة ولاكين شي شعر وفالاخير شلليها بالماء مزيان ونشريها كتخرج كتشعل وهدهي طريقتي فتصبين الزرابي و درت هد الطريقة فزربية الواليدة الله يشافيها خرجات كتحمق مع لونها اخضر وباج وشبعت دعيوات مع راسي
مشكورات البنات على النصاءح